Химия сағаты викторина ойыны 8 сыныпқа арналған

Мектеп: №116

Химия пәні мұғалімі: Бахтыбаева Шынар

Сынып: 8

Тақырыбы: «Химия сағаты» викторина ойыны.

Мақсаты:

Білімділік: оқушылардың химия пәніне қызығушылығын арттыру, сабақта алған білімдерін интеллектін жетілдіру.

Тәрбиелік: сайыс барысында ұжымдық коммуникативтік дағдыларыын қалыптастыру.

Дамытушылық: өз бетімен ізденіп, шығармашылық жұмыстармен айналысуға, алған білімдерін пайдаланып, алғырлыққа, шапшаңдыққа, тез ойлнуға, тапқырлыққа баулу.

Өтілу әдісі: сайыс сабақ

Қолданылатын көрнекіліктер: интерактивті тақта, периодтық кесте, карточкалар

Мұғалім: Құрметті ұстаздар мен оқушылар. Бүгін мектебімізде жаратылыстану ғылымының құпиясы апталығының аясында өтіп жатқан «Химия ұландары» атты сыныптан тыс шараға қош келдіңіздер. Бүгінгі химиялық сайысқа 9 – 10 сынып оқушылары химия пәнінен алған білімдерін көрсетіп, ортаға салады.

Жүргізуші: Данышпан жолмен жүрсең осындағы

Белгілі бір ғылымның ашылғаны

Ілімнің білу үшін сырын жетік

Ерінбей оқу керек химияны – дей отырып, сайысымызды бастайық. Ендеше,

ойыншыларымызды ортаға шақырайық.

Жүргізуші: Төрелік ететін әділ қазылар алқасымен таныс болайық

Сайыс барысы:

Таныстыру бөлімі (эмблема, ұраны).

«Менен сұрақ сенен жауап»

«Есептер сыры» бөлімінде химиялық есептер шығарылады

«Жұмбақ аралы»

«Химиялық потрет» сайысы (ғалым сурет)

Химиялық сөзжұмбақ

Жүргізуші: 1 бөлім «Таныстыру» деп аталады. Әр қатысушы топтар өздерін таныстырып өтеді. Жоғарғы балл 5 балл. Ойыншыларға сәттілік тілейміз.

Жүргізуші: Келесі бөлім «Менен сұрақ сенен жауап» сұрақ – жауап сайысы. Сіздерге 10 сұрақ жасырылады. Әрбір дұрыс жауапқа 1 балдан беріліп отырады.

1 топқа

Фосфор қышқылының тұздарын қалай атайды? (фосфаттар)

Қандай элементтің жетіспеуі тіс ауруына ұшыратады? (фтор)

Алғашқы көмекке пайдаланатын бейметалл (иод)

Қоршаған орта әсерінен металдардың бүлінуі (коррозия)

Атомдардың белгілі бір түрі (химиялық элемент)

Тұрмыста және өнеркәсіпте кальций гидроксидін қалай атайды? (сөндірілген әк)

Магниттілік қасеті бар химиялық элемент (темір)

Қай элементтің таңбасы айдаһар белгісіне ұқсайды (күкірт)

Сүйекті қаптайтын элемент (Кальций)

Натрий гидрокарбонатының тұрмыстық атауы (Ас содасы)

2 топқа

Күкіртті қышқылдың тұздарын қалай атайды? (сульфиттер)

Сау адамның ағзасында болатын қышқыл (тұз қышқылы НCl)

Салыстырмалы атомдық массасы 39 – ға тең металл (калий)

Жылу бөле жүретін реакция (экзотермиялық)

Оттектің басқа заттармен қосылу реакциясын қалай атайды?

(жану немесе тотығу реакциясы)

Ең ауыр металл (осмий)

Периодтық жүйе қандай металдармен аяқталады? (инертті газдармен)

Суда еритін негіздер қалай аталады? (сілтілер)

Қай галоген бактерияларды өлтіріп, денсаулықты қорғайды? (хлор)

Қандай металдарды керосиннің астында сақтайды? (Сілтілік металдарды)

Жүргізуші: Тағы келді сыналар шақ айналып,

Тереңіне білім теңіз байланып,

Кім шешеді, сол сайыста ұтып тұр,

Есеп шешер кезегі келіп тұр

3 бөлім. «Есептер сыры»

1 топқа: Біз негізі үш егіз жігітпіз: мен – Ақбаймын, Қарабай, Қазбек деген ағаларым бар. Түріміз де мінезімізде ұқсайды. Менің мінезім нашар, тез тұтанып шыға келем, өзім улы заттар қоймасында істеймін. Ағаларым маған қарағанда момын, Қарабай әскери адам, түтінін бұрқыратып темекі шегеді де жүреді. Ал Қазбек сіріңке зауытының директоры.

Тапсырма: Мен және менің туыстарым кімдер? Қатысты реакция теңдеулерін жазыңыз

Жауабы: Өзім фсформын. Ағаларым Ақбай - ақ фосфор, Қазбек – қызылфосфор, Қарабай - қара фосфор. Ақ фосфор – қараңғыда жарық шығарады, оңай тұтанатын улы зат. Қызыл фосфор – сіріңке, шырпы өндірісінде қолданылады. Қара фосфор әскери оттық жасауда қолданылады.

2 топқа: Мен бейбітшілікті жақтаймын, тіршілікті жан тәніммен сүйетін жанмын. Бірақ та маған соғысқұмар, тіршілікке қарсы деген жала жабылып жүр. Менің бес ағам бар. Апамның мінезі өткір. Аштай деген жеңіл мінезді кісіге тұрмысқа шықты. Бала – шағасы көп, бәрі де ер жеткен, егін шаруашылығында, дәнекерлеуші т.б. қызметте. Менің мінезім ауыр, кісімен оңай араласпайтын бойжеткенмін. Бірақ жақында Латиф деген татар жігітпен таныстым. Оны ұнатып соған тұрмысқа шығуға келістім.

Тапсырма: Мен кіммін, менің туыстарым кімдер? Қатысты реакция теңдеулерін жазыңыз