Іңкәр көңіл нәзік сезім ашық сабағы 10 сынып

«Өзін-өзі тану» сабағының жоспары

Мектеп М. Әуезов жом. Мерзімі.__________ Мұғалім Балықбаева Ақжарқын

Сынып 10 Оқушылар саны 21 Тақырып №24 Іңкәр көңіл, нәзік сезім.

Құндылық: «Сүйіспеншілік». Қасиеттер: ізгілік, жақсы көру және сүйіспеншілік, аянбай қызмет ету,

Сабақтың мақсаты: - Оқушыларға махаббаттың жалпыадамзаттық құндылық ретіндегі мәнін сүйіспеншілік құндылығы арқылы ашу.

Сабақтың міндеттері:

Білімділік: Оқушыларды ең жоғарғы нәзік, қастерлі сезімдерін ізгілік қасиеті арқылы ұғындыру.

Дамытушылық: Оқушылардың алғашқы махаббат сезімдерін, жақсы көру және сүйіспеншілік қасиеттері арқылы дамыту.

Тәрбиелік: Оқушыларды аянбай қызмет етуге тәрбиелеу.

Ресурстар:(Сабақтың көрнекі құралдары, мәліметтер, оқулық, дәптер).

Сабақтың барысы:

Ұйымдастыру кезеңі.

Тыныштық сәті. «Нұрға бөлену»

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқындап және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жан-жануарларға, өсімдіктерге, барлық тірі жанға таралсын... Ғаламның барлық түпкір-түпкіріне нұр бағыттаңыз. Ойша айтыңыз: «Мен нұрлымын... Нұр менің ішімде... Мен Нұрмын».

Осындай Нұр, Махаббат және Тыныштық күйінде отыра тұрыңыз...

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Жаймен көзіңізді ашуға болады.

Рахмет.

2.Үй тапсырмасын тексеру.

1. Дәптердегі 1 тапсырманы тексеру.

2. Г. Сайынқызы «Күн ұрланған күн» әнегімесін талдау.

1. Күнайдың іс-әрекетіне қандай баға бересіздер? Оның

шешімін құптайсыз ба?

2. Сырыңды кіммен бөліскен дұрыс деп ойласыз?

3. Нәзік сезім дегенді қалай түсінесіз?

4. Осындай сезімді басыңыздан өткіздіңіз бе?

5. Егер біреді ұнатсаңыз, сезіміңізді ашық айтуға

тырысасыз ба?

6. Осы әнгімеден қандай құндылықты көріп тұрсыз?

Еркерту:

5Т-ны сақтау керектігін еске түсіру.

( Тәртіп,Талап, Тазалық,Тыныштық,

Татулық)

өткен сабақпен байланыстыру.

3.Дәйексөз

«Ғашықтың тілі-тілсіз тіл,

Көзбен көр де, ішпен біл .

Абай

Абай (Ибраһим) Құнанбаев Құнанбайұлы (1845- 1904) — ақын, ағартушы, жазба қазақ әдебиетінің, қазақ әдеби тілінің,негізін қалаушы, философ, композитор, аудармашы, саяси қайраткер.

Абай ақындық шығармаларында қазақ халқының әлеуметтік, қоғамдық, моральдық мәселелерін арқау еткен.[2]

Абай Шығыс пен Батыс мәдениеті мен өркениетін жетік білген. Бірқатар әлем ойшылдарының еңбектерімен жақсы таныс болған. Философиялық трактаттар стилінде жазылған «Қара сөздері» - тақырып ауқымдылығымен, дүниетанымдық тереңдігімен, саяси-әлеуметтік салмақтылығымен құнды.[3]

Ғашық болған адам неліктен өз ойын жеткізе алмайды?

Нәзік сезім дегенді қалай түсінесіз?

Дәйексөзден қандай ой түйдіңіз?

4.Оқиға айту. (Мұғалім сыйы). «Сен өзгерсең, сенің әлемің де өзгереді».

Бірде гүл сатушы қыз қолындағы роза гүлдерін түгел дерлік сатып болады. Қолында тек бір тал ғана гүл қалады. Гүл сатушы қыз ойланбастан жолдың қарсы бетінде күні бойы қайыр-тілеп отырған қайыршыға осы соңғы гүлді сыйлап, өз жөніне кете барады.

Қайыршы өмірінде мұндай іске жолығып көрмепті. Ол үш ұйықтаса да армандағыдай ару қыздың өзіне гүл сыйлайтынын ойлап көрмепті. Бұл күні қайыршы үшін күн батыстан шыққандай болады. Қайыршы өмірінде бірде-бір рет өзін аялап, сүйіп көрмепті, басқалардың да аялауы мен сүюіне қол жеткіземін деп үміттенбесе керек, бүгінгі жағдай оған қатты әсер етеді. Гүлді ала салысымен қала маңындағы өзінің лашығына тартады. Үйіне келген соң сынық құмыра тауып, оған су толтырып, гүлді оған салып қояды. Ол үн-түнсіз гүлге қарап отырады. Кенет орыннан атып тұрып, әлгі құмыраны жуып, тазалап, мөп-мөлдір су құйып гүлді қайта салады.

Ол іштей: «Мұндай әдемі гүл қалайша кір-кір құмырада тұрады екен, мен оны жуып-тазалап қойдым» деп масаттанады. Қайыршы әсем гүлге тағы құмарта қарап отырады. Ол ақырын қозғалып келіп, гүл құмырасы тұрған үстелді қолымен сипап қарап еді, шаң-тозаңнан көрінбей қалыпты. Әсем гүлдің тұруына бұл үстел лайық емес деп ойлаған ол…