ИФМ кәсіпкерлік әлемінде атты сыныптан тыс шара

Бекітілді: А.Н.Ыбыраева

Күні: 19.02.19ж

Кластан тыс шараның тақырыбы: ИФМ-бизнес әлемінде

Мақсаты: 1.Оқушылардың математика. Информатика, физика пәндеріне деген қызығушылығын арттыру, математикадан алған білімдерін нығайту, ойлау қабілеттерін

дамыту.

2. Ұйымшылдыққа , топ болып жұмыс жасауға, өздіктерінен іздене

білуге, ой қорытындысын жасай білуге, шапшаңдыққа, жинақылыққа дағдыландыру.

3.Оқушылардың мақсатқа жету барысында жауапкершіліктерін жетілдіру,

күшіне деген сенімін арттырып, үлкен жетістіктеріне жетуге тәрбиелеу.

Ойынның керекті құрал- жабдықтары мен көрнекілігі: Мультимедиалық құрылғылар (компьютер, интерактивті тақта т.б),түрлі түсті суреттер нөмірленген үлестірмелі қима қағаздар Рower Point бағдарламасында құрылған слайдтар, ақша.

Түрі: Топтық сайыс

Жүргізілу барысы: I. Кіріспе сөз ( мұғалім сөзі)

Қайырлы күн құрметті ұстаздар және оқушылар

Апталықтың екінші күнінде ұйымдастырылып отырған, «ИФМ бизнес әлемінде» атты сабақтан тыс шарамызға қош келдіңіздер!

Ойын жоспары:

1) Капитал қорын жинау

2) Қаржылық операциялар жасау

3) Тәуекелге бел буу

4) Капитал қорын салу

5) «Ең үздік кәсіпкер»

Сайысқа 8-9 сынып оқушыларынан құралған «Архимед» компаниясы және «Ньютон» компаниясы қатысады. Топта өз банкиры болады, ол жиналған капиталдың есебін жүргізіп отырады.

Ойын барысы:

І-жүргізуші

-Уа, халайық, халайық!

Бәріңе жыр салайық

Бүгінгі кеш төрінде

Жаратылыстану елінде

ИФМ-нің тілінде

Есеп шешіп жарысып.

Жауап беріп тартысып,

Керемет кеш жасайық! дей отырып ойынымызға қатысатын оқушыларды құрметтеп қояйық.(Әр топ өзін таныстырады)

І-жүргізуші

Тауды биік демеңдер,

Талаптансаң шығарсың–деп сайысымыздың І бөліміне көшейік:

І. Капитал қорын жинау

Әр дұрыс жауапқа 1000теңге беріледі. Әр топ кезекпен жауап береді. Егер дұрыс жауап болмаса ақша алмайды.

1. Атадан он баламыз, бір-бір жастан арамыз

Қосылып кейде басымыз, азайып кейде қаламыз

Бөлініп кейде арамыз, көбейіп те аламыз (натурал сандар)

2.Әдетте үнсіз тұрамын

Белгі берсең ұғамын

Жазуы бар қағаздың

Құралы боп шығамын Принтер

3 Көтерілсе жоғары,

Ерітер мұхит мұздарды.

Төмен түссе шамалы,

Сездірер суық ызғарды. (Температура)

4. Келбеті келген бір сұлуЖағасы жоқ, жеңі жоқҮшбұрыш көйлек киіп тұрЕтегі жерге тиіп тұр (Пирамида)

Жүргізуші

Ең бастысы орын емес жарыста

Терең білім, жеңу шарты сайыста

Тапқырлықпен ізденісте болсаңыз

Өмірде де жетерің хақ табысқа

ІІ. Қаржы операциялар жасау

(Әр ұтысқа 2000 тг)

1) Жылдың неше айында 28 күн бар? Жауабы: Барлық айда