Ғылымның сырын ұғына білім шыңына сыныптан тыс сабақ

Сыныптан тыс іс-шара

Тақырыбы: Ғылымның сырын ұғына,

Шығыңдар білім шыңына

Мақсаты: Оқушылардың пән бойынша білімдерін жүйелеу, саралау.

Көрнекілігі: интерактивті тақта, слайдтар, әріптер жазылған тақташалар.

Сабақтың түрі. Сайыс сабақ

Сабақтың барысы: І. Ұйымдастыру кезеңі

І топ- Дарвиндер

ІІ топ-

Мұғалім сөзі. Армысыздар құрметті ұстаздар мен оқушылар!

Өздеріңіз білесіздер қаңтар айының 10-19 жұлдызы аралығында мектебімізде химия-биология апталығы жүріп жатқанын, бүгін сол апталықтың тағы бір жұмысы 9 сыныптар арасында өткелі отырған «Ғылымның сырын ұғына, шығыңдар білім шыңына» атты тойымызды ашық деп жариялаймыз.

Жанболат:

Бармысыздар ұстаздар мен оқушылар! Бүгінгі «биология мейрамханасы» желісімен ««Ғылымның сырын ұғына, шығыңдар білім шыңына» атты тойымызға қош келдіңіздер.

Мұғалім: Ал, канекей, қаралық,

Мына жақта жаңалық.

Бүгінгі той төрінде,

Химия елінде,

Биология тілінде,

Жұмбақ шешіп жарысып,

Сұрақ шешіп аңдысып,

Шабыт тасып шалқысын,

Шаттықпенен ән салып.

Көңілді кеш жасайық.

Жанболат:

Мектепте тойдың мәні бар,

Мәні бар тойдың сәні бар.

Бүгінгі тойдың иесі,

Химия биологиялар.

Алдыменен таныстырып өтейін. Бүгінгі тойымыздың қонақтарын сынға алатын тойымыздың мәртебелі қонақтары:

Ұстаздар: мектебіміздегі оқу-ісінің меңгеруші: Адильбаева Алмагул апай, Бейнелеу пәні мұғалімі: Жалғасбаев Нұрбек ағай, физика пәні мұғалімі: Төреахметова Ләззат апай, ағылшын тілі пәні мұғалімі: Аленова Сайлаукүл апай

Сонымен бірге бүгінгі тойды ұйымдастырған мектебіміздің биология пәні мұғалімі Алниязова Амангул апай және мен 9 сынып оқушысы Жанжекенов Жанболат.

Даяршыларымыз: Абденов , Жетесова Жания

Мұғалім:

Ау жарандар, жарандар,

Той басталды қараңдар.

Той қонағы болатын

Қандай –қандай қонақтар бар

Ендеше нағып тұрмыз қонақтарды жайғастырайық.

№1 столға «Ч.Дарвин атамыздың шәкірттері» тобы

Жанболат.

№2 столға « » тобы

Қонақтарымыз жайғасып болсаңыздар біз тойымызды бастаймыз.

Мұғалім:

Жанболат қазақ халқындағы қандай тойларды білесің.

Жанболат апай қазақ халқында тойлар өте көп қой, мысалы сүндет той, тіл ашар той, жас жұбайлар тойы, шаңырақ тойы дегендей, апай бүгін бізде де мерекелік той ғой. Той дегеніміз халықтың бас қосуы, көңіл қуанышы.

Мұғалім: Я дұрыс айтасың Жанболат ағайын-туған, жекжаттармен араласып, көңіл-күйін, шаттық сезімдерін білдіретін салтанатты жиын. Той барлық халықтар мен ұлттарда болады. Оның ұлттық салт-санасы, рәсімі әртүрлі.

Жанболат:

Біз келдік апталық тойын бастауға,

Кетуші ек, айғай салсақ топты жарып.

Айтайын азырақ сөз тойыңызға,

Тыңдасаң, көп әлеумет, құлақ салып...

Мұғалім:

Біз келдік той дегенге жиылысып,

Үстімізге бар асылды киінісіп,

Болыпты жұрт көрмеген ұлы той

Таң қалып қарағандай жер менен көк...

Жанболат:

Белгілі бұл қазаққа тілдің желі,

Той қылдың жұрт жиналған мерекелі

Сәрсенбі сәтті күні той қылыпсыз

Тойыңыз тойға ұлассын берекелі дей келе бүгінгі тойымыздың шарттарымен таныстырайық

Тойды өткізу ережесі

І.Той бастар

ІІ. Тілек айту

ІІІ.Сұрақтармен әшекейленген ас мәзірі:

ІV. Құпия сандықша. Тапсырмалар

V.Торт кесу. (Кім жылдам)

VІ.Той табақ тарату. (сұрақтарға жауап)

Мұғалім:

І. Той бастар

Той төріне шығайық,

Білімге мойын бұрайық.

