Химия пәні бойынша элективті курс, 8-9 сыныптар 2025-2026 жыл

АСТАНА ҚАЛАСЫНЫҢ БІЛІМ БАСҚАРМАСЫ «ӘДІСТЕМЕЛІК ОРТАЛЫҒЫ» МКҚК АСТАНА ҚАЛАСЫ ӘКІМДІГІНІҢ «БАУЫРЖАН МОМЫШҰЛЫ АТЫНДАҒЫ

53 МЕКТЕП- ЛИЦЕЙ» ШЖҚ МКК

Тақырыбы “ ХИМИЯ ПӘНІНЕН САНДЫҚ ЕСЕПТЕР ШЫҒАРУ ”

элективті курс бағдарламасы (8-9-сыныптар үшін)

Астана, 2024 жыл

Астана қаласы әкімдігінің «Бауыржан Момышұлы атындағы №53 мектеп лицей» ШЖҚ МКК ә д і с т е м е л і к отырысында (2022 жылғы 28 тамыз № 1 хаттама)

Рецензенттер:

Гаухар Каргабаевна Тажкеновна Л.Н.Гумилев атындағы Еуразия ұлттық университетінің химия ғылымдарының кандидаты, доцент.

Сембетова Гулнур Сырлыбаевна, Астана қаласы әкімдігінің «Бауыржан Момышұлы атындағы №53 мектеп лицей» ШЖҚ МКК директордың оқу ісі орынбасары, филология магистрі.

Құрастырушы : Князова А.К.

«Химия пәнінен сандық есептер шығару» элективті курс бағдарламасы 8-9 сыныптар, Астана қаласы, 2024 жыл, 44 бет.

«Химия пәнінен сандық есептер шығару» химиялық есептерді шығару – химиялық білім алудың негізгі көзі болып саналады. Есеп шығарып, жаттығулар орындау білімді тексеру ғана емес, сонымен қатар оқушыларды өздігінен ізденуге де дағдыландырады. Оқушылар өз білімдерінің жетіспейтін жерлерін анықтап, онымен жұмыс істеуге, қосымша және арнайы әдебиеттерді пайдалануға үйренеді. Есеп шығару барысында оқушының білімі, зердесі, ойлау қабілеті дамумен қатар, химиялық білімді, заңдарды, құбылыстарды тереңірек түсінуі қалыптасады. Есеп шығаруда химиялық ұғымдар қайталанып бекиді.

Мазмұны:

Түсінік хат................................................................................................................4

Таңдау курс бағдарламасының мазмұны мен құрылымы................................. 5

Қорытынды...................................................................................................... .....10

Қосымша................................................................................................................ 11

Пайдаланылған әдебиеттер..................................................................................34

ТҮСІНІК ХАТ

Химия таңдау курсының теориялық материалын сәтті игертудің тиімді жолдарының біріне химия пәніндегі сандық есептерді шығару дағдыларын қалыптастыру мен меңгерту жатады. Әрбір өзіндік жұмыста шәкірттер бойында белгілі бір икемділік, іскерлік дағды қалыптастыру сияқты мәселелерге ерекше назар аударылады. Оқушылардың білім мен білік, іс- әрекет дағдыларын тығыз қалыптастыра отырып, есте сақтау, тез ойлау, дұрыс жауап беру, өз пікірін айту, дәлелдей алу әрекеттері күшейіп, ой-өрісі шыңдала түседі. Химиялық есептер шығару арқылы оқушылардың ой-өрісі артады, теориялық білім мен тәжірибе арасындағы байланысты жүзеге асырылады, оқушылардың химиялық қисынды ойлауын өрістеу, білімдерін іс жүзінде қолдануға мүмкіндік жасайды, табандылық, іскерлік, ізденгіштік, еңбексүйгіштік қасиеттерін қалыптастырады. Есеп шығарумен үнемі шұғылдану –оқушыларды еңбексүйгіштікке, жауапкершілікке, табандылыққа және жігерлілікке үйретеді. Алға қойған мақсатқа жету үшін қайсарлықты қалыптастырады, ақыл-ой мен таным белсенділігі артады. Оқушылардың танымдық және интеллектуалдық қабілеттерін дамытады, оқушының жеке қызығу мүмкіндіктерін ашады. Сондықтан бұл бағдарламада есептер теориялық материяға негізделеді, санд

Ерітінділерде жүретін реакциялармен танысу, қоршаған ортада жүріп жатқан құбылыстарды химиялық тұрғыдан тануға көмектеседі.

Мақсаты мен міндеті Мақсаты: Сабақта алған білімдерін күнделікті өмірде қолдана біледі, танымдық қабілеттері дамиды, мазмұны бар есептерді шеше біледі, есептердің бірнеше шығару жолдарын меңгереді Міндеті: Әртүрлі типтегі химиялық есептерді шығара білу сауаттылығы, мәліметтерді меңгеріп, нәтижесін талдап ала білу. Өзектілігі: Химия пәнінен сандық есептер шығару арқылы баланың ойлау, есте сақтау, ғылым тілінде сөйлей алу қабілеттері дамиды, химиялық заңдар мен құбылыстарды түсінуі қалыптасып, дүниетанымы артады. Жаңашылдығы: Химия сабақтарында өзіндік жұмыс кезінде есептер шығару барысында оқушылар: • масса мен көлем бірліктерін Халықаралық жүйеге (СИ)- халықаралық жүйесіне келтіре білу; • алынған жауапқа талдау жасай білу; • қосымша әдебиетпен жұмыс жүргізе білу сияқты нақты біліктілікке ие болады. Алдарына міндет қойып, соған жету жолында жұмыстанады. Күтілетін нәтиже:  Оқушыларда пәнге деген қызығушылық артады, танымдық көзқарастары

кеңейеді  Оқушылардың белсендігін және өз бетімен жұмыс істеуін қамтамасыз

етуге болады  Теориялық білімді одан әрі дамытып, практика мен ұштастырады  Оқытудың өмірмен байланыстығын қамтамасыз етеді  Логикалық ойлауы дамиды және химиялық деңгейлік типтік есептерді

шығарудың әдіс – тәсілдерін, жолдарын меңгереді  Кәсіптік бағдар мен, политехникалық білім алады  Өз бетімен ізденеді, өзіне деген сенімі мол болып құзыретті тұлға болып

қалыптасады