Киімнің жекелеген түрлерін бейнелеу ашық сабақ

Текей батыр Қарпықұлы атындағы жоғары колледжі

«Келісемін»

Колледжі әдіскері

_________О.А.Жалғасова

«Бекітемін»

Директордын оқу ісі

жөніндегі орынбасары ___________Б.Р.Таңқыбаева

АШЫҚ САБАҚ

Пән аты: КМ 02 Киім эскиздерін техникалық сурет түрінде орындау

Сабақ тақырыбы: Киімнің жекелеген түрлерін бейнелеу

Оқу тобы: Т-22-9

Өткізілген күні: 17.11.2023 ж.

«Техникалық пәндер» ЦӘК арнайы пән оқытушысы: __________ Бекетова М.М.

«Техникалық пәндер» ЦӘК қаралды.

Хаттама____ «____» _____2023 ж.

ЦӘК жетекшісі____________ А.Ө.Шалқарбаев

Қызылорда, 2023 жыл

ОҚУ САБАҒЫНЫҢ ЖОСПАРЫ № 66

Киімнің жекелеген түрлерін бейнелеу

(сабақтың тақырыбы)

Модуль /пән атауы: КМ 02 Киім эскиздерін техникалық сурет түрінде орындау

Педагог: Бекетова Манат Маратқызы дайындады

Күні: 17.11.2023ж

1.Жалпы мәліметтер

Курс ІІ, топ: Т-22-9

Сабақ түрі: тәжірибелік

2.Сабақ мақсаты мен міндеттері:

Оқушыларға киімнің жекелеген түрлерін техникалық сурет ретінде бейнелеу туралы түсінік беру, техникалық суреттің ерекшеліктерін түсіндіру;

Сабақ барысында кәсіби, тәжірибелік дағдыларын қалыптастыру, оқушылардың теориялық білімдерін іс жүзінде пайдалана білуге, алған білімдері арқылы өз бетінше жұмыс істеуге үйрету, шығармашылық қабілеттерін, логикалық ойлауын дамыту, қорытынды жасау арқылы ойын жаттықтыру;

Киімнің жекелеген түрлерін сызып көрсету арқылы эстетикалық тәрбие беру, ұжымдылыққа, ұқыптылыққа баулу, білімін, ой-өрісін, пікірін сабақ барысында жан-жақты қалыптастыру.

2.1. Сабақтың түрі: тәжірибелік

2.2. Сабақтың типі: аралас

2.3. Сабақтың өткізілу әдістері: түсіндірмелі-иллюстративті, «Пазл» әдісі, «Таза тақта» әдісі, «Дөңгелек стол» әдісі, «Сөзді тап» әдісі, сұрақ-жауап, баяндау.

3.Күтілетін нәтижелер

Киімнің жекелеген түрлерін біледі, оны бейнелеуді меңгереді, техникалық суретті салуды үйренеді.

4.Қажетті ресурстар: оқулық, презентация, интерактивті тақта, А4 формат, қарындаш, сызғыш, өшіргіш, гуашь, акварель.

5.Сабақтың барысы

5.1.Ұйымдастырушылық кезең: 5 мин

5.2 Білім алушылармен сәлемдесу, танысу, сабаққа дайындығын тексеру.

5.3 Журналға белгі соғу.

5.4 Назарларын сабаққа аудару.

«Пазл» әдісі. Оқушылар жеке-жеке оқытушыдан қағаз қиындыларын алады. Қағаз қиындыларын біріктіре отырып, бір киім түрінің суретін толығымен құрастырады. Нәтижесінде 2 топқа бөлініп отырады.

6. Үй тапсырмасын тексеру: 15 мин

«Таза тақта» әдісі. Оқушылар өткен тақырыпқа байланысты сұрақтарға жауап беруі қажет. Ол үшін тақтаға жаңа тақырып жазылады. Жаңа тақырып үстіне сұрақтар жазылған стикерлер жапсырылады. Оқушылар сұрақтарға біртіндеп жауап беру арқылы тақта стикерлерден тазарады.

Адамның денесін салу үшін қанша бөлікке бөлу қажет және оларды атаңыз?

Адамның денесін бейнелеу қандай сызықтар арқылы жүргізіледі?

Киімге берілетін техникалық сипаттама дегеніміз не?

Техникалық сипаттама қандай бөлімдерді қамтиды?

Киім элементтерінің түрлерін атаңыз?

Киімдердің элементтерін салу неден басталады?

Киім элементтерінің суретін салғанда қандай принципті ескеру қажет?

Түймелердің орналасауы қандай белгімен бейнеленеді?

Пиджак түріндегі жағаны салудың бірізділігін айтып беріңіз.

Ерлер және әйелдер киімі үлгісінде ілгек қалай орналасуы қажет?

7. Жаңа сабақты түсіндіру: 20 мин

Киім – бұл адамның денесіне киюге арналған жасанды жамылғы түрі. Киім адамды қоршаған ортаның, табиғаттың түрлі әсерлерінен қорғайды. Оның тұтыну мәнімен бірге ғұрыптық және белгілі бір мақсатқа қызмет ететін маңызы бар. Киім тігуге мал, аң терілері, өсімдік, ағаш, балық, құс өнімдері, жасанды материалдар пайдаланған. Қазіргі кезде әлемнің көптеген елдерінде жалпы еуропалық киім үлгілері (пиджак, шал-бар – ерлер үшін; көйлек, белдемше, жекет және басқалары – әйелдер үшін) қабылданған. Осылардың негізінде әр түрлі әлеуметтік, географиялық және экономикалық ерекшелік-терге лайықты әрқилы киім түрлері қалыптасты.Қазір жалпы еуропалық киімдермен қатар ұлттық киім түрлері де үлкен сұранысқа ие.

Костюм – бұл орталығы адам болған утилитарлық-эстетикалық функцияға тəнқалыпты шешілген ансамбль. Қазіргі уақытта киімге жоғары талаптар қойылады. Тігін өнеркəсібінің өнімдері сұлулықпен де, ыңғайлылықтың жоғары дəрежесімен де ерекшеленуі тиіс, сондықтанда тігінші-мамандардан жоғары кəсібилік қажет, олар эстетикалық білімді болуы керек.