Гендік түрлендірілген өнімдер бойынша 10-сынып сабақ жоспары

Биология,химия пәндері :Танымдық сабақ, 9-11сыныптар аралығында

Сабақ бөлімі: Гендік өзгеріске ұшыраған өнімдер

Сабақтың тақырыбы:Гендік модификацияланған өнімнің зияны

Оқу мақсаты:

Әртүрлі идеяларға қажетті мысалдарды қолдана отырып, өз ойларын жан-жақты дамытады, түрлі тұжырымдарды жасайды.

Сабақ мақсаты:

Мәтін мазмұнын түсіндіру барысында түрлі дәлелдемелерге жүгінеді.

Сабақ әдісі: «Жұптаса талқылау» стратегиясы

Бұл – топтық жұмыс.

Бұл әдісті жүзеге асырмас бұрын «Біз кімге айналып бара жатырмыз?» деген мәтінді тыңдату қажет.

Тыңдалым мәтіні:

Дүниежүзілік сауда ұйымының талабы бойынша, құрамдас елдер генетикалық түрлендірілген тағамдарды импорттауға шектеу қоймауға тиіс. Алайда, айтып өткеніміздей, АҚШ пен Англия гендік модификациядан өткен өнімдердің өз елдерінде сатылуына шек қойып отырады.Сол секілді, Ресей ғалымдары да бір елді мекен тұрғындарына Қытайдың трансгенді өнімдерін ғана беріп отырып, екі жыл бойы бақылау жүргізген. Ауыл тұрғындары таза органикалық өнімдермен тамақтанған көршілес ауыл тұрғындарымен салыстырғанда, ас аллергиясына көп ұшырағыш болып кеткені анықталған ұқсайды...

Ал енді қазаққа гендік модификациядан өткен өнімді тұтынудың қажеті қаншалық?

Кең байтақ жері бар, суы бар, күні де жылы, мал өсіріп, егін егуге қолайлы территорияда тұратын16 миллион халық жасанды тағамға зәр болып отыр ма?

Қытай ғалымы Лао-Цзы: «не жесең, соған тартасың» деген екен. Адамның қандай малдың етін көбірек жесе, мінезі соған ұқсап кететінін басқа ғалымдар да дәлелдеп баққан. Ал, расында, жануарлардың гені қосылған жемістер мен көкөністерді жеу бізді жылқы мінезімізден алыстатып жібермей ме?..

Жан-жануардың гені қосылып өндірілген өнімді тұтыну ертеңге ұрпағымыздың да геніне, мінезі мен болмысына әсер етіп жүрмей ме?

Сонан соң мына қадамдарды ұстанған жөн.

1 – қадам: сабақ басында бөлінген 3 топқа 3 сөзді таратамыз, 1-топқа - жауап, 2 - топқа - талқы, 3 – топқа - мысал сөздері беріледі.

2 – қадам: Мұғалім ортақ маңызды бір сұрақты ұсынады.

3 –қадам: «Жауап» тобы мұғалім ұсынған сұраққа жауап береді. Ал, «Талқы» тобы мұғалім көтерген белгіге орай талқы жасайды, «-» - келіспейді, «+» - келіседі, ой қосады. «Мысал» тобы дәлел, өмірден мысал келтіруі тиіс.

4-қадам: Оқушылардың қызметін, яғни әр сұрақ сайын оларға таратылатын сөздерді ауыстырып отырады, бірде бірінші топ жауап берсе, екінші жолы осы топ талқы жасайды не болмаса мысал келтіреді. Топтардың қызметін ауыстырып отыру шарт.

5-қадам: Сұрақ түрлерін де әр айналым сайын ауыстырып отыруды ұмытпаңыз.

Сұрақтар:

Бірінші айналымның сұрағы:

Біз кімге айналып бара жатырмыз?

Жауабы:

Адам немен азықтанса, сол нәрсеге ұқсауы ықтимал. ГМӨ - ні қолдансақ, төрт түлік малдың бірі жылқымен азықтанған қайсарлы мінезімізден айрылып қалуымыз мүмкін, сондықтан әрбір азығымыздың пайдасы мен зияны туралы ойланғанымыз дұрыс.