Қазақстандықтардың әл-ауқатының өсуі туралы эссе

Биылғы жолдау «ҚАЗАҚСТАНДЫҚТАРДЫҢ ӘЛ-АУҚАТЫНЫҢ ӨСУІ: ТАБЫС ПЕН ТҰРМЫС САПАСЫН АРТТЫРУ» деген тақырыпта берілді.

«Жолдау еліміздің әлеуметтік-экономикалық дамуының өзекті мәселелеріне және қазақстандықтардың әл-ауқатын одан әрі арттыру міндеттеріне арналды». Ел болып ынтыға күткен Елбасының жолдауы 05 қазан күні жарияланды. Қашанда өзінің шұғылалы саяси ойларымен, арынды мақсаттарымен, толағай табыстарымен барша жұртты тәнті ете отырып, қалың қауымды артынан ерте білген Елбасы Н.Ә.Назарбаев биылғы жолдауымен де елді елең еткізді.

Елбасының биылғы жолдауы ерекше форматта – интерактивті режимде өтті. Оның себебі де бар – биліктің халықпен жақындай түсу керектігін, мемлекеттің жүргізіп жатқан реформаларын азаматтарға кеңінен түсіндіру қажеттілігін Президент үлгі ретінде көрсетті.

Бұл жолдау 6 бөлімнен қарастырылды:1. халық табысының өсуі, адам еңбекқор болып, өз кәсібін жақсы меңгергенде ғана лайықты жалақы алуға немесе жеке кәсіп ашып, оны дамытуға мүмкіндік болған кезде табысы артады. 2.Тұрмыс сапасын көтеру. Қазіргі таңда халық саны 18 миллионнан асып, өмір сүру ұзақтығы 72,5 жасқа жетті. Өмір сүру деңгейінің артуы өмір сүруге жайлы орта қалыптастыру, Жайлылық дегеніміз – ең алдымен, тұрғын үйдің қолжетімділігі, ауланың әдемілігі мен қауіпсіздігі, тіршілікке және жұмыс істеуге қолайлы елді мекеннің болуы. Қазақстанның табысты жаңғыруын қамтамасыз ету үшін бастамашыл белсенді сыртқы саясатты одан әрі жүзеге асыру қажет.Әрбір қазақстандық жүргізіліп жатқан реформалардың мәнін және олардың Отанымызды өркендету жолындағы маңызын жете түсінуге тиіс, тағы сол сияқты ауқымды да маңызды мәселелер қарастырылды.

Сол қарастырылған мәселелердің ішінде еліміздің білім жүйесіне, әсіресе педагог қауымына ерекше көңіл бөлінді. Саналы ұрпақ, білімді азамат, мемлекетшіл тұлға қалыптастыру – педагогтардың еншісінде екені белгілі. Сондықтан да, педагогтың мәртебесін айқындау, оның құқықтарын белгілеу, мемлекет тұрғысынан қолдау талантты жастардың осы салаға бет бұруына, еліміздің әлемдегі ең озық елдердің қатарына кіру мүмкіндіктерін кеңейтуге жол ашатынына сеніміміз мол. Елбасының барша қазақстандықтарға сенім арта отырып жеткізген бұл жолдауы осындай жасампаздығымен ерекшеленді. Бұдан шығатын түйін – еліміздің әрбір саналы азаматы өзінің бар күш-жігерін «мәңгілік елдің» экономикасын қалыптастыруға, еліміздің еңселі де қуатты болуына жұмсауы керек. №3 Әмір Темір мектебінің…