География пәнінен ашық сабақ жоспары, 10-сынып

Қысқа мерзімді сабақ жоспары

Пән мұғалімі: Еркебаева Ұлжамал Аманбайқызы

Сабақтың № 20

Күні: 19.11.2016 ж

Пәні: География

Cыныбы : 10 «А»

Сабақтың тақырыбы: Қазіргі кездегі дүниежүзі елдері типтерінің көптүрлілігі.

Сабақтың мақсаты:

Оқушылар қазіргі кездегі дүниежүзі елдері типтерінің көптүрлілігі және олардың жіктелу ерекшеліктері туралы білу.

Міндеттері:

1. Елдердің көптүрлігінің жіктелу принциптерін түсіндіре алу.

2. Саяси картадан негізгі ерекшеліктері арқылы елдерді көрсету.

3. Оқушылардың дүниетанымын кеңейте отырып, ынтымықтастықта жұмыс жасауға тәрбиелеу.

Күтілетін нәтиже:

Оқушылар қазіргі кездегі дүниежүзі елдері типтерінің көп түрлілігін ажырату принциптерімен танысып, алған білімдерін күнделікті өмірде қолдана алады.

Сабақтың типі: Жаңа білім беру

Сабақтың түрі: Аралас сабақ

Сабаққа кіріктірілген модуль: Оқыту мен оқудағы жаңа тәсілдер, сыни

тұрғыдан ойлауға үйрету, оқыту үшін бағалау және оқуды бағалау, оқыту мен

оқуда ақпараттық- коммуникациялық технологияларды (АКТ) пайдалану,

оқушылардың жас ерекшеліктеріне сәйкес оқыту және оқу.

Сабақта қолданылатын әдістер: Терминдермен жұмыс, сандар сыры, зымыран сұрақтар, «Ойлан, жұптас, ортаға сал», картамен және дәптермен жұмыс, инсерт кестесі, бағдаршам.

Cабақтың көрнекілігі: Карта, атлас, слайдтар, оқулық, маркер, батман қағазы.

Пәнаралық байланыс: Тарих, бейнелеу, еңбек.

Cабақтың жоспары:

Ұйымдастыру кезеңі.

А) Оқушылармен амандасып, түгелдеу.

Ә) Ынтымақтастық атмосферасын қалыптастыру.

Б) Оқушыларды топқа бөлу. (Түрлі - түсті стикер арқылы)

Үй тапсырмасын сұрау.

А) Терминдермен жұмыс

Ә) Сандар сыры

Үй тапсырмасын бекіту.

«Зымыран сұрақтар»

Жаңа сабақ.

А) Мұғалім түсіндірмесі

Ә) «Ойлан, жұптас, ортаға сал» топтық жұмыс

Жаңа сабақты бекіту.

А) Дәптермен жұмыс

Ә) Картамен жұмыс

Б) Инсерт кестесі.

Оқушы әрекетін және сабақ барысын бағалау.

Дескриптор арқылы бағалау парағына бірін-бірі бағалау

Үй тапсырмасын беру.

«Үлкен жетілік» елдерінің жетістіктері туралы слайд жасаңдар.

Рефлексия.

«Бағдаршам»

Сабақтың барысы:

Сабақтың кезеңдері:

Мұғалімнің іс-әрекеті

Оқушылардың іс-әрекеті

1.Ұйымдастыру кезеңі:

1.Оқушылармен амандасып, түгелдеймін .

2.Сыныпта ынтымақтастық қарым-қатынас орнатуға ықпал ету.

3. Оқушыларды түрлі - түсті стикер арқылы 4 топқа бөлу.

Оқушылар мұғаліммен және бір-бірімен амандасады.

4 топқа бөлініп, топ басшысын сайлап алады.

Үй тапсырмасын сұрау:

1. Терминдермен жұмыс

Экспансия – жат жерді жаулап алу саясаты.

Мемлекет аумағы – белгілі бір егемендігі бар елдің қол астындағы жер шарының бір бөлігі.

Анклав – белгілі бір мемлекеттің жер аумағының барлығы немесе оның бір бөлігі көршілес бір немесе бірнеше елдің құрғақтағы жерлерімен қоршалып жатуы.

Эсклав – елдің жер аумағының бір бөлігі көршіліес жатқан мемлекеттердің жер аумақтарымен түгелдей қоршалып жатпай, мұхит-теңізге ашық жатуы.

Жалпы ішкі өнім – сол елдің жер аумағында өндірілген барлық тұтынатын тауарлар мен көрсетілген қызметтер, мемлекеттік сатып алу мен іске жұмылдырылған капиталдың жиынтық құны.

2. Сандар сыры

1948 жылы – Корея екіге бөлінді.

1950 жылдар – егеменді елдер саны 92-ге жетті.

1960 жыл – Африка жылы.

1990 жылы – Югославия ыдырады.

1991 жылы – КСРО ыдырады

1993 жылы – Чехословакия Федерациялық Республикасы екі мемлекетке бөлінді.

1997 жылы – Заир Республикасы атын өзгертті.

1999 жылы – Гонконг Қытайдың бірлестігі .

2000 жылы – Португалия отары Макао Қытайдың қарамағына өтті.

2011 жылы – Судан мемлекеті бөлініп, Оңтүстік Судан өз тәуелсіздігін алды.

Оқушылар терминдердің мағынасын ашады.

Әр топ мүшелері берілген сандар бойынша саяси картадағы маңызды оқиғаларды осы жылдар бойынша айтады.

Картадан көрсетеді.

Үй тапсырмасын бекіту:

«Зымыран сұрақтар» әдісімен оқушыларға сұрақтар қоямын.

1.Дүниежүзі саяси картасының қалыптасуының негізгі төрт кезеңін атаңдар.

2. Саяси картаның қандай маңызы бар?

3. Мемлекет болу үшін қандай шарттар орындалуы керек?

4. Саяси картаның қалыптасуына Екінші дүниежүзілік соғыстың ықпалы қандай?

Әр топтан өз қалаулары бойынша оқушылар шығады да, сұрақтарға жылдам жауап береді.

Жаңа сабақ .

Қызығушылықты ояту және сабақтың тақырыбын ашу мақсатында оқушыларға жұмбақ жасырамын.

1. Жер көлемі бойынша Ресей мен Канададан кейінгі 3 орында, ал халық саны жөнінен 1 орында. Бұл қай ел? (ҚытайХалықРеспубликасы)