Кербез керік күйін орындау әдісі бойынша ашық сабақ, 4 сынып

Аудандық балалар өнер мектебі

Тақырыбы:

Құлшар Ерназарұлы «Кербез керік» күйінің орындалу әдісі

(ашық сабақ)

Дайындаған: Алдабергенова С.

Шетпе – 2018ж

Пән аты: Домбыра

Сабақтың тақырыбы: Құлшар Ерназарұлы «Кербез керік» күйінің орындалу әдісі.

Сабақтың мақсаты: Маңғыстау күй өнерінің орындаушылық шеберліктерін үйрету арқылы оқушының күй өнеріне деген қызығушылығын арттыру.

Білімділігі: Маңғыстау күйшілерінің өмірі мен күйлерінің ерекшелігі, «Кербез керік» күйінің шығу тарихы, орындау ерекшеліктері,шеберлігін үйрету.

Дамытушылығы: Маңғыстау күй өнерін дәріптеу, Маңғыстау күйлеріндекездесетін жесть тәсілін үйретіп қағыстарын дамытуға жұмыстану.

Тәрбиелігі: Ұлттық өнерді дәріптеу, күй өнерін қастерлеу.

Сабақтың түрі: Дара сабақ.

Сабақтың әдісі: Жаңадан өтілетін шығарманы ойнап көрсету, электронды тақтадан бейнежазба тыңдату, түсіндіру, сұрақ-жауап алу. Оқушының күйді меңгеруін қадағалау.

Көрнекілігі: Домбыра аспабы, оқулықтар, пульт, буклет, электронды тақта.

Сабақтың жоспары:

I. Ұйымдастыру.

II.Үй тапсырмасын тексеру

III.Жаңа сабақ

а) теориялық

б) практикалық

IV.Сергіту сәті.

V.Қорытындылау.

VI.Үйге тапсырма беру.

VII.Бағалау.

Сабақтың жүрісі:

I.Ұйымдастыру

Оқушыны ашық сабаққа дайындау.Сабаққа қажетті оқу құралдарын тексеру. Аспаптың құлақ күйін келтіріп, дайындау.

II.Үй тапсырмасын тексеру.

Моцарт «Түрік маршы» шығармасын тексеру. Күйсандықта қостатып ойнату.

III.Жаңа сабақ: Маңғыстау күйшілік мектебімен таныстыру, Құлшардың өмірімен таныстыру, «Кербез керік» күйін ойнау арқылы күйдің шығу тарихын білу, күйдегі қағыс, ойналу техникасын дамыту.

а) Теориялық

Қырықмылтық – Құлшар Ерназарұлы. Ол осы күнге дейін «Бақтығалиұлы» деп қате аталып келді. Құлшар Маңғыстау күй мектебін жетік меңгеріп қана қоймай, өз жанынан 20-дан астам күй шығарған, күйші композитор. Құлшардың кең тараған күйлері, оның кемпір және қызбен айтысында туған «Қыз қамаған», «Кербез керік», «Ат жортақ», «Сық-сақ», «Кебіс қалған» күйлері Маңғыстау өңіріне қазақ күй қорына қосылған қайталанбас өрнекті, асыл туындыларға айналды.

б) Практикалық

Күйді үнтаспа арқылы тыңдатып қысқаша талдап көрсетемін. «Кербез керік» күйінде бас буын «ля-соль-ля-ми» аймағын толық сипатымен үйрету. Лигамен жұмыс жасау.

IV.Сергіту сәті.

Бейне жазбадан күй тыңдатып оқушының есту қабілетін арттыру.

V.Қорытындылау.

Қорытындылай келе, бүгінгі тақырыбымыздың атауы қандай?

(Маңғыстау күйлерін үйрету арқылы қағыс техникасын дамыту.)

Осы тақырыпқа байланысты не түсіндің?