Келді міне, жаңа жыл мерекелік іс-шарасы 2 сынып

Қатысушылар:

Аяз ата, Ақша қар, доңыз, ит күшіктерімен, Алдар көсе,Тазша бала, барыс, Шал, мыстан кемпір, жеті лақ, қасқыр,ешкі.

Қойылатын көріністер:

1. «Алтын сақа» ертегісі

2. «Қазақстан Барысы»

3. «Жеті лақ» ертегісі

Жаңа жылдық фанфар

Гульфия:

- Ассалаумағалейкум, ата салтын сақтаған, баба үмітін ақтаған, ер мінезін екшеген, елдігінен кетпеген, кеңдігімен кеуделі, келешегі сәулелі , ақ көңілді, мол мейірлі балалар!

Гульзия:

- Әр үйдің еркесі мен «серкесі», еліміздің болашағы, егемендіктің тәтті дәмін татып өсіп келе жатқан балақандар мен ботақандар! «Доңыз» жылы сендерге де ырысты , жақсылық атаулы өздеріңе жұғысты болсын!

Гульфия:

Сәлем, бар адамдарға!

Аяулы аналарға,

Ардақты ұл-қыздарға,

Бүлдіршін балаларға,

Жарқырап жастар әні,

Болсын той маскарады!

Гульзия:

Аспан жерге төгеді,

Ақ күмісін уыстап,

Жаңа жыл да келеді,

Бізге қарай жылыстап.

Берсін біздей балғынды,

Көңілденсін ол енді,

Шырқатайық ән-жырды,

Шырқатайық өлеңді.

Гульфия :

Жүзімізде күлкі ойнап,

Қанаттанды жанымыз.

Жаңа жылды біз тойлап,

Шаттанамыз бәріміз.

Өлең де әзір, ән де әзір,

Ойын да әзір, бәрі әзір.

Кел, Жаңа жыл, біздерге,

Кел, Жаңа жыл, Жаңа жыл!

Гульзия:

Тауда туып, тауда өскен,

Шырша келді ортаға,

Бәріміз бір дауыспен,

Дейміз енді шыршаға:

Әдеміліп біз ілген,

Ойыншықтар тізілген,

Қандай жақсы шыршамыз,

Ән шырқайық баршамыз.

2 «Ә» сынып оқушсы Ерланқызы Дананы «Жаңа жыл» әнімен қарсы алыңыздар!

Алдардың әнімен ортаға – Алдар көсе мен Тазша бала келеді. (Елдос пен Ислам)

Алдар көсе (Елдос): Оо , мұнда не болып жатыр? Әдемі шырша, әсем киінген балалар…

Гульфия: Қош келдіңіздер Алдар көсе мен Тазша бала! Мұнда жаңа жылдық шырша өтіп жатыр

Гульзия: Балалар бізге қонаққа келген Алдар көсе мен Тазша бала жаңа жыл кешін бірге қарсы алуға келіпті.

Тазша бала (Ислам): Балалар біз сендерді жаңа жыл мерекесімен және Тәуелсіздіктің 27 жыл толуына орай мерекелерінмен құттықтауға келдік. Мерекелерің құтты болсын!

Алдар көсе (Елдос): Олай болса біз балалармен бірігіп, жаңа жылдық әнімізді орындайық.

Хормен :Хоровод 1. «Шыршаға бардық» әнін балалармен бірге орындайды.

Гульфия : Балалар біздің шыршамыздың көңілді өтуіне кімдердің болғанын қалайсыңдар?

Балалар: Аяз ата мен Ақша қар!

Гульзия:

Балалар, боранның, дауылдыңдың даусы естілетін сияқты. Қане бәріміз құлақ түрейікші, кім келе жатыр екен? Әрине, Аяз ата мен Қарша қыз! Бәріміз бірге қошеметпен оларды қарсы алайық.

Гульфия: Ендеше бәріміз бірге Аяз ата мен Ақша қарды ортаға шақырайық .. .

