Химиялық реакциялардың жылу эффектісі 8 сыныпқа

Аудандық «Менің мамандығым: алғашқы қадамдар мен алар асулар» байқауында №1 Т.Жароков атындағы жалпы орта білім беретін мектебінде 8б сыныбына оздырылған ашық сабағым.

Сабақтың тақырыбы: Химиялық реакциялардың жылу

эффектісі.Термохимиялық теңдеулер.

Сабақтың мақсаты:

Білімділік:оқушылардың өз бетімен жұмыс істеуін негізге ала отырып, химиялық реакциялардың жылу эффектісін және термохимиялық теңдеулер туралы білімдерін кеңейту.

Дамытушылық: заттардың формуласын құра білуге, теңдеу құру, типін, ажырата білу, есеп шығару, біліктіліктерін дамыту.

Тәрбиелік: оқушыларды жауапкершілікке, теориялық білімді практикамен ұштастыруға тәрбиелеу.

Сабақтың әдісі: СТО әдістері (топқа бөлу)

Сабақтың түрі: жаңа білімді меңгерту

Сабақтың көрнекілігі: стикер, плакат, интерактивті тақта

Сабақтың барысы:

І.Кіріспе

А) танысу шеңбері

В) топқа бөлу

С)Үй тапсырмасын тексеру (сен маған, мен саған)

1. Оттектің периодтық жүйедегі орны

2.Оттектің химиялық қасиеттері

3.Оттектің лабораторияда алынуы.

4.Оттектің көмір, темір, күкіртпен реакция теңдеулері.

5. Оттектің қолданылуы.

ІІ.Тұсау кесер (жаңа сабақ)

1.Сөзжұмбақ

Жаңа сабақтың мақсаты:

Жылу эффектісі, эндотермиялық және экзотермиялық реакциялар, термохимиялық теңдеулер айырмашылықтармен ерекшеліктері.

2.Табыс критерийі

1.Жылу эффектісі дегенміз не?

2.Эндотермиялық және экзотермиялық реакциялардың айырмашылықтары.

3.Термохимиялық теңдеулер және есептер шығару.

ІІІ .Негізгі бөлім (постер қорғау)

1 топқа : Экзотермиялық реакция

Көптеген жану реакциясы кезінде жылу бөлінетінін білесіңдер.Химиялық рекциялар әдетте , жылу түрінде энергия бөле немесе сіңіре жүреді.Мысалы: көмір, күкірт, метан, бензин, ағаш жанғанда жылу бөлінеді. Кей жағдайда, мысалы, азот пен оттек әрекеттесіп азот (ІІ) оксидін түзгенде немесе сынап оксиді айырылғанда жылу сіңіріледі.

Жалпы , энергияның сақталу заңына сәйкес реакция кезінде энергияның бөлінуі немесе сіңірілуі әртүрлі формада өтеді. Соның бірі - жану процесі.Жанатын затты тұтану температурасына дейін қыздырса, реакция әрі қарай өзі жалғасып, үнемі жылу бөле жүреді .Бензиннің , табиғи газдың, т.б. жануы экзотремиялық реакцияларға жатады.

Жылу бөле жүретін реакция – экзотермиялық реакция деп аталады. «Экзо» гректің «сыртқа» деген сөзі.Жылудың реакция жүріп жатқан ортадан , сыртқы қоршаған ортаға бөлініп шығатынын білдіреді. Химиялық реакцияның жылу эффектінің шамасы бірнеше факторларға тәуелді:

1)әрекетесуші заттардың табиғатына;

2)температураға;

3)реагенттердің мөлшеріне;