Калькулятор тақырыбы бойынша 5-сынып ашық сабақ жоспары

Қысқа мерзімді жоспар

Сыныбы: 5 «В» Сабақты өту мерзімі: 12.04.2017 жыл

Сабақтың тақырыбы: Калькулятор жады

Сабақтың мақсаты: Оқушыларға сандық ақпараттарды өңдеуге арналған калькулятор программасы батырмаларының қызметтерін таныстыру, калькулятор жадымен жұмыс істеуді үйрету, алған білімдерін өмірде дұрыс қолдана білуге бағыт беру;

Сабақтың типі: жаңа білімді меңгерту

Сабақ түрі: жаңа сабақты меңгерту

Пәнаралық байланыс: «Математика», «Информатика және ЕТ негіздері», «Геометрия», «Ағылшын тілі»

Табыс критерийлері:

Калькуляторды іске қосу, түрлерін ажырата біледі;

Калькулятор батырмаларының қызметтерін қолдана алады;

Калькулятор жадымен жұмыс жасауды меңгереді;

Теориялық білімді практикамен ұштастырады;

Күтілетін нәтиже:

Оқушылар калькулятор бағдарламасы туралы толық ақпарат алады, батырмалардың атқаратын қызметтерін түсінеді, калькулятор жадымен жұмыс жасай алады, санның пайызы мен кері мәнін есептеуді үйренеді.

Түйінді идеялар: Бірлескен топтық жұмыс - оқушылардың ынтымақтастығын дамытудың, АКТ құралдарын қолдану - оқушылардың қызығушылығы мен белсенділігін арттырудың қуатты құралы болып табылады.

Мұғалім іс - әрекетінің тәсілі:

Сабақты ұйымдастыру, бағыт беру;

Оқушыларды жаңа түсініктермен таныстыру;

Жаңа тақырыпты түсіндіру мақсатында нақты мысалдар көрсету;

Оқушыларға компьютерде тапсырмаларды өз бетімен орындап көруге мүмкіндік беру. Өз бетімен орындауда нәтижелер оң болмаған жағдайда, нұсқаулар беру;

Сабақ барысында оқушыларға сұрақтар қоюға мүмкіндік беру;

Оқушыда дағды қалыптастыру:

Жаңа тақырыпты игеру;

Қажет болған жағдайда мұғалімнен көмек сұрау;

Жаңа тақырыпты практикада қолдану мақсатында ұсынылған деңгейлік тапсырмаларды өз бетімен орындау;

Топтық жұмыстарға ат салысу;

Жұптық, топтық диалог орната білу, сұрақтар қою және берілген сұрақтарға жауап беру;

Өзгелерге көмектесу, сабақта барынша белсенділік таныту;

Дереккөздер: «Информатика» 5-сынып оқулығы «Арман-ПВ» баспасы, 2013 ж; www.google.kz сайты.

Қолданылатын әдіс-тәсілдер: ынтымақтастық атмосферасын қалыптастыру, топқа бөлу, сиқырлы таяқша, «Батырманы басасың, қандай істі ашасың?» суреттер сөйлейді, «Алтын балық аулау» ойыны, дамыту сұрақтары, деңгейлік тапсырмалы практикалық жұмыс,

Т кестесі, «Жұбым қайды?», бағалау парақшасы, кері байланыс «Даму ағашы».

Сабаққа қажетті құралдар мен көрнекіліктер:

Әдістемелік көрнекіліктер:

Үлестірмелі материалдар

Слайд көрсетілімі

Тосын сұрақтар

Бағалау парақшасы

Техникалық құралдар:

Ноутбуктер

Графопроектор

А3 форматты қағазы

Маркерлер, стикерлер

Сиқырлы таяқша т.б.

І. Кіріспе.

ІІ. Ұйымдастыру кезеңі.

Психологиялық дайындық. Бүгінгі сабаққа оқушылардың қызығушылығын ояту. Ынтымақтас-тық ортаны қалыптастыру. Сыныпқа ену, оқушыларды жылы жүзбен қарсы алу, сәлемдесу, оқушыларды түгелдеу.

Мұғалім оқушыларды тақтаға шығарып, бір-біріне қарама – қарсы тұрғызады. Оқушыларда өзіндік «Менін» оятады. Оқушылар көздерін жұмып, мұғалімнің сөздерін қайталайды. «Мен мектептемін, мен сабақта отырмын, менің көңіл-күйім жақсы, мен ақылдымын, терең білімге қол жеткізем, мұғалімді зейін қойып тыңдаймын, мен сабаққа дайынмын!». («Көктем» әуені ойнап тұрады).

Оқушылар көздерін ашып, хормен тақтада ұсынылған өлең жолдарын айтады.

Күлім қағып қолымды,

Бір, екі, үш деп соғайын.

Қарап тұрған көршіме,

Қолымды мен бұлғайын.

Жылы-жылы сөзбенен,

Жүрегімді сыйлайын.

Ыстық алақаныммен,

Қолыңды бір қысайын.

ІІІ. Қызығушылықты ояту.

Топқа бөлу.

«Шатаспақ» әдісі

Парақшаларға әр топ атының суретін салып, оқушыларға таратады. Оқушыларды топтастырып, топ басшысын сайлатады. Бағалау парақшасымен танысады.

IV. Үй тапсырмасын сұрау.

«Бақытты сәт» ойыны