Инновациялық технологиялар туралы бастауыш сынып баяндамасы

Баяндама

«Инновациялық технологияларды қолдана отырып,оқушылардың білім сапасын және шығармашылық деңгейін арттыру жолдары»

«Ұстаздың биігі ойлана қарасаң биіктей береді, үңіле қарасаң, тереңдей береді, қол созсаң қарсы алдыңда, айналсаң артыңда тұрғандай» — деп Сократ айтқандай Егеменді еліміздің білім саласында өзгерістер енгізіп, жаңа талаптар қойылып отыр.

Егеменді еліміздің болашақ тұлғасын тәрбиелеу мен білім беру жолында — жаңашылдыққа жаны құмар, ізденімпаз, бәсекеге қабілетті, дені сау оқушының бейнесін жасауға өз үлесімді қоссам деген ниетпен осы «Өрлеу» бағдарламасы ұйымдастырып отырған ІІІ деңгей курсында оқып, үйреніп алған білімімді сабағымда қолданып келемін.Жаңаша форматтағы сабақтар өткізу арқылы оқушылардың сабаққа деген қызығушылықтарын одан әрі дами түсті. Үйрете отырып, үйренуге дағдылану; бағыт-бағдар беруде түрлі амал-тәсілдерді қолдана білетін деңгейге жету; мұғалім — оқушы — ата-ана арасындағы қарым-қатынастың ынтымақтастығын құра алатындай жағдайға жету — бұл менің негізгі мақсатым.

Заман талабына сай технологияларды қолдану ауқымы, түрлері өзгеріп отырады. Бірақ, ең басты технологияларды тиімді, жүйелі қолдану керек. Мен өз сабақтарымда оқушылардың тілін дамытуда, өздік жұмыс жасау, өз дағдыларын қалыптастыруда өз ойларын еркін жеткізе алу, талдап, зерделей білу құзіреттіліктерін қалыптастыру үшін жаңа техналогияларды қолданамын. Осы орайда сабақтарымда өзім оқып келген жеті модульді ықпалдастыра отырып жоспарлаймын. Яғни олар: «Оқыту мен оқытудағы жаңа тәсілдер», «Сыни тұрғыдан ойлауға үйрету», «Оқыту үшін бағалау және оқуды бағалау», «Оқыту мен оқуда ақпараттық-коммуникациялық технологияларды пайдалану», «Тaлантты және дарынды балаларды оқыту», «Оқушылардың жас ерекшеліктеріне сәйкес білім беру және оқытa», «Оқытуды басқару және көшбасшылық»

Сабағымды Блумның ( білу, түсіну, қолдану, талдау, жинақтау, бағалау) таксономиясына салып құрамын. Атап айтқанда жобалау технологиясы; саралап даралап оқыту; дамыта оқыту технологиясы; модульдік оқыту технологиясы; сын тұрғысынан ойлауды дамыту; деңгейлеп оқыту технологиясын сабақ барысында тиімді пайдалану арқылы мынадай нәтижелерге жетуге болады.

Инновациялық технология нәтижелері:

1. Түрлі әдістерді пайдалану сабақтың нақты мәнін терең ашуға көмектеседі.

2. Оқушылардың барлығын сабаққа қатыстыруға мүмкіндік туады.

3. Олардың әрқайсының деңгейін анықтай аламын.

4. Оқушылардың көбін бағалауға мүмкіндік аламын.

5.Оқушыларды ізденіске баулып, өз бетімен жұмыс істеуге үйретемін.

6.Оқушылардың қабілеттері, сөз саптау еркіндігі, ұйымшылдығы, шығармашылық белсенділігін арттырамын.

7. Жеке тұлғалық сипатын дамытуға, шығармашылығын шыңдауда, өзіне деген кәсіби сенімін қалыптастырамын.

8. Оқушы өзіне және өзгеге баға беруге машықтанады.

