Киелі менің атамекенім, 6 сыныпқа арналған тәрбие сағаты

«Атбасар ауданының білім бөлімінің

Сергеевка орта мектебі» КММ

тарих және география мұғалімі

Хаз Отанбек

Тақырбы : «Киелі менің – Атамекенім» танымдық тәрбие сабағы

Мақсаты:

А) Білімділік: Жас ұрпақты өз Отанын сүюге, туған жерінің тарихын білуге, туған жерін қастерлей білуге тәрбиелеу; Ә) Тәрбиелік: Оқушыларды өз елін ,жерін қорғап оны ойлай білетін ұлтжанды, патриот сезімі ұялаған, өз ойын көркем толық жеткізе алатын толыққанды жеке тұлға ретінде қалыптастыру; Б) Дамытушылық: Оқушыларды туған жер тарихын ұғындыра отырып, елін, жерін, киеліорындарын қорғай білуге үйрету.Көрнекілігі:

Слайд , тарихи орын «Киікбай мазарына» саяхат Сабақ барысы :

1.Ұйымдастыру

2.Кіріспе

3.Негізгі кезең

4.ҚорытындылауМұғалімнің кіріспе сөзі : Қазақстан- қазақ халқының ата -баба мекені ,ежелгі қонысы. Бұл жер ата- бабамыздың кіндік қаны тамған, қара топырағы. Бүгіңгі ұрпаққа аманат етіп қалдырған баға жетпес мұрасы.Туған жер киелі мекен. Әр адамзаттың дүние есігін ашқан құт мекені. Жер шарының қай түкпірінде жүрсең де туған жер , киелі мекен біреу ғана . Ол Отан- Атамекен.Себебі өзге су, өзге топырақ , өзге ауа оның орынын толтыра алмайды.Сендер кең байтақ осындай киелі мекеннің болашақ ұрпағысыңдар, көгінде қалықтаған жас қыранысыңдар! Ертеңгі елдің тізгінін ұстайтын ізбасарларысыңдар. Ел басымыздың «Болашаққа бағдар: Рухани жаңғыру »мақаласындағы «туған жер»идаясын насихаттау бойынша біз көптеген жұмыстар атқардық. Көне тарихи ескерткіштермен қасиетті жерлерді зерттеу барша адамзаттың борышы . Жаугершілік заманда жоңғарлармен айқасып , елін жерін қорғаған батырларды мәңгі есте сақтап ұрпақтан ұрпаққа насихаттау болашақ ұрпақтар міндеті . Соның бірі осы біздің ауылдағы «Киікбай батыр» мазары .Бүгін осы тарихи ескерткіш жайлы білетіндеріңді ортаға саласыңдар. Олай болса «Киелі менің Атамекенім»танымдық тәрбие сабағын бастайық!

Слайд №1

Ән ұран шырқалады.

1-жүргізуші:

Егеулі найза қолға алып, еңку-еңку жер шалып, ел қорғаған батыр бабаларымыз бен аналарымыздың бізге қалдырған аманатындай туған елімізді қорғау, нығайту – бәрімізге парыз.

2-жүргізуші:

-Айпырай! Туған жер-ай!Теңдесер кімБұл жерге сен болмасаң келмес едім.Кіндігімді байлаған қазығым –айСен болмасаң бұл маңды көрмес едім, – деп ақиық ақын Мұқағали.Мақатаев жырлаған.

1-жүргізуші:

Туған елдің тынысын арқау еткен.

Қазақстан, халқым менің қазағым,

Саған арнап өлеңімді жазамын

Кең далаңда мына жатқан байлыққа

Әуестеніп,қызыға мен қарадым.

2-жүргізуші:

Құсың ұшар көк аспанмен таласа,

Тауларыңа сенің зәулім көз жетпейді қараса.

Қызыл-жасыл көбелектер гүлден-гүлге қонады,

Сүп-сүйкімді қозыларың еді неткен тамаша!

1-жүргізуші:

Достық пенен татулықты қалайтұғын халқым бар,

Табылады бойымыздан намыс пенен жігер –ар.

Мақтанамын туғаныма бейбіт сүйген бұл елде

Сия жетпес болсам егер бар сезімді атқарар.

2-жүргізуші:

Отанымды мақтан тұтам, қорғаймын.

Қазағымның нақыл сөзін қолдаймын.

Қазақ атам демейді ме: «Отан үшін отқа түс»

Отандастар, сізге үлкен,ыстық сәлем жолдаймын.

1-жүргізуші:

Қазақ елі гүлдей берсін, дамысын.

Жылдан жылға көтерілсін табысың.

Қазақстан, көтерілсін табысың.

Біз, жастар да, тырысамыз сен үшін!

2-жүргізуші:

Қазақстан – қазақ халқының ата-баба мекені, ежелгі қонысы. Бұл жерде ата-бабамыз туды, тұрды, өмір сүрді, оның топырағында ата-бабамыздың кіндігі кесілген кең жазира жері.

Қазақтың қасиетті қара топырағы! Менің ата-бабамның асылы, ұрпағына қалдырған баға жетпес мұрасы, ең аяулы бабалар аманаты.

1-жүргізуші: