Портрет адамды бейнелеу ашық сабақ 6 сынып

Ж. Жүсібалиев атындағы Ойыл қазақ орта мектебі

Ашық сабақтың тақырыбы:

Портрет

( адамды бейнелеу)

Пәні: Бейнелеу өнері

Сынып: 6 «а»

Мұғалімі: Иманова Ж.Н.

2018- 2019 оқу жылы

Сабақтың тақырыбы: Портрет (адамды бейнелеу)

Сабақтың мақсаты: Адам басы мен тұлғасын бейнелеу жолдарын үйрете отырып, адам тұлғасының моделін бейнелеу.

а)білімділік: оқушылар адам басы мен тұлғасын бейнелеу жолдарын салуды зерттей отырып, қағаз бетіне салады.

ә)дамытушылық: оқушылар адам тұлғасының күрделілігін сақтай отырып,икемділіктерін, елестету, есте сақтау қабілеттерін дамытады;

б)тәрбиелік: оқушылар ептілікке, қырағылыққа , әдептілікке және шығармашылыққа тәрбиеленеді;

Күтілетін нәтиже:

1.Оқушылар адамды бейнелеу жолдары ерекшеліктері туралы мәліметтер алады.

2.Адам тұлғасын салуды үйренеді.

3.Шығармашылықпен жұмыс істеу қабілеттері дамиды.

Оқыту әдістері:

Сыни тұрғыдан ойлауға үйрету,

Білім беру үшін бағалау және оқуды бағалау

АКТ қолдану,

Білім беру және білім алудағы жаңа тәсілдер.

Дереккөздер:

Ғаламтор, «Бейнелеу өнері және сызу» журналы, суреттер, оқулық «Бейнелеу өнері» сыныптар оқулығы.

Керекті жабдықтар:

Сурет альбомы, түрлі-түсті қарындаштар, бояулар, маркерлер, т.т. қағаздар, желім, қайшы т.б.

Сабақ кезеңдері:

Ұйымдастыру кезеңі:

1.Оқушылармен сәлемдесу

2.Оқушыларды түгендеу

Үй тапсырмасын тексеру:

1.Өткен сабақты «Мен саған-сен маған» мұғалім оқушыларға өткен тапсырма бойынша сұрақ-жауап қою арқылы еске түсіру және суреттерін талдау.

1) Иллюстрация дегеніміз не?

( кітап безендіруде қолданылатын көркемсурет.)

2)Графиканың бейнелі құралдарын ата?

(түрлі түсті қарындаштар, пастель, көмір, соус және сангина т.б.)

3)Мына суретте қай жырдан алынған иллюстрация?

4) Абайдың «Желсіз түнде жарық ай» өлеңіне иллюстрация салған орыс суретшісі?

(М. Палаткин)

5) Берілген сурет қай мезгілге салынған иллюстрация?

6) Абайдың шығармаларына иллюстрация жасаған шебер суретшілерді ата?

(Ә. Қастеев, Н.Крутильников,Е.Сидоркин, И.Исабаев, М.Қисамединов және т.б.)

Топқа бөлу:

Оқушыларға адам мүшелері берілген суреттер таратылады.Берілген суретті тауып, сол топқа отырады.

1-топ «Бас бөлігі»

2-топ «Дене бөлігі»

3-топ «Аяқ бөлігі»

Сынып оқушылары өздері таңдаған суреттер арқылы үш топқа бөлінеді.

ІІІ. Жаңа сабақ:

1. «Ой қозғау» әдісі арқылы жаңа сабақтың тақырыбын ашу.

2.Видеороликтен акварель бояуымен салынған портретті көрсете отырып, бүгінгі сабақтың тақырыбымен таныстыру.

Оқушылар сұрақтарға жауап береді.

Сол арқылы бүгінгі сабақтың тақырыбын айтады.

1.Адамды бейнелеуге байланысты түсініктер беру.

Портрет – бұл адамды бейнелеу. Портрет дегеніміз – адамның бет пішіні бейнеленген көркем шығарма.

Адамдардың алғашқы кескіндемелері бояумен салынды.

Мысыр перғауындарының алып тас мүсіндері пайда болды. Алайда, портрет жанрының ерекше дамыған тұстары Римдегі қайта өрлеу дәуірі болды.

Портретте адамның ұзына бойы, отырған қалпы немесе бет пішіні ғана бейнеленуі мүмкін.Осы көріністің бәрі портрет деп аталады.Орындалу тәсіліне қарай 2 түрге бөлінеді.

1. Бір тұлғалы портрет

2. Көп тұлғалы портрет

Портрет кескін көлеміне қарай бас(иықтан жоғары), кеуде, белге дейін, тізеге дейін, бойды тұтас қамтитын портрет деген түрлерге бөлінеді. Портрет түрлері: салтанатты портрет, камералық портрет, топтық портрет, жұптық портрет, автопортрет.

Суретте сәнді киінген адам бейнесі, тек киімі ғана емес, дене қимылдары да тәкаппар, ұстамды қалыпта салынған портрет салтанатты портрет деп аталады.

Көбінесе портреттерде бір ғана емес, екі немесе бірнеше адамдар бейнеленсе, ол топтық портрет деп аталады. Топтық портреттерде суретшілер бір мамандық иелерін жиі салған. Бұл дәстүр Голландияда өріс алған.

Француз суретшісі О. Ренуар XIX ғасырдағы топтық және камералық портреттің хас шебері болды.

Портреттің тағы бір түрі жұптық портрет. Ол портреттерде бір немесе бірнеше адамдардан салынған шығарма.

Суретші өз шыға.рмасында өз бейнесін бейнеленген суретін автопортрет деп атайды. Автопортрет өнері арқылы ұлы қылқалам шеберлері Рафаэль, Рембрандт, Ван Гог, Суриков, т. б.

Топпен жұмыс.Сарамандық жұмыс

Оқушыларға өздері таңдаған топқа мәтін беру.

І топ.

ІІ топ.

ІІІ топ.

Оны тез арада оқи отырып, плэнерлік жұмыс барысында адам бейнесін салу.(оқушы натурасы)

Топтар өздеріне берілген тапсырмаларды орындайды, постер қорғау.

Әр топ келесі топтың жұмысын толықтырып отырады.

Сабақты бекіту. «Әуе шары» әдісі

1. Әуе шарында бүгінгі тақырыпқа байланысты кім болуы керек.?

2.Портрет табысты болып шығу үшін қандай кезеңдерден өтеміз?

3.Портрет сәтті шығу үшін қандай кедергілер болады?

4.Портретті салу үшін әлі де қандай икемділіктер қажет?

Рефлексия. Кері байланыс «Бесбармақ»

Оқушылардың басбармақтарын көрсету арқылы түсіндіргендерін олардың ұғу деңгейін тексеру.

Басбармақ жоғарыға қарай = Мен түсінемін.