Кеңпейілділік пен жомарттық туралы сабақ жоспары 3 сынып

Өзiн-өзi тану сабағының жоспары

Мерзiмі: 15.03.2017ж

Тақырып: Кеңпейілділік пен жомарттық

Құндылық: сүйіспеншілік

Қасиеттер: бауырмалдылық, кешірімділік, достық.

Мұғалiм: Костымова Ш

Сынып 5 А

Оқушы саны: 18

Сабақ мақсаты: Кеңпейілділік пен жомарттықтың маңыздылығы туралы түсіндіре отырып, сүйіспеншілік құндылығының мәнін ашу.

Міндеті:

Білімділік:Оқушыларға кеңпейілділік пен жомарттылықтың маңыздылығын ұғындыра отырып,бауырмалдылық касиеті туралы түсінік беру.

Дамытушылық:Оқушыларды кешірімділікпен қарым-қатынас жасауға дағдыландыра отырып, достық

қасиетіне баулу.

Тәрбиелік:Оқушыларды бауырмалдылыққа, ақкөнілдікке, достыққа тәрбилеу.

Ресурстар: (құралдар, мәлiметтер)

Белсендіргіш тақта, түрлі түсті бояулар, маркерлер, ватман, ақ қағаз.

Сабақ барысы:

1.Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуды тексеру.

5Т ережесін еске түсіру

Тәртіп

Талап

Тыныштық

Тазалық

Татулық

Тыныштық сәтi. «Нұрға бөлену»

Нұрға бөлену

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.

Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.

Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.

Нұр бірте-бірте қарқын және шұғылана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, балаларыңызға, мұғалімдерге, достарыңызға, таныстарыңызға бағыттаңыз. Нұрды уақытша түсініспей, ренжісіп жүрген адамдарға да бағыттаңыз, олардың да жүрегі нұрға толсын.