Информатика тілі және тілдік қолданыс туралы зерттеу

Алматы облысы, Ақсу аудандық білім бөлімі, қазақ тілі мен әдебиеті пәні мұғалімдерінің аудандық семинарының

Хаттамасы

30.04.2014 жыл

Төрағасы: О. Мерекенова

Хатшысы: М.Мұхаметалиева

Қатысқандар: 35 мұғалім (қазақ тілі мен әдебиеті пәні мамандары)

Күн тәртібі:

2014 оқу жылының 30 сәуірінде болып өткен қазақ тілі мен әдебиеті пәнінің мұғалімдеріне арналған «Оқу мен оқытуда білім технологияларын қолданудың тиімді жолдары» атты аудандық семинардың өтілу барысы мен өткізілген ашық сабақтарға талдау, баға беру.

Сөйлегендер:

О.Мерекенова – аудандық білім бөлімінің әдіскері, тіл маманы.

- Осы семинарды ұйымдастырудағы мақсатымыз аудан мектептерінің қазақ тілі мен әдебиеті мұғалімдері арасында тығыз шығармашылық ынтымақтастық орнату мен пән мұғалімдерінің арасында тәжірибе алмасуын көздедік. Семинарда қазақ тілі мамандары өздеріне қажет көптеген білім мен тәжірибе алмасады деп ойлаймын. Қатысушылардың барлығына сәттілік тілеймін. Барлықтарыңыз өздеріңізге бағдарлама бойынша ұсынылып отырған сабақтарға қатысып, сол сабақтан не алдыңыз, қай жерлері көңіліңізден шықпай жатты,осы сауалға сабақ соңындағы талдау кезінде тоқталып өтулеріңізді сұраймын.

Сөз алғандар: М.Мұхаметалиева -Қ.Терібаев орта мектебінің қазақ тілі мен әдебиеті пәнінің мұғалімі, аудандық қазақ тілі мен әдебиеті пән бірлестігінің жетекшісі.

-Біздерге өз пәніміз бойынша ұсынылып отырған үш сабақтың да мәні өте зор. Қазіргі таңда әр пән мұғалімі үшін қажетті дүние – өзіне керекті ақпарат қорын жинақтау болып табылады. Бүгінгі Абай орта мектебінде өтіп отырған «Оқу мен оқытуда білім технологияларын қолданудың тиімді жолдары» атты аудандық семинарда біз осы қажетті қорды, әдістемелік қоржынымызға салдық деп ойлаймын. Әрине, үш мұғалім де өз іс-тәжірибесі мен біліктілігіне сәйкес дайындалғаны, көп ізденгені көрініп тұр. Бұл семинардан жақсы әсер алдым, сабақ өткізген мұғалімдерге көп рахмет айтқым келеді. Осы мұғалімдердің үшеуінің де еңбегін бағалай отырып, аудандық марапатқа ұсынылуын сұраймын.

Ж. Мұсаев - Көшкентал орта мектебінің қазақ тілі мен әдебиеті пәні мұғалімі, шығармашылық топ мүшесі.

- Осы пікірді қолдай отырып, 6-сыныпта әдебиет пәнінен Ғ.Мұратбаев орта мектебінің мұғалімі - Б.Шахизатқызы өткізген «Оқушылармен шығармашылық жұмыс», 7-сыныпта қазақ тілі пәнінен Қ.Сәтбаев орта мектебінің мұғалімі - А.Жұмағұлованың өткізген «Сөз тіркесі», Абай атындағы орта мектептің мұғалімі - Б.Сағымбекованың өткізген «Абай жолы» романындағы – «Кейіпкерлер келбеті» атты сабақтары арқылы әр мұғалімнің шеберлігі мен өзіндік ерекшелігіне, шығармашылық ізденісіне тәнті болдық. Олар өз сабақтары арқылы жаңа технология элементтерін тиімді қолдана білді. Өзін-өзі бағалау, топтық жұмыстар мен АКТ-ны қолдану, сын тұрғысынан ойлау сияқты жаңа әдістерді қолдана отырып, оқушылардың шығармашылығы мен қызығушылығын арттырды, әріптестерге де тәжірибе алмаса отырып көп нәрсе көрсете алды. Б.Сағымбекованың өткізген «Оқушы шығармашылығын арттыруда топтық жұмыстың тиімділігі» атты коучингі де, әсіресе, жас мамандар үшін өте пайдалы әрі тиімді болды деп ойлаймын. Осы семинардан әр мұғалім өзіне қажетті бір нәрсе болса да ала білді деп сенемін.

Тыңдалды: О.Мерекенова – аудандық білім бөлімінің әдіскері.

Семинарды қорытындылай келе, біз өз мақсатымызға қол жеткізгенімізге сенімдімін. Семинар өз мәресіне жетті. Бұл семинарда әр мектептен келген үш қазақ тілі мұғалімі сабақ берді. Өткізілген сабақтарға өздеріңіз куә болдыңыздар, енді осы семинарды қорытындылай келе әр айтылған пікірлер ескеріледі деп есептеймін, ізденімпаз мұғалімдердің еңбегіне шығармашылық шабыт тілеймін.

Қабылданған ұсыныс-пікірлер:

Семинарда талқыланған мәселелер оқу үдерісін ұйымдастыруда үнемі басшылыққа алынсын.

Айтылған пікірлер мен ұсыныстарды есепке ала отырып, қазақ тілі мен әдебиет пәні мұғалімдеріне арналған «Оқу мен оқытуда білім технологияларын қолданудың тиімді жолдары» атты аудандық семинар қанағаттанарлық деп табылсын.

6,7,9-сыныптарда осы семинар тақырыбы аясында өткізілген үш сабақ та есепке алынып, Қ.Сәтбаев атындағы орта мектебінің мұғалімі А.Жұмағұлова, Ғ.Мұратбаев атындағы орта мектебінің мұғалімі Б.Шахизатқызы, Абай атындағы орта мектебінің мұғалімі Б.Сағымбекова аудандық марапаттауға ұсынылсын.

Төрағасы: О. Мерекенова

Хатшысы: М.Мұхаметқалиева