Сол себепті де жас ұрпақтың саналы да сапалы білім алуының бірден-бір шарты - оқу орындарындағы білім беру процесіне жаңа инновациялық технологияларды енгізу екендігі сөзсіз түсінікті. Өз сабақтарымда жаңа технологияларды қолдана отырып, оның нәтижесін көрудемін. Атап айтсам әдебиеттік оқу, дүниетану, қазақ тілі, математика сабақтарында оқушыларды топқа бөліп, өз беттерімен жұмыс жасап, ізденуге еркіндік беріледі. Дүниетану сабақтарында сарамандық жұмыстарды топпен жасағанда оқушылар қызығады. Бір-бірімен пікірлесуге, ынтымақтастыққа машықтанады. Мысалы «Жаңартылған білім беру мазмұны»бойынша 1 сыныпта дүниетану пәні бойынша сабақ үлгісі мен видео үзінділері

Пән

Дүниетану

Сынып

1В сыныбы

Мектеп

Орта білім беретін №1 Красный Яр орта мектебі

Мерзімі

Бөлім

3A бөлім: «Саяхат»

Мұғалім

Құдайбергенова С.Р.

Сабаққа қатысқан оқышылар саны – 20

Сабаққа қатыспаған оқышылар саны – 0

Сабақтың тақырыбы

Біздің ежелгі ата-бабаларымыз, олар кімдер?

Пәнаралық байланыс

Қазақ тілі, әдебиеттік оқу, тарих

Осы сабақта қол жеткізілетін оқу мақсаттары (оқу бағдарламасына сілтемеу)

1.1.3.1 Әртүрлі уақыттағы адамдардың өмірі туралы түсінік алады.

Сабақтың мақсаттары

Ежелгі ата-бабаларымыз сақтар туралы мәлімет алады.

Өткен мен бүгіннің айырмашылығын түсінеді.

Сақ ханшайымы Томириспен танысады.

Оқу мақсаттары

Барлық оқушылар жасай алады:

– сабақтың тірек сөздерін есте сақтайды;

– ежелгі ата-бабаларымыз, сақтар, жайлы мәлімет алады.

Көпшілік оқушылар жасай алады:

– түрлі деңгейдегі тапсырмалар орындай алады;

– сұрақтар құрастыра алады;

– сұрақтарға жүйелі, нақты жауап береді.

Кейбір оқушылар жасай алады:

– сабақта алған білімін қолдана алады;

– сақтар жайлы мәліметтерді зерттей алады;

– өз шешімін қабылдап қорытындылай алады.

Тілдік мақсат

Негізгі терминдер мен сөз тіркестері: қазақ халқы көшпелі ел, ұлы қоныс, үш жүз, Ұлы жүз, Кіші жүз, Орта жүз, бір тайпа

Тірек сөздер:

Көшпенді ел, қоныс, ру, тайпа

Сабақта диалог/жазуға қолданылған тіл:

Талқылауға арналған сұрақтар: Ата-баба деп кімдерді айтамыз? «Сақтар» деген сөз қандай мағына береді? Томирис ханшайым жайлы бұрын естулерің бар ма? Қазақ халқы неліктен көшіп жүрді? Қазақ халқы өз ішінде нелерге бөлінді? Тайпалы ел деп кімдерді айтады?

Алдыңғы білім

Өздерінің ұлттары қазақ екенін, қазақ халқының түркі тектес халықтарға жататынын, қазақ халқынының мекені Қазақстан екенін біледі.

Табыс критерийлері

Егер төмендегі табыс критерийлерін орындаса, оқушы оқу мақсатына жетеді: Әр уақыттағы адамдардың өмірі туралы біледі.

Түйінді идеялар

Еңбек және шығармашылық арқылы өз тарихын біледі, қадірлеуге үйренеді.

Сабақтың жоспарланған кезеңдері

Тапсырма

Мұғалімнің іс-әрекеттері

Оқушылардың іс-әрекеттері

Ресурсы

Сабақтың басы

Ұйымдастыру кезеңінде «Игі құрмет» әдісі арқылы амандасу (1 минут)

Мұғалім оқушылармен амандасады.

