Ғылым таппай мақтанба бойынша 2-сынып ашық сабақ жоспары

Қысқа мерзімді жоспар

Пән: Әдебиеттік оқу

Ұзақ мерзімі жоспар бөлімі

Бөлімі: Өзім туралы

Мектеп: №37ЖОББМ

Күні:

Сынып: 2

Мұғалімнің аты-жөні:

Машгулова Айжан Калыковна

Қатысқандар саны:

Қатыспағандар саны:

Сабақтың тақырыбы:

Абай атаның сөзін жақсы тыңдаймын.

Абай Құнанбаев. Ғылым таппай мақтанба

Осы сабақта қол жеткізілетін оқу мақсаттары (оқу бағдарламасына сілтеме)

2.1.1.1 шығарманың мазмұны бойынша сұрақтарға жауап беру;

2.2.3.1 мұғалімнің көмегімен мәтіннің тақырыбы мен негізгі ойын анықтау;

Сабақ мақсаттары

Барлық оқушылар:Өлеңнің мазмұны бойынша сұрақтарға жауап береді, мұғалім көмегімен негізгі ойын анықтайды

Көптеген оқушылар: Өз бетімен өлеңдегі негізгі ойды айтады, адам бойындағы жақсы қасиеттер мен жаман кемшіліктерді сипаттайды.

Кейбір оқушылар: Өлеңнің негізгі ойына байланысты сұрақ құрастырады.

Тілдік мақсаттар

Пәнге тән лексика мен терминология: Ғылым, өсек, өтірік, мақтаншақ, еріншек, бекер мал шашпақ, талап, еңбек, терең ой,қанағат, рақым(топтық жұмыс кезінде)

Диалог пен жазу үшін пайдалы сөздер мен тіркестер:

-Жақсы дегенді қалай түсінесің, жаман дегенді қалай түсінесің?

-Абай Құнанбаев кім?

-Адам бойында қандай жақсы қасиеттер мен жаман әдеттер болады?

-Өз бойыңда қандай жақсы, жаман мінез-құлық белгілері бар деп ойлайсың?

Құндылықтарды дарыту

-Құрмет (бірін-бірі тыңдау);

-Ынтымақтастық (топтық жұмыс аясында),

Қазақстандық патриотизм және азаматтық жауапкершілік (дереккөздерді саралау кезінде)

Пәнаралық байланыстар

Қазақ тілі (сөздік жұмыс, дәптермен жұмыс кезінде) Дүниетану(ширату бөлімінде)

Бастапқы білім

Ғылым, білімге көңіл бөлу, жамандықтан жирену

Сабақ барысы

Сабақтың жоспарланған кезеңдері

Сабақта жоспарланған іс-әрекет

Ресурстар

Сабақтың басы

(3мин)

І.Ұйымдастыру бөлімі

(«Өзім туралы» бөлімімен байланыстыра отырып оқушылар жазғы демалысы туралы, бос уақыты туралы, баратын үйірмелері, достары мен өзі жайлы, сүйікті кейіпкерлері туралы ой бөліседі.)

«Ішкі, сыртқы шеңбер сұрақтары» 2-ге бөлініп тұрады. Ішкі шеңбердегі оқушылар сыртқы шеңбердегі оқушыларға сұрақ қояды.Сыртқы шеңбердегі оқушылар жауап береді, сыртқы шеңбердегі оқушылар сұрақ қояды.

-Жазғы демалыста қайда бардың?

-Жазғы демалыста қандай қызықты оқиғалар болды?

т с.с.

Күз, қыс, көктем, жаз-жыл мезгілдері арқылы топқа бөлініп отырады.

-Жаз бойы жасалған іс-әрекеттеріңіздің бәрін жақсы деп айта аласыз ба? «Әттеген-ай» деген өкінген кездеріңіз болған жоқ па?

Тақырыпқа болжам жасайды. Сюжетті суреттер арқылы тақырыпқа болжам жасайды.

Адам баласы тумасынын жақсылыққа да жамандыққа да бейім жаратылған.Бұл екі қасиет бір-бірімен астасып жатырған қасиеттер.

Сабақ мақсатымен таныстыру.

Бүгін сабақта Абай Құнанбаевтің «Ғылым таппай мақтанба» өлеңін оқып, адамның бойындағы жақсы қасиеттер мен жаман әдеттер туралы айтамыз.

Сабақтың ортасы

Жаңа сабақ

«Аудио-визуалды сигнал» әдісі.

«АБАЙ» бейнежазбасын көрсе отырып топтарға қағазға жазылған тапсырмалар беріледі.

Дереккөздер бойынша саралау тапсырмалары .

1топ:Абайдың отбасы мүшелерін анықтау

Абайдың азан шақырып қойған аты-ИбраҺим

Анасы мен әжесі қойған ат – Абай

Абайдың әкесі: Құнанбай

Абайдың анасы – Ұлжан

Абайдың атасы – Өскенбай

Абайдың әжесі – Зере

2топ:Абайдың оқыған білім ордалары

1. Ауылдағы Ғабитхан молдадан сауат ашады (2 жыл)

2. Семейдегі Ахмет Риза медресесінде 3 жыл оқиды.

3. Семейдегі “Приходская школында” 3 ай оқиды

3 топ: Абай шығармашылығы

1. Өзі шығарған өлеңдері (8 мың жолдай)

2. Өз өлеңдеріне жазған әндері (40-қа жуық әндері бар)

3. Өзге тілдерден аударған шығармалары (шығыс,орыс әдебиет)

4. Қара сөзбен жазылған философиялық шығармалары (45 қара сөзі)

4топ:Топтастыру жасайды : Абай- ақын-аудармашы-суретші-философ-лирик-данышпан т.б.

ҚБ –мұғалімнің кері байланысы

Мұғалімнің сөзі:Бүгінгі өтетін өлеңіміздің тақырыбы: «Ғылым таппай мақтанба». Абайдың «Ғылым таппай мақтанба» өлеңі 1886 жылы жазылған. Көлемі 77 жол. Асыл қасиеттерді уағыздайды. Жастарды еңбек етіп, ғылым мен білімге ұмтылуға шақырады.

Тыңдалым:Аудиокітаптан Абайдың «Ғылым таппай мақтанба» өлеңін тыңдау.

Ғылым таппай мақтанба

Ғылым таппай мақтанба,

Орын таппай баптанба,

Құмарланып шаттанба?

Ойнап босқа күлуге.

Бес нәрседен қашық бол,

Бес нәрсеге асық бол,

Адам болам десеңіз.

Тілеуің, өмірің алдыңда,

Оған қайғы жесеңіз.

Өсек, өтірік, мақтаншақ,

Еріншек, бекер мал шашпақ –

Бес дұшпаның, білсеңіз.

Талап, еңбек, терең ой,

Қанағат, рақым, ойлап қой –

Бес асыл іс, көнсеңіз.