Хайуанаттар бағына саяхат мектепке дейінгі сабақ жоспары

Білім беру саласы: «Таным»

Ұйымдастырылған оқу қызметі: «ҚМҰҚ»

Тақырыбы: «Хайуанаттар бағына саяхат»

Мақсаты: Өзіне қатысты кеңістіктегі бағыттарды: оң-сол, алды-арты, жоғары-төмен, биік-аласа ажырата білуді дамыту.

Дидактикалық ойын: «Не қайда орналасқан?»

Мақсаты: балалардың геометриялық пішіндер туралы білімдерін бекіту.(Дөңгелек және үшбұрыш) үй жануарлары мен жабайы аңдарды топтастыру.

Көрнекі құралдар: хайуанаттар бағының макеті, аңдар, геометриялық пішіндер, автобус макеті

Үлестірмелі құралдар: Геометриялық пішіндер суреттері бар, таратпа суреттер.(15дана)

Іс-әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық

қозғаушы

- Балалар, бүгін біз хайуанттар бағына саяхатқа барамыз. Хайуанаттар бағы алыста орналасқан, ол жаққа біз көлікпен баруымыз керек. Ол қандай көлік екенін қазір жұмбақ шешу арқылы табамыз.

Жұмбақ

Көше бойлап аяңдайды,

Адам тасып аялдайды.

Хайуанаттар бағына немен баратынын білгісі келеді.

Жұмбақ шешімі автобус екенін айтады.

Ұйымдастыру-

іздестіру

- Дұрыс, қане барлығымыз автобусқа отырайық. Ал ұзақ жолымызды қысқарту үшін бәріміз өлең айтайық. «Ұзын құлақ, сұр қоян» әні.

- Балалар, міне біз хайуанттар бағына келдік. Хайуанаттар бағы – үлкен бақ. Онда тек жабайы аңдар ғана емес, аң- жануарлардың көптеген түрлері, құстардың әр түрі арнайы торларда ұсталады. Хайуанаттар тұратын тор неге ұқсайды?

- Дұрыс, балалар. Енді хайуанаттарды тамашалайық. Алдыңғы жағымыздағы торлардың ішінде маймылдар бар. Олар бір жерде тұра алмайды: жоғары мінеді, төмен түседі. Ал артқы жағымыздағы торларда құстар бар. Бұл жердегі құстар әртүрлі екен. Біреуі биік болса, екіншісі аласа болып келеді. Мұндағы ең биік құс – түйеқұс. Ал ең аласа құс – ол тотықұс.

- Сол жақта үй жануарлары бар. Енді үй жануарларын атап беріңдерші.

- Ал, енді оң жаққа қараңдар, мұнда торлардың ішінде жабайы аңдар бар.

Қане, балалар, кішкене сергіп алайық.

Сергіту сәті:

Қырғауыл боп ұшамыз, ұшамыз,

Түлкi болып қашамыз, қашамыз,

Қырғауылдай тапқыр боп, тапқыр боп,

Орнымызға қонамыз.

- Балалар, сендер қандай жабайы аңдарды білесіңдер?

- Маймылдар қайда орналасқан?

- Құстар қайда орналасқан?

- Маймылдар қай жерлерде жүреді?

- Үй жануарлары қай жақта тұр?

- Жабайы аңдар қайда орналасқан?