Бүгінгі тойдың шартына,

Сақадай сай тұрайық дей келе тойымызды той бастармен ашайық, барлығымыз тақтаға назар салайық. Бұл жерде кімнің суреті бейнеленген?

1881 жылы орыс дәрігері өз экспераменттері негізінде тамақ құрамындағы қандайда бір ерекше заттардың болмауынан ауруға ұшырауын анықтады. Ол заттар витаминдер болатын, бейорганикалық қосылыстардың да ағза үшін маңыздылығын атап көрсеткен. Жауабы: Н.И.Лунин.

ІІ. Тілек айту

Жанболат:

Тапқыр, білгір, дарынды

Жарыс бар бүгін арынды

Биология пәнінде

Пәндерін сүйсең егер сен

Ортаға сал барыңды

Қандай ой бар балада

Ойланып әлде қала ма?

Тілектерді тыңдайық

Тілексіз той бола ма?

Тілекті бастап көріңіз

Әдемі сөзді өріңіз

І-топ қанекей

Той төріне келіңіз дей келе №1 столдың қонақтары «Ч.Дарвин атамыздың шәкірттері» тобы ортаға шақырып лебіздерін тыңдайық.

Сіздердің құрметтеріңізге Ән: « » Орындайтын

Мұғалім:

Жарыссаң намыс жана ма

Екінші топ қала ма?

Тілегіңізді айтыңыз

Ата-ана, ұстаз, балаға-дей отыра №2 столдың қонақтары « »

Би:

Жанболат:

Ас мәзірін дайындап,

Даяршылар ағылмақ.

Алдыңызға ас барса,

Алыңыздар қабылдап дей отыра тойымыздың

ІІІ. Сұрақтармен әшекейленген ас мәзірі деп аталатын екінші кезеңіне кезек берейік.

Бұл жерде даяншыларымыз сіздерге ас мәзірінде үш қиынды қағаз апарады, соның біреуін таңдайсыздар. Қиынды қағаздарда өсімдіктану, жануартану, анатомиядан сіздерге сұрақтар қойылады.

Өсімдіктану:

1.Фотосинтез процесіне қатысады? Хлоропластар

2.Гүлді өсімдіктер неше класқа бөлінеді? Даражарнақты және

қосжарнақты

3.50 жылда жеміс беретін ашық тұқымды өсімдік? Зеравшан аршасы

4.Жапырағы адамның денесіне ине болып кіретін қандай өсімдік? Шырша

5.Тамыр қандай бөлімдерден тұрады? Негізгі, жанама, қосалқы

6.Гүл шығаратын өркенде белгілі ретпен орналасатын ұсақ гүлдер тобы қалай

аталады? Гүлшоғырлар

7.Аталық гүлдің белгісі қалай аталады? Марс

8.Жел арқылы таралатын өсімдіктің тұқымдары қандай болады? Жеңіл, майда,

қанатша9.Қосарлы ұрықтануды ашқан ғалым? С.Г.Навашин

10. Жапонияның елтаңбасында бейнеленген «ақ айдаһар гүлі» қалай аталады?

(хризантема)

11.Өсімдіктің қай мүшесі «жасыл асхана» деп аталады? (жапырақ)

12.Көк ала шапан киеді, күннің көзін сүйеді? (қарбыз)

13.Ақкөйлекті көкжелек,

Орманда орны бір бөлек.

Әннің аты деседі,

Сызды жерде өседі, бұл не? (қайың)

14. 1665 жылы алғаш рет өсімдік қабығының жұқа кесіндісін микроскоппен көрген: Роберт Гук

15. Өсімдіктер әлемін зерттейтін ғылым: Ботаника

Жануартану

1. Тірі организмдерде тіршілік ететін организмдер? Паразиттер

2. Зоология философиясы еңбегінің авторы? Ж.Б.Ламарк

3. Өрмекшінің аузы қалай бейімделген? Сорып алуға

4. Қайсысының аяғы көп: бес осьминогта ма әлде төрт кальмарда ма? (бірдей

5. Қандай зиянкес көбелектің атын, химия пәнінде жиі қолданады? (моль)

6. Арыстан мықты ма әлде жолбарыс мықты ма? (жолбарыс)

7. Китті акула (китовая акула) адамды толығымен жұта ала ма? (жоқ, ол тек

планктондармен қоректенеді)

8. Қазақта «түйме» деп қандай жануарды атайды? (жылан)