Хабарлы сөйлемді меңгертуге арналған ашық сабақ, 2 сынып

Сабақтың тақырыбы: Хабарлы сөйлем

Сабақтың мақсаты:

1.Хабарлы сөйлемнің айтылу мақсатымен таныстыру, сөйлемдердің ара жігін ажыратып, тыныс белгісін дұрыс қоя білуге баулу.

2.Ауызша және жазбаша тілдерін дамыту,сөздік қорын, байланыстырып сөйлеу, шығармашылық , есте сақтау, ойлау қабілеттерін дамыту.

3.Оқушыларды жеке тұлға екенін түсіне білуге, ұқыптылыққа, мәдениеттілікке тәрбиелеу.

Сабақтың көрнекілігі: сабақтың тақырыбына байланысты суреттер, кестелер, слайдтар

Сабақтың әдісі: сұрақ - жауап әдісі, топпен жұмыс

Сабақтың барысы:

1.Ұйымдастыру кезеңі

Сыныпты топқа бөлу

1-топ Хабарлы сөйлем

2-топ.Сұраулы сөйлем

3-топ.Лепті сөйлем

Топтарға сұрақтар тарату

2.Үй тапсырмасын тексеру.

“Қалт етпей қағып ал, жауабын тауып ал”

Дыбыс, әріп дегеніміз не?

Дауыссыз дыбыс нешеге бөлінеді?

Дауысты дыбыс нешеге бөлінеді?

Ю, Я дыбыстары қандай дыбыстар?

Қазақ тілінде қандай дыбыстардан сөз аяқталмайды?

Мәтін дегеніміз не?

Мәтіннің түрлерін ата.

Сөйлем дегеніміз не?

9.Сөйлемнің түрлерін ата.

3.Жаңа тақырып.

«Миға шабуыл» стратегиясы.

Ребус шешу арқылы сабақтың тақырыбымен таныстыру

1- жаттығу.Сурет бойынша қысқаша мәтін құрап жаз.

Топтарға тапсырма беру Постер қорғау

Мәтін неше сөйлемнен тұрады?

Әр сөйлемде не жайында айтылған?

Сөйлемнің соңына қандай белгі қоямыз деп ойлайсыңдар?

Неге?

2- жаттығу.

Мәтінді оқып шық.Әр сөйлемнен кейін тыныс ал.Сөйлемнің соңында қандай тыныс белгісі қойылғанын айт.

Арша

Аршаның сабағы бұйра бүршікті болады.Ол хош иісті ағаштың бір түріне жатады.Арша таулы жерде өседі.Өзі аласа болады.Қысы –жазы көгеріп тұрады.Ол көп өсетін жерді Аршалы деп атайды.Арша тез жанады.

Мәтін неше сөйлемнен тұрады?

Алғашқы екі сөйлемді көшіріп жаз.Онда не туралы айтылған?

Сөйлемнің соңына нүкте қойылса, онда ол сөйлемді қандай сөйлем дейміз?

Анықтамамен таныстыру

Бірдеңе жайында хабарлау мақсатымен айтылған сөлемді хабарлы сөйлем дейміз.Хабарлы сөйлемнің соңына нүкте (.) қойылады.Қанат мектепке ерте келді.

Сергіті сәті

3- жаттығу.

Ойын «Шашылған сөздер» Сөздерді оқы.Сөздерден не жайында сөйлем құрастыруға болады? Сөйлемдерді жаз.

Қоян қыс із қалың орман

Ақ қар тон

4- жаттығу.

Ойын «Жалғасын тап» Әр мақалдың жалғасын тауып жаз.

Мақсаты: Мақал-мәтелдерді есте сақтау қабілеттерін арттыру.