Инновациялық технологиялар заман талабы туралы баяндама

Интерактивті оқытудың ойын түріндегі әдісі

Қазақ тілі сабағында дұрыс сөйлеуге машықтандыруда, ойын логикалық жүйелі түрде жаза білуге үйретуде оқытудың интерактивті формаларын қолданудың маңызы зор.

Интерактив (ағылшынша inter – бірлескен, act- әрекет) өзара әсер ету деген мағынаны білдіреді. Интерактивті оқыту әдісі –оқушының оқу үрдісін ұйымдастыруға толық қатысатын белсенді тұлға болып қалыптасуына мүмкіндік ашатын тиімді оқыту әдісі. Мұнда мұғалім бұрынғыдай дайын білімді бермейді, оқушыларға өз бетімен ізденуге нұсқау ғана береді.

Дәстүрлі оқыту әдісімен салыстырғанда интерактивті оқытуда мұғалім мен оқушының өзара әрекеттесуі өзгереді, мұғалім белсенділігі оқушы белсенділігімен ауысады. Мұғалімнің міндеті-оқушының ынта-ықыласына жағдай туғызу. Мұғалім оқу үрдісін ұйымдастыруда оқушының тек көмекшісі болады. Интерактивті оқыту әдісін соңғы кездері қарқынды оқыту технологиясында кеңінен қолданады. Оқушы белсенділігін арттыратын, алған білімін іс-тәжірибесінде қолдануға жағдай жасайтын тәсілдер интерактивті оқыту әдісіне жатады. Оқыту үрдісінде бұл әдісті қолдану үшін мұғалім оқушыларды ұжымдық, жұптық топтарға бөліп, өзара септесіп, белсенді жұмыс жасауына жағдай жасайды.

Оқушының ойлау, сөйлеу дағдыларын дамытуда ойын түрінде ұйымдастыру интерактивті оқыту әдісінің бір түрі болып саналады. Өйткені ойын үстінде мұғалім мен оқушы арасында байланыс пайда болып, оқушылардың ұжымдық түрде жұмыс істеуіне мүмкіндік ашылады. Ойын оқушы белсенділігін арттырумен бірге олардың танымдық қабілетін жетілдіріп, шығармашылық белсенділікке деген қажеттілігін қанағаттандырады. Кез келген қажеттілікті қанағаттандыру жағымды эмоциямен, көңіл-күймен байланысты. Сабақтың немесе әдістің бала қажеттілігі мен мүмкіншілігіне сәйкестігі оның көңіл-күйінен көрінеді. Оқушы шығармашылығын шыңдауға берілетін ойын түріндегі тапсырмалар оқушының «Үйренсем» деген ішкі мотивациясын тудырады.

Қазіргі кезде мектеп оқушыларын белгілі бір білім көлемімен қамтамасыз ету жеткіліксіз, оқушыны білім алуға, оқуға үйретуге көп мән бөлінуде, яғни психологиялық тұрғыдан оларды «Білім алғым келеді, оқығым келеді» деуге үйрету. Мектепте мұғалім көбінесе баланы еркінен тыс оқыту, жазамен қорқыту сияқты жолдарды көп іздейді. Баланы күштеп, мәжбүрлеп оқыту мүмкін емес. Сондықтан да білім беру үрдісін ойын түрінде ұйымдастырудың маңызы зор, өйткені мұғалім мен балалар бірігіп орындаған жұмыс қана қызығушылықты арттырады. Қазақ тілі сабағында оқушыны жазбаша байланыстырып сөйлеуге ойын арқылы үйрету мынандай бағытта…