Гендерлік теңдік мәселесіне арналған құқықтық материал

Гендерлік теңдік: ерлер мен

Әйелдердің құқығы тең болу қажет пе?

Гендерлік теңдік-бұл барлық жыныстағы адамдардың тең құқықтары, міндеттері мен мүмкіндіктерінің болуы. Қазіргі қоғамда гендерлік теңдік мәселесі ерекше маңызға ие. Өйткені бүгінде әйелдерді қоғам өмірінен шеттетіп, ерлерге басымдық беру әлі де жиі кездеседі. Мұндай жағдайлар қоғамда әділеттілік принциптерінің сақталмай жатқанын көрсeтеді. Ерлер мен әйелдер құқығының тең болуы елдің экономикалық және рухани өрлеуіне де ықпал етедi. Қазақ қоғамында билік басында әйелдің отырғанын сирек көреміз. Өкінішке орай, "қыз-қонақ", "әйел-үйдің шырағы” деген ұғыммен ғана шектеліп, “Әйел көш бастаған билік оңбайды” деген жаңсақ пікірдің жетегінде кетіп қаламыз. Алайда дамыған елдерге назар салсақ, талай мемлекеттің тізгінін ұстаған, халқының сенімін арқалаған көптеген әйел көшбасшыларды көреміз. Бұл әйелдің орны тек қана асханада емес, қоғамның қай саласында болсын өзін көрсете алатынының айқын дәлелі.

Қазақстан неге дамыған елдердің қатарына кірмейді? Бұл сұрақтың жауабын алыстан іздеп, бас қатырмауға да болады. Себебі біздің қоғамда әлі күнге дейін “әйел үйде отыруы керек”, “табысы ер азаматтан аз болуы керек”, “ол әрдайым бір саты төмен тұруы тиіс” деген пікір өзгерер емес. Сананың шеңберіне қамалған мұндай пікірді өзгерту- жеңіл іс емес. Әйелдің ақылы мен парасатына күмәнмен қарау-тек әйелге емес, тұтас қоғамға жасалған қиянат. Себебі ұлттың дамуы-оның әр мүшесінің тең дәрежеде өмір сүріп, өз мүмкіндіктерін толық ашуына байланысты.

Бізде заң бар, бірақ ол қағаз жүзінде ғана. Әйелге күш көрсету, қорқыту, тіпті қол жұмсау секілді ауыр әрекеттер әлі де көптеп кездеседі. Бұл- қоғам жарасы. Осы секілді оқиғалар әйел затының даусын тұншықтырып, оларды қоғамнан алшақтатуда. Көзге көрінбей жатқан, бірақ жүрекке ауыр салмақ салатын осы сияқты жайттар күн өткен сайын көбейе беруде. Ең қорқыныштысы- әйел қауымына күш көрсеткен еркек сымақтардың заң алдында жауап бермей, тиісті жазасын алмауы. Бұл- қоғамның жазылмас трагедиясы, оны шешуге үлес қосу бар адамның міндеті.

Қорытындылай келе, әйел де еркек те теңдес тіршілік иелері. Бірінің үнін өшіріп, екіншісің даңқын асыру- адамгершілікке де, әділетке де жат. Иә, әйел…