Сөз тізбегі ойыны 2 сыныпқа арналған материал

«Сөз тізбегі»

Мақсаты: Балаларға сөздегі бірінші және соңғы дыбысты айтуға жаттықтыру, коммуникативтік тұрғыда балаларды белсенділікке, социализация тұрғыда бір-біріне көмектесе білуге тәрбиелеу.

Ойынға керекті құралдар: әр-түрлі заттардың суреті салынған карточкалар.

Ойын барысы:

Үстелде екі балаға бір (карточка) суреттен үлестіріп қойылған. Ал тәрбиешіде қарындаштың суреті салынған карточка.

Тәрбиеші түсіндіреді: «Біз бүгін сөз тізбегін құрамыз. Ол үшін әр түрлі суреттерді тізіп қоямыз. Ең бірінші сурет қарындаштан, келесі сөз аяқталған дыбыстан басталуы керек. Сондай сөзге байланысты суреті бар бара тақтаға шығады да сөзге қатарластырып қояды. Ең соңғы дыбысқа байланысты суреттер қойылады. Егер дыбысқа байланысты сурет екеу болса, қай бала бұрын суретті тапса, сол бұрын қояды.» Фланеграфқа тізіп, барлық суретті қойып болған соң, тәрбиеші қандай дыбысқа басталып, қай дыбыспен аяқталып тұрғанын сұрайды.

«Гүл шоғын құра"

Мақсаты:

Балаларды ашық және қою түстерді ажыратуға үйрету.

Балалардың тілдерін топтастыру сөздеріне үйрету ашық, қою (түстер) және осы сөздерді қолдануға үйрету.

Ойынға қажетті заттар:

Екі сурет - әрқайсысында гүл саутының суреті бар. Сауытта жасыл бұтақ салынған. Бұтақтың шеттерінде орташа түсті дөңгелектер (сұр, ақ) жабысқан. 1–сауытта ашық түсті сурет, ал 2 – сауытта қою түсті сурет салынған.

Гүлдің бастары түрлі–түсті қағазбен қиылған: көгілдір, көк, күлгін (қою түстер); сары, қызғылт, қызыл (ашық түстер).

Сабақта ойын жаттығуларын өткізу:

Тәрбиеші балаларға гүл сауты бар суреттерді көрсетіп 2 гүл шоғын құруда ұсынады: 1 – ашық түсті гүлдерден, 2 – қою түсті гүлдерден.

Тәрбиеші фланелеграфқа гүлдердің бастарын шашыраңқы түрде орналастырады. Ол жаттығуды орындауға екі немесе төрт баланы шақырады. Балалар керек гүлдерді тауып бұтақтың басына жапсырады және өз гүл шоқтары жайында әңгімелеп береді, мысалы: «Мен қызыл, қызғылт, сары гүл шоғын құрастырдым. Менің гүл шоғым ашық түсті гүлдереден құралған» немесе «Менің гүл шоғым қою түсті гүлдереден – көгілдір, көк және күлгін».