И дыбысы мен әрпіне арналған ашық сабақ жоспары

№14 «Ақбөбек» МАД тобында ұйымдастырылған ашық оқу қызметінің оқу тәрбие жоспары

Коммуникация білім беру саласы

Ұ.О.Қ: Сауат ашу

Тақырыбы: И дыбысы жəне əрпі

Мақсаты: 0.1.1.1 Тілдің дыбыстарын естіп қабылдау, оларды сөздер ішінен бөлу

жəне сөзсіз жеке айту.

0.1.4.1 Сөйлеу барысында дауыс ырғағын сақтап, вербалды емес қарым-қатынас құралдарын (ым-ишара, қимыл) қолдану.

0.3.3.1 Жазу бетін бағдарлау, жазу жолын, жоларалық кеңістікті ажырату, торкөз дəптерге кең сызықтар, əріп элементтерін жазу.

Күтілетін нәтиже: Тыңдалған материал негізінде қарапайым сұрақтарға жауап қайтарады.

Сөздегі дыбыстарды, олардың түрлерін (дауысты, дауыссыз, жуан жəне жіңішке дауыстылар) ажыратады.

И дыбысы – дауысты дыбыс. И дыбысының айтылуын дұрыс дыбыстайды.

Суреттегі заттардың аттарын атай алады, сөздегі и дыбысының орнын ажыратады.

И əрпінің элементін жазады

Әдіс тәсілдері: ширату,көрсету,түсіндіру, сұрақ-жауап. Қолданылатын көрнекі құралдар: демонстрациялық материалдар,қима әріптер, қол айна, әліппе дәптер

ҰОҚ кезеңдері

Жоспарланған ашық оқу қызметінің әрекеті

І Кіріспе бөлім

(0–2мин)

Амандасу

«Ақбөбек» МАД тобының

Тәрбиелі ұл қыздары

Алдыменен қонақпен

Амандасып алады.

Үш тілде амандасады

Ширату

Қол алысып қане біз

Достасайық бәріміз

Айтарым бар сендерге

Тез тұрыңдар шеңберге

Қандай жақсы бір тұру

Достарменен бір жүру.

Жыл мезгілін, ай аттарын, ерекшеліктерін, апта күндерін сұрау. Қыс мезгіліне байланысты тақпақ сұрау

ІІ Негізгі бөлім

(3 – 25мин)

-Бүгін бізде сауат ашу ашық оқу қызметі. Сауат ашу оқу қызметі бізге не үйретеді? -Әріп дегеніміз не?

-Дыбыс дегеніміз не?

-Дыбыстар нешеге бөлінеді? Қандай дыбыстар?

-Дауысты дыбыс дегеніміз не?

-Дауыссыз дыбыс дегеніміз не?

-Дауысты дыбыстар қандай текшемен, дауыссыз дыбыстар қандай текшемен белгіленеді?

Ойын: «Қар жинау»

Шарты: Жерде қарлар шашылып жатады. Қарлардың артында өткен әріптер жасырынған. Сендер сол әріптерді тауып, қандай дыбыс екенін айтасыңдар. Бүгінгі жаңа әріппен танысу үшін өткен әріптерді еске түсіреміз.

Балалар өткен әріптер мен дыбыстарды есіне түсіреді.

-Ең соңғы қарда жасырынған әріпті табу үшін мына дыбысты тыңдайық. Ненің дыбысы?

-Дұрыс айтасыңдар бұл иттің дауысы. Қәне бәріміз бірге ит деп айтайықшы. Ит сөзінде бірінші қандай дыбыс естіліп тұр?

-И дыбысы.

-Бүгін біз сендермен «И»әрпі және дыбысы мен танысамыз.

-Мынау «И» әрпінің үлкен және кіші таңбасы.

-«И» әрпінің дыбысталуын бейнеролик арқылы тыңдап көрейік.