Кеш үлкен, кіші көп ашық сабағы балабақшаға

Білім беру саласы: таным.

Бөлімі: Қ.М.Т.Қ.

Тақырыбы: «Кеш.Үлкен-кіші.Біреу-көп».

Мақсаты: тәулік бөлігімен таныстыру; таныс заттарды көлеміне қарай үлкен-кіші және санына қарай бір-көп салыстыруды үйрету; қоршаған ортадан бір және көп затты таба білуді дамыту. Шыдамдылыққа, қызығушылыққа тәрбиелеу.

Көрнекіліктер: кеш мезгілі, үлкен және кішкентай заттар бейнеленген суреттер.

Шаттық шеңбері:

-Сәлеметсіңдер ме, балалар! Мен сендерді көргеніме қуаныштымын. Кәне, бәріміз шаттық шеңберіне тұрайық.

Арайланып таң атты,

Алтын шуақ таратты.

Қайырлы таң балалар,

Сәлеметсіздер ме, қонақтар!

-Өткенде оқу қызметінде тәуліктің қай мезгілі туралы әңгімелегенімізді естеріңе түсіріңдер. (күндіз: таң ,түс)

-Сендер бұдан басқа қандай тәулік мезгілін білесіңдер? (кеш, түн)

Балаларға «Кеш мезгіл»і туралы түсінік беру.

«Бұл қай кезде болады?» ойыны.

Мақсаты: жұмбақтар жасыру арқылы тәулік мезгілдерін ретімен орналастыру.

Күн шығып нұрын шашады,

Балалар бақшаға барады.

Бұл қай кезде болады? (Таң).

Серуеннен қайтамыз,

Тамақ ішіп аламыз.

Біз тәртіпті баламыз,

Тәтті ұйқыға батамыз.

Бұл қай кезде болады? (Түс).

Ән айтамыз, күлеміз,

«Апай сау бол» -деп

Үйге қарай кетеміз.

Бұл қай кезде болады? (Кеш).

Піл мен аю ұйықтайды,

Ұйықтайды қояндар да.

Бәрі ұйқыға жатады,

Бұл қай кезде болады? (Түн).

«Ойлан тап» сұрақ арқылы, кеш мезгіліндегі іс-әрекетті әңгімелеу.

-Суретте нені көріп тұрсыңдар?

-Бала не істеп жатыр? (ұйықтауға дайындалып жатыр)

-Бұл уақыттың қай мезгілінде болады? (кешке).

-Бала не істеп жатыр? (ұйықтап жатыр)

-Бұл уақыттың қай мезгілі? (түн)

«Тәулік мезгілдерін ата, суреттерді сәйкестендір». Мақсаты:Тәулік мезгілдерін ажыратып, суреттерді сәйкестендір «Үлкен-кіші» сергіту минуты. «Алдымен кішкентай боламын» деп отырамыз, «Өсіп үлкен боламын» деп тұрып, қолды жоғары созамыз.

«Үлкен-кішкентай» ойыны. Мақсаты : кішкентай төлдерді үлкен аналарына сызық арқылы қосу. Суреттегі бейнелердің үлкен-кіші екенін ажырата білу.

« Алма мен жүзім» ойыны

Мақсаты : бір-көп ажырату.

- Балалар, мынау не? (Алма)

- Түсі қандай? (Қызыл)

- Алма нешеу? (Біреу)

- Ал мынау не? (Жүзім)

- Түсі қандай? (Жасыл)

- Жүзім нешеу? (Көп)