Бірге: Аяз ата , Ақша қар! 3 рет

Ұлыған боранның дауысы естіледі. Шанамен Аяз ата мен Ақша қар және ескі жыл-итті ертіп , қоңыраулатып келеді.

1 «Ә» сынып оқушылары «Ақшақарлар» биімен кіреді.

Аяз ата: Сәлеметсіңдер ме, балаларым, тәуелсіз елдің бақытты ұрпақтары, аяулы аналар, ардақты ұл-қыздарым, бүлдіршін балаларым!

Гульзия: Армысыз ата, армысың Ақша қар!

Аяз ата:

Балаларым балғыным,

Өмір гүлім , шалғыным.

Тілейтінім жыл бойы,

Сендердің денсаулығың.

-Мені көп күткен шығарсыңдыр, мен алыс-алыс жолдардан келемін. Менің балғындарым маған не әзірлеп қойды екен?

Ақша қар: Аяз ата, балалар , сізге ән, тақпақтар дайындаған. Бірінші шыршамызды жағып алайық, қанекей бірге…

Бәрі бірге: «Қуант бізді таңырқат,

Шамдарыңды жарқырат!»

Бірге: Жарқыра, жарқыра, жарқыра!

«Жаңа жыл» әні (хоровод)?

Гульфия:

- Халайық, баршаңызды жаңа 2019 жылдарыңызбен шын жүректен құттықтай отырып, мектебіміздің директоры Султанов Ғалымбек Бейсенұлына балаларға деген жаңа жылдық ыстық лебізін қабыл алайық

Құттықтау сөз.

Гульзия:

- Бүгінгі ұрпақ –ел келешегі. Ел келешегі –бүгінгі бүлдіршіндеріміздің жүзі жарқын, көңілдері шат болып, бақытты ғұмыр кешуіне ықпал етіп келе жатқан мектеп директорына алғысымызды білдіреміз.

Гульфия:

- Сізді де жаңа жылыңызбен құттықтай отырып, ортаға 1 «А» сынып оқушыларын «Шөжелер» биімен ортаға шақырамыз.

«Алтын сақа» ертегісінің музыкасымен ортаға мыстан кемпір мен шал кіреді.Мыстан кемпір шалдың қолынан ұстап алған. Айнұр Советхановна Асқармен кіреді.

Шал: Саған менен не керек? Бір табын жылқы, бір отар қойым бар. Бар малымды беремін. Менің жанымды қалдыршы.

Мыстан: Маған сенің бар байлығың мен малың керек емес, маған жалғыз ұлыңды бересің

Шал: Жалғыз ұлымды қалай беремін?

Мыстан: Онда мен сенің өз жаныңды аламын.

Шал: Жарайды, мені босат. Ұлымды берейін онда.

Гульзия: Балалар бұл қай ертегінің кейіпкерлері?

Гульфия: Жақсы. Бұл сендердің оқулықтарыңдағы «Алтын сақа» ертегісінің кейіпкерлері

Осы кезде аттың шабысының дүбірі естіледі, ортаға бала атпен келеді.

Ортада мыстан кемпір отырады. Алдында шашылып көп асықтармен бірге жалтырап бір ғана үлкен алтын сақа жатады.

Бала Ералы: Әжетай, алдыңыздағы менің алтын сақамды әперіңізші?

Мыстан: Қарағым, өзің ал. Мен тұрсам отыра алмаймын, отырсам тұра алмаймын

Бала Ералы: Әже, менде аттан түссем міне алмаймын, мінсем түсе алмаймын

Алдар көсе (Елдос): Бұл жерде не болып жатыр өзі?

Мыстан: Мына бала алтын сақасын сұрап тұр. Бұл алтын сақаны алу үшін менің үш шартымды орындауы қажет.

Алдар көсе (Елдос): Мыстан-ау ол қандай шарт?

Мыстан: Менің аузымда қимайтын екі тісім бар. екі тісімде жаман, ауру тіс. Әр тісімді жұлған сайын менің шартымды орындап отырасыңдар.

Алдар Елдос: Ал ендеше шартыңды айта ғой