Идеядан өнімге алгоритмдеу және бағдарламалау баяндамасы

Абай облысы білім басқармасының Аягөз ауданы білім бөлімінің

«Дулат Бабатайұлы атындағы жалпы орта білім беретін мектебі» КММ

Баяндама тақырыбы:

Идеядан өнімге: алгоритмдеу және программалау дағдылары мен цифрлы заманда өсу траекториясы

Информатика пәнінің мұғалімі: Тулеугазинова К.Б.

2023-2024 оқу жылы

Идеядан өнімге: алгоритмдеу және программалау дағдылары мен цифрлы заманда өсу траекториясы

Қазіргі дамыған заман талабына сай адамдар атқаратын жұмыстарын (жазу, математикалық есептер шығару, жоба құру, сурет салу, модельдер құруды және т.б.) компьютер арқылы орындайды. Сондықтан кез келген атқаратын жұмыстың алдын ала жазылған алгоритмі болуы қажет. Алгоритм арқылы істің нәтижесіне жетуге болады және алгоритмнің негізінде программа құрылады. Программалаушылар программаны орындау кезінде, алдын ала алгоритмді ойластырып алады.

Егер біз кез-келген бағдарламалау тілінде бағдарлама жазғыңыз келсе, алдымен мәселені шешу алгоритмін жасауыңыз керек.

Орындалатын іс-әрекеттің немесе алға қойылған мақсаттың нәтижеге жету жолын реттелген тізбектер түрінде орындау алгоритм деп аталады. Әрқайсымыз күн сайын әртүрлі алгоритмдерді қолданамыз: нұсқаулар, ережелер, тәртіп және т.б.

Алгоритмдеу – ЭЕМ-де есепті шығаруға арналған алгоритмдер мен бағдарламаларды құру техникасы.

Программа-компьютер түсінетін тілде жазылған командалар мен нұсқаулар жиынтығы. Программа компьютерде белгілі бір тапсырманы орындауға бағытталған нақты команда тізбектерінен және нұсқаулықтардан тұрады. Программа жазу процесін программалау, ал программа жазатын адамды программалаушы деп атайды. Компьютер түсініп қабылдай алатын тілді программалау тілі дейміз. Программалау тілі деректерді белгіленген ережелер бойынша өңдейтін адам мен компьютерді байланыстыратын формальді тіл.

Кәзіргі кезде дүние жүзіне үш жүзге жуық алгоритмдік программалау тілдері таралған. Олардың әр қайсысы белгілі бір мақсаттарда қолданылады. Мысалы, Фортран–ғылыми-техникалық (инженерлік) есептерді шығаруда, формуланы жазуға ыңғайлы. Алгол-алгоритмдер үшін математикалық стильді қолдану. Паскаль–алгоритмдік тіл, өндірісте, оқу-ағарту жұмыстарында, Бейсик–қарапайым программалау тілі, алғашқы үйренушілер үшін дербес компьютерлерде диалогтік режимде жұмыс атқаруға арналған. Бұлай бөлу тек шартты түрде олардың бейімділігіне сәйкес жүргізілген, негізінде, тілдерді дұрыс пайдалана білсе, олардың әр қайсысы арқылы кез келген есептерді шығаруға қолданыла береді.