Үлкенге де сіз,

Кішіге де сіз.

Сәлем бердік сіздерге,

Құрметпенен біз.

Сабаққа назарларын аударуды сұрайды.

Оқушылар мұғаліммен төмендегі өлеңді хормен айтып амандасады.

Үлкенге де сіз,

Кішіге де сіз.

Сәлем бердік сіздерге,

Құрметпенен біз.

Оқушылар сабаққа назарларларын аударады.

Интерактивті тақтада жазылған өлең жолдары

1-слайд

Кіріспе әңгіме. «Сократ» әдісі арқылы әңгімелесу

(3 минут)

Мұғалім оқушыларға бірнеше сұрақ қояды. Сұрақтың жауабы арқылы топтарға бөлінулерін өтінеді.

– Балалар, сендер қандай елді мекендерді білесіңдер?

– Ата-аналарымен қай елдерге саяхат жасадыңдар?

– Қандай көлікпен бардыңдар?

– Ал біздің байтақ еліміздің көрші елдерін білесіңдер ме?

– Ендеше, біз сендермен осы елдердің атауымен топтарға бөлінеміз. Мүмкін болатын жауаптар: Ресей, Қытай, Өзбекстан, Қырғызстан, Түрікменстан (оқушылардан жауап болмай жатқанда сұрақтың жауабын өзі айтып, Ресей, Қытай, Өзбекстан, Қырғызстан, Түрікменстан мемлекеттерінің аттары жазылған қағазды ұсынады).

Оқушылар сұрақтарға жауап беріп, мұғаліммен әңгімелеседі. Топқа бөлінеді.

Карта, қима қағаздар

Сабақтың ортасы

«Дельфи» әдісі арқылы «көшу» сөзін қалай түсінетіндерін сұрау (3 минут)

Мұғалім төмендегі сұрақты қайта-қайта қояды.

– Балалар, «көшу» деген сөздің мағынасын қалай түсінесіңдер?

Бірнеше оқушы «көшу» сөзінің мағынсын өз түсініктері бойынша түсінідіріп береді.

Сурет (көшіп бара жатқан елдің суреті)

«Көшпенділер» ойынын ойнау

(3 минут)

Мұғалім әр оқушының алдына көлік түрлерінің атауы жазылған үлестірме парақшалар таратады.

– Балалар қазір сендермен ойын ойнаймыз.

Ойынның шартын түсіндіреді.

– «Көш қозғалды» дегенде сендер алдарындағы заттарды алып, келесі топпен орын ауыстыру керек. «Көш қоныстанды» деген сәтте сендер қай орынға келіп тоқтадыңдар, сол жерде қалу керек.

Мұғалім бірнеше рет ойынды жалғастырады.

Оқушылар ойын шарты бойынша ойын ойнайды.

Интерактивті тақта (ойын шарты жазылған)

2-слайд

«Сұрақтар тізбегі» әдісі арқылы тақырыппен таныстыру

(3 минут)

Мұғалім оқушыларға бірнеше сұрақ қояды.

– Балалар, ойын барысында сендер не байқадыңдар?

– Ал бір орыннан екінші орынға көшкен адамдарды қалай атауға болады?

– «Көшпенділер» деп кімдерді айтамыз? Неліктен?

– Көшпенділер туралы не білесіңдер?

– Ия, біздің ежелгі ата-бабаларымызды көшпенділер деп атайды.

– Ендеше бүгінгі сабақта біз кімдер туралы сөйлесеміз?

Оқушылар сұрақтарға жауап береді.

– Біз орнымызды ауыстырдық.

– Бір жерден екінші жерге көштік.

– Көшпенділер

Балалар сұрақтарға жауап береді.

– Көшпенді ата-бабаларымыз жайлы сөйлесеміз.

Интерактивті тақта (сұрақтар тізбегі жазылған)

3-слайд