Интеллектуалдық ойын 3 сыныпқа арналған сыныптан тыс жұмыс

«Жас математик» жас математиктер сайысы 3-4 сынып оқушылары аралығында.

Мақсаты:

1)3-4 сынып оқушыларының математика пәні бойынша алған білімдерін саралау, ой ұшқырлықтарын байқау, топпен бірлесе отырып жұмыс істей білуге және өз білімін көрсете білуге үйрету; 2)Логикалық ойлау қабілетерін дамыту; 3)Жан-жақты білімділікке баулу.

Барысы:

Сәлеметсіздер ме, құрметті жиналған қауым «Жас математиктер» атты сайысына қош келдіңіздер!!!. Мұнда сіздер математикалық жұмбақ есептердің, ребустардың, викториналық сұрақтардың куәсі боласыздар. Сіздер тек көруші, тыңдаушы ғана емес, кешке белсене қатысушы боласыздар.

Бүгінгі күн сайыста,

Ешкімнен сен қалыспа.

Білімі кімнің көп болса,

Сол озады сайыста - деп сайысымызды бастаймыз.

Сайысымызға 2 топ қатысады. 4- сынып оқушылары «Тұлпар» тобы және 3- сынып оқушыларынан құралған «Зерек» тобы. Әр топ өз топ басшысын сайласын. Тапсырмаларды мұқият ойланып, дұрыс орындаңдар.

Шын жүйрік шабысынан танылады,

Нақты білім, терең ой сыналады.

Баға берер әділқазы ортамызда,

Сіздерге құрметпенен қол соғылады.

Енді осы топтардың әділ бағасын беретін «Әділқазылар алқасымен» таныстырып өтейін:

Сембаева Сәния Жайырбайқызы

Досжанова Жанар Әубәкірқызы

Сахариева Тенлик Рахметоллаевна

Сайысымыздың шарттарымен таныстырып отейін.

«Таныстыру» кезеңі

«Жас логик» кезеңі

«Тапқыр болсаң, талас жоқ» кезеңі

«Қызықты қоршаулар» кезеңі

«Ойлан, тап!» кезеңі

«Жұмбақтар шешу» кезеңі

«Шифрды шеш» кезеңі

«Қосылғыштармен жинақта» кезеңі

«Белгісіз санды тап!» кезеңі

«Әр түрлі фигуралардан сурет сал»

«Сиқырлы таяқшалар» кезеңі

«Сәттілік кезеңі»

І. Сайысымызды бірінші кезеңі «Таныстырудан» бастайық. (Әр топ өздерін таныстырып өтеді)

ІІ. «Жас логик» кезеңі 2 топқа кезекпен сұрақ қою

Шабыт тасып, шалқысын Көңілді кеш жасайық Мұнда қызық табылар Жұмбақ, есеп бәрі бар Білімдеріңді сынайық

1.Киноға бес бала келе жатты. Жолда олар үш үлкен кісіні кездестіреді. Сонда театрға неше адам келе жатыр? /5/

2.10 үйрек ұшып бара жатты, аңшы 1 үйректі атып алды. Неше үйрек қалды?/1/

3.Отбасында 2 бала бар. Марлен Ардақтың ағасы, ал Ардақ Марленге іні емес. Сонда Ардақ кім? /қарындасы/

4.Жарас Ақылбектің баласы, ал Ақылбек Кәрімнің баласы. Жарас Кәрімге кім болады? /немересі/

5.Бұзау бір аяғымен тұрғанда 50 кг тартады, егер 4 аяғымен тұрса, ол қанша кг тартар еді? /50кг/

6.Жолға екі бала шығып,2 теңге тауып алды. Олардан соң және 4 бала шықты. Олар неше теңге тауып алады? /0/

7. Пойыздың 10 вагоны 15 км жол жүрді. Сонда олардың әрқайсысы неше км жол жүрді? /15 км/

8. 8 картоп 4 минутта піседі. Ал 10 картоп неше минутта піседі? /4 мин./

9. Үстелдің 4 бұрышы бар. Егер бір бұрышын кесіп тастаса неше бұрыш болады? /5/

10.Бүгін жұма, бүрсігүні қандай күн? /жексенбі/

11.Үстел үстінде 3 қияр, 2 сәбіз және 5 апельсин бар. Үстел үстінде барлық көкөніс қанша? /5

12. 31 ақпан күні не болып еді?/ 31 ақпан болмайды/

13. Суға қай , қандай жағдайда кесіп алуға болады? / судың беті қатып қабыршықтанып қалса/

14. Үстелде 4 алма жатыр. Бір алманы 2-ге бөлсе, үстелде неше алма бар деп саналады? /4

ІІІ. «Тапқыр болсаң, талас жоқ» кезеңі . Берілген парақ қағазда 4 қатар кез келген әріптер жазылған. Соның ішінен математикаға байланысты 6 сөзді тауып астын сыз.

ІҮ. «Қызықты қоршаулар» кезеңі

Корермендермен жұмыс:

Математикалық мақал-мәтелдер

Бес бармақ жиналса, жұдырық болады.