Халықтың қартын сыйла, елдің салтын сыйла бағдарламасы

Күні: 1.10.2018ж

Тақырыбы: «Халықтың қартын сыйла, еліңнің салтын сыйла.»

Мақсаты: Оқушы бойына халқымыздың асыл қасиеттерін сіңіру, үлкенді сыйлау, өз ата –бабасын ұмытпай сақтау үшін және салт- дәстүрден нәр алып өсуіне, инабаттылыққа, жақсы мен жаманды ажырата білуге аталы сөзден ғибрат алуға тәрбиелеу.

Көрнекілік: тақырып жазылған плакат, нақыл сөздер, слайдта

Концерттік бағдарлама.

1- жүргізуші: Армысыздар, құрметті қонақтар,ақ жаулықты аналар мен асқар таудай әкелер!

«Халықтың қартын сыйла, еліңнің салтын сыйла» атты бүгінгі мерекемізді ашуға рұқсат етіңіздер.

Қарттарым жүректерің неткен дархан,

Көтерген тұрмыс жүгін сенің арқаң.

Жолыңды жүріп өткен қарасам мен

Оқитын келешекте бір-бір дастан.

Таң атып күн де шыққан өздеріңмен,

Жалындап жұлдыз жанған көздеріңнен.

Тербедің көктем бағын самал болып

Өсиет жастарға айтқан сөздеріңмен,- деп асыл қазына, арқа сүйер тірегіміз болып аман-есен жүре беріңіздер.

2- жүргізуші:Қош келіпсіз ақ жаулықты аналар,

Ақыл кенін арқалаған аталар.

Алдарыңда жауқазындай құлпырған,

Біз алаңсыз балғын шақты балалар.

Армысыз ауылымның асылдары,

Жайнасын көңілдердің жасыл бағы.

Сіздер үшін ән мен күй, өлең мен би,

Сіздер үшін мереке шашулары.

Қазақ қарты жасына лайық ауызы дуалы, сөзі беререкелі,ісі тыңғылықты,ой терең,ақылы телегей теңіз болып келеді. Міне осындай теңеуге лайық қарияларды жылына бір рет келетін мерекелерімен тағыда құттықтаймыз.

Құттықтау сөз мектеп директоры Ауашов Жаңбыршы ағайға беріледі.

1- жүргізуші: Алдыңда ақыл берер қария ғой,

Жақсылар жақсылыққа жария ғой.

Жастарға ол парасатты кеңес берер,

Сөзге бай ағып тұрған дария ғой.

Ән: Қазанғап Тілепбергенұлы атындағы саз мектебінің оқушылары Жәмеков Аслан мен Қазиев Алматтың орындауында «Шындық туралы толғау» қабыл алыңыздар.

2- жүргізуші:Халқымыздың тәлім – тәрбиесі ананың ақ сүтімен, әже өнегесімен, аталар ақылымен берісіп, өзіндік қасиетімізді қалыптастыру көзделген. Жас өнерпаздарды тамашалайық.

М.Мақатаев «Қариялар азайып бара жатыр» 6- сынып оқушысы Тлеужанов Дильназ

1-оқушы:Бес саусағым- атам, үйдің данасы,

Балаң үйрек- әжем,ошақ анасы.

Ортан терек- әкем,отау панасы.

Шылдыр шүмек- шешем, шаңырақ ажары,

Ал, біз бала- отбасының ба

2-оқушы: Сәл еңкейген нұр жүзінен әл тайып,

Қуат кетіп бара жатыр қартайып.

Отбасында, бала-шаға қасында,

Жетпістер мен сексендер жүр қалқайып.

Көңіл жетім болмаған соң сыңары,

Жас баладай жаутаңдаған жанары.

Қайта-қайта қарағың кеп тұрады,

Қағыс естіп қалбақтайды баладай.

Мәпелеңдер қарт біткенді аялап,

Ниеті ақ, көңілі кең даладай

Кімге болсын қарттың жетер аяңдап.

3-оқушы:

Құттықтаймыз мейрамыңмен аталар!

Әр күлгенің бізге бақыт саналар.

Еңбегіңді еш етпейтін өмірде

Елің жұртың ұл мен қызың бағалар.

Ана мейір күн көзімен пара-пар.

Тұла бойға қуат болып таралар

Өміріме шуақ шашып әрқашан

Көп жасаңдар аталар мен аналар!

4-оқушы: