Іздегенде табылатын қасыңнан өзін-өзі тану жоспары

«Өзін-өзі тану сабағының» жоспары

Мектеп: Атамекен орта мектебі Мерзімі: Мұғалім Сарыева Аккурен

Сынып: 9 Оқушылар саны: 23 Тақырып : Іздегенде табылатын қасыңнан Құндылық: Дұрыс әрекет Қасиеттер : Сыйластық, адалдық, шынайылық

Мақсты: «Дос», «Достық» ұғымдарының адамгершілік құндылық ретіндегі мәнін ашу.

Міндеттері:

Білімділігі:Оқушыларға адал болудың маңыздылығын түсіндіре отырып сыйластық қасиеті туралы түсінік беру.

Дамытушылык: Оқушыларды адалдылыққа үйрете отырып шыншыл болуға дағдыландыру.

Тәрбиелік:оқушыларды сыйластыққа,шынайылыққа,адалдыққа тәрбиелеу.

Ресурстар: слайд,әдістемелік нұсқаулық,үлестірме қағаздар,үнтаспа

Сабақ барысы:

Ұйымдастыру кезеңі.Оқушылардық сабаққа қатысын тексеру.Тыныштық сәті. (баяу үйлесімді әуенмен)

Нұрға бөлену

Ыңғайланып отырыңыздар, денелеріңізді түзу үстаңыздар. Аяқ қолыңызды айқастырыңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрадан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек қалауыңызды шайып, жүрегіңіздің қауызын ашты.

Нұр сәуелесі сіздіңбойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәуле шашуда. Олар сізді тек жақсылық жасау үшін жақсы жерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздеріңізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте бірте қарқын және шұғылана бастайды, сіздің денеңізден шығып, жан жағыңызға сәуле шашады. Осы нұрды туысқандарыңызға, мұғалімдеріңізге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.

Осы нұр бүкіл әлемге: барлық адамдарға, жануарларға, өсімдіктерге, барлық тірі жанға таралсын… Ғаламның барлық түпкір түпкіріне нұр бағыттаңыз. Ойша айтыңыз: «Мен нұрлымын… Нұр менің ішімде… Мен Нұрмын». Осындай Нұр, Махаббат және Тыныштық күйінде отыра тұрыңыз…

Енді осы Нұрды жүрегіңізге орналастырыңыз. Нұрға толы бүкіл әлем сіздің жүрегіңізде. Оны осындай әсем қалыпта сақтаңыз.

Енді көзіңізді ашуға болады. Тыныштық сәтінде қандай әсер алдыңыздар?

Үй тапсырмасын тексеру

Үйге алдын ала беріліп қойған «Екі дос» аңыз әңгімесін екі оқyшыдан сұраймын.

Аңыз әңгіменің идеясы неде?

Екі достың бір біріне деген адал ниеті мен достығын қалай бағалар едіңіздер?

Ескерту

Дәйексөз.

«Достық негізгі талғaмның, көзқарасытың толық үндесуiнен туады» Цицерон