Кел бізге ғажайып ертегі сабақ жоспары

Күні: 30.04.2017 ж.

Білім беру саласы: «Қатынас»

Ашық оқу іс-әрекеті: Көркем әдебиет

Тақырыбы: «Кел бізге ғажайып ертегі»

Мақсаты: Балалардың ертегі туралы түсініктерін қалыптастыру, театрландырылған әрекеттері арқылы балалардың дербестігін қалыптастыру, олардың шығармашылық қабілеттерін, тілін дамыту, әдеби сюжеттер бойынша сахналаудағы рөлдерді орындау тәсілдеріне үйрету.

Қолданылатын көрнекі -құралдар: ертегі желісіне байланысты киімдер, орман ортасы

Әдіс-тәсілдер: Сұрақ-жауап, әңгімелесу,түсіндіру, сахналау.

Билингвальды компонент: ертегі–сказка, сиқыршы-волшебница, сиқырлы орман-волшебный лес, қар ханшайымы–снежная королева.

Әрекеттердің кезеңдері

Тәрбиешінің әрекеті

Балалардың іс-әрекеті

Ұйымдастырушылық оятушылық

1. Амандасу

Қайырлы таң, ормандар мен далалар,

Қайырлы таң, достасқан балалар.

Қайырлы таң, біздің балабақшамыз,

Қайырлы таң, ардақты апайларымыз!

Балалар достарымен, апайларымен амандасады.

Ұйымдастырушылық, ізденушілік.

2. Әңгімелесу

- балалар сендер ертегі тыңдағанды жақсы көрсіңдер ме?

- қандай ертегі білесіңдер?

Ертегі туралы түсінік беру.

3. Таңғажайып сәт

- балалар біз ертегі туралы әңгімелесіп жатқанда бізге ертегілер елінен хат келіпті.

- Қанекей хатты оқиық. (хат сиқырлы болады, хатты бала алмақшы болғанда қозғалып, қашады)

Хаттан дауыс шығып, өзі оқылады.

- Құрметті балалар бізге көмектесіңдер, біздің сүйкімді сиқыршымызға қауіп төніп тұр. Сендердің көмектерің керек. Сендерді ертегілер елінде күтеміз. Сәлеммен сиқырлды орман тұрғындары.

- ой балалар бізді сиқырлы орман тұрғындары көмекке шақырып жатыр екен сүйкімді сиқыршыға көмектесуіміз керек. Ертегілер еліне саяхатқа барамыз ба?

4. Ертегілер еліне саяхат.

-балалар ертегілер еліне бару үшін біз сиқырлы пойызға отырып барамыз.

Өлең жолдарын қайталап, бір-бірінің белдерін ұстап шеңбер бойымен қозғалу

Пойызым алға,

Құстай самға.

Ертегілер еліне,

Ғажайыптар жеріне.

- Міне балалар біз ертегілер еліне келдік, мынау сиқырлы орман.

- орман тұрғындары көрінбейме екен?

- балалар қараңдаршы мына жерде бір үлкен алма жатыр екен, бұл алма жай алма емес сияқты көрейік.

(алма көтеріп қарағанда алма ашылып ішінен хат шығады)

- балалар бұл алманың ішінен хат шықты, қанекей оқып көрейік,

Балалар осы алма ішіндегі жұмбақтың жауабын шешіңдер.

- балалар біз өзіміздің ақылымызды, тапқырлығымызды көрсетіп, жұмбақтардың жауабын шешейік.

5. Жұмбақ жасыру.

Үсті толы ине,Бірақта, іс тігіп,Қадамайды түйме./Кірпі/

Қырда жүрер ол жортып,

Iнi де жоқ бармайтын.

Құйрығымен бұлтартып,

Қандай аң ол алдайтын? (Түлкi)

Жылқы тұмсық,

Ешкi құйрық,

Есек құлақ,

Түйе ерiндi,

Төрт аяғы тең емес,

Бiрi ұзын,

Бiрi қысқа,

Қорқақ өзi,

Қыли көзi. (Қоян)

Сұрғылт тартқан түсi бар.

Ақсиған көп тiсi бар

Тыным таппай жүгiрiп,

Сiлекейi шұбырған,

Қыстау маңын ториды,

Ауылдыұң өш бар итi. (Қасқыр)

Үстінен тоны түспеген,Сонда да араз қыспенен. (Аю)

Жұмбақтың жауабы дұрыс шешілгенде ортаға жануралар шығады.

- балалар мыналар біздің іздеген орман тұрғындары ғой.

- Қанекей амандасайық орман тұрғындарымен.

Орман тұрғындары өздерін таныстырады.

Түлкі:

Мен айлакер түлкімін,

Орманның көркімін.

Қулығымды асырып,

Бір қызыққа батырып.

Кірпі:

Ешкім маған тимесін,

Тиіп кетсе түйреймін.

Тікірейтіп инемді,

Алға қарай сүйреймін.

Қасқыр:

Мен қасқырмын, қасқырмын,

Жылы, жұмсаққа жақынмын.

Ақсиған ақ тістерімен,

Батыруға дайынмын.

Аю:

Қорбаңдаған аюмын,

Жомартымын орманның.

Тәттіні қатты сүйемін,

Араларды қашанда,

Ренжітіп ылғи жүремін.

Қоян:

Мен қоянмын, қоянмын.

Таңертеңмен ояндым.

Қасқырданда құтылып.

Сәбізге енді тоярмын.

Орман тұрғындарының «Достық» биі.

Түлкі:

- балалар, сендердің келгендерің қандай жақсы болды, біздің сүйкімді сиқыршымызды қар ханшайымы қатырып тастады. Міне көріңіздер.

Қар ханшайымы сиқыршыны қалай қатырып тастағанын сахналау.