Геометриялық пішіндердің сиқырлы әлемі балабақшаға

Білім беру саласы: «Таным»

Ұйымдастырылған оқу қызметі: Қарапайым математикалық ұғымдарды қалыптастыру

Тақырыбы: «Геометриялық пішіндердің сиқырлы әлемі»

Мақсаты: Геометриялық денелер (куб, шар) мен пішіндерді (шаршы, шеңбер, үшбұрыш, тікбұрыш, сопақ) ажыратып, атауды үйретуді жалғастыру.

Көрнекі құралдар: «Дөңгелек, үшбұрыш, төртбұрыш,сопақ, шаршы» пішіндер әлемі, геометриялық пішіндер, денелер, пішіндер доминосы.

Әрекет кезеңдері

Тәрбиешінің іс- әрекеті

Балалардың іс-әрекеті

Мотивациялық- қозғаушы

Шаттық шеңбері

Балалар бір - біріне жақсы тілектерін айтады:

Аспаның ашық болсын!

Туымыз биік болсын!

Денің сау болсын!

Жарайсыңдар балалар, отырайық

Шаттық шеңберіне тұрады.

Бір-біріне жылы сөздер айтады.

Іздену - ұйымдастырушы

Бүгін біз пішіндер әлеміне саяхат жасаймыз. Пішіндермен

ойнағыларың келе ме?

- Біз пішіндер әлеміне келдік? Дөңгелектің түсі қандай?

- Тобымыздан дөңгелекке ұқсас заттарды табайықшы.

- Үшбұрыштың түсі қандай ?

- Үшбұрышқа ұқсас заттарды табайықшы.

- Балалар енді барлығымыз күн құрастырайық. Күнді неше

дөңгелектен, неше үшбрыштан құрастырдық?

Бірге «Күн» өлеңін айтайық:

Көгімізде алтын күн,

Себілгендей жерге гүл

Балабақша бағында

Жарқырасын жарық күн!

- Орнымызға жайғасайық, енді мұнда тағы бір пішін төртбұрыш бар екен. Төртбұрыштың түсі қандай?

Сергіту сәті:

Төртбұрышты қолданып,

Үшбұрышты қолданып,

Көрпешені жасаймыз

Әдемісін ішінен

Досымызға сыйлаймыз.

- Мен сендерге қызық өлең айтып берейін, сендер мұқият

тыңдаңдар:

Қызыл, сары, жасыл,көк

Алуан-алуан пішіндер.

Үшбұрыш төбесі,

Төртбұрыш денесі

Ұзыншақ денесі, мынау міне терезе.

- Балалар, қараңдаршы мен не құрастырдым?

- Мен үйді қандай пішіндерден құрастырдым?

«Таныс пішіндер доминосы» ойыны

Ойынның мазмұны: Балаларға суреттерді таратып беру. Жүргізуші бірінші суретті үстелдің ортасына қояды, қалған балалар сурет сәйкес өзінің суретін қояды, суретте бейнеленген пішінді атайды. Ойын осылай жалғаса береді.

- Енді таратылған таяқшалардан сендердің қандай пішіндерді немесе пішінге ұқсас заттарды құрастыра алатындарыңды байқайық.

- Бұл не?

- Шарды үстелдің үстінде домалатайын, не байқадыңдар?

- Шар не істейді? Шар неге ұқсайды?

- Енді кубты домалатайын.

- Балалар куб неге шар сияқты домаламайды?

Кубты бір балаға қолымен сипатып көру.

- Кубтың нелері бар?

- Ал шарды сипап көріңдерші, бұрыштары бар ма?