Километр және миллиметр сабақ жоспары 3 сынып

61-сабақ. Километр. Миллиметр

Тақырып: Астана ғимараттары

Мектеп: «Қараөзек орта мектебі» КММ

Күні:

Мұғалімнің аты-жөні:

Сынып:

Қатысқандар саны:

Қатыспағандар саны:

Оқу мақсаттары

3.1.3.2 мм, км/ г, т/см2, дм2, м2 /сек өлшем бірліктерін қолданып өлшеу

3.1.3.3 шамалар мәндерін (мм,см, дм, м/ г, кг, ц, т / л/ см2, дм2, м2, га/ сек, мин, сағ, тәул, жыл, ғасыр) салыстыру және амалдар орындау

3.1.3.4 4 ұзындық (мм, см, дм, м, км)/масса (г, кг, ц, т)/ аудан (см2, дм2, м2/ уақыт (сек,мин, сағ, тәул. ғасыр) бірліктерін олардың арақатынасына сүйеніп түрлендіру

Сабақ мақсаты:

Барлық оқушылар үшін:

Ұзындықтың өлшем бірліктерін: мм, км-ді білу.

Бірқатар оқушылар үшін:

Шамалардың мәнін салыстыру және оларға амалдар орындау.

Кейбір оқушылар үшін:

Шамаларды түрлендіру.

Күтілетін нәтиже:

Ұзындықтың жаңа өлшем бірлігі километрді біледі

Миллиметрді біледі

Ұзындық өлшем бірліктерінің арасындағы арақатынасты ажырата алады

Тілдік мақсаттар

Оқушылар:

Ұзындық өлшем бірліктерін салыстыру.

Пәндік лексика және терминология:

Ұзындық, км, мм.

Сабақта диалог/жазу үшін пайдаланылатын тіл.

Талқылау:

Ұзындықты немен өлшейді?

Ұзындықтың қандай өлшем бірліктерін қолданады?

Жазу:

Өрнектер, дм, мм, шамалардың атауы.

Тірек білім, білік, дағдылар

Ұзындық, см, дм, м.

Жоспар

Жоспарланған уақыт

Жоспарланған іс-әрекет

Ресурстар

Ынталандыру.

Ұ.Ж. Шапшаңдығыңды тексер.Жауабын ғана айт.

1.Шөл далада ұзақ уақыт сусыз өсетін кактус өсімдігін кездестіруге болады.Оның бір жапырағының салмағы 5 кг.Осындай 20 жапырақтың салмағы қанша болады? (100 кг)

2.Қайыңның биіктігі 40 метр,ал үйеңкінің биіктігі одан 12 м аласа.Үйеңкінің биіктігі неше метр? (28 м)

3.Екі бала 2 сағат дойбы ойнаса, әр бала қанша сағат дойбы ойнады? (2 сағат)

4.Пілдің баласы 100 см болып туылады.Ал 5 жасқа келгенде оның бойы 2 есеге өседі. 5 жасар пілдің бойын септеп шығар. (200 см)

-Бұл тапсырмаларда түрлі өлшем бірліктері кездесті. Атап шығуын сұраңыз.

-см, кг, м, сағат

-Ал енді сіздер берілген заттардың ұзындығын өлшем бірліктермен сәйкестендірулеріңіз керек.

-Қаламның ұзындығы 14 ...

Үйдің биіктігі 10 ...

Партаның ені 1 …

Тақтаның ұзындығы 2 …

Оқушының бойы 130 …

-Оқушының бойын басқа өлшем бірлікпен алмастыруға бола ма?

-Қалалардың ара қашықтығы 120 …(см, дм, м)

-Бұл өлшем бірліктер сәйкес келе ме? (Жоқ) -Неліктен? (Олар кішкентай)

-Бұл жағдайды қалай шешуге болады? (Бізге жаңа ұзындықтың өлшем бірлігі керек).

-Жаңа ұзындықтың өлшем бірлігі метрден үлкен бола ма, кіші бола ма? (Үлкен болады).

-Метрден үлкен ұзындықтың өлшем бірлігін білетіндеріңіз бар ма? (Километр)

-Сонымен сөйлемді қалай аяқтаймыз?

(-Қалалардың ара қашықтығы 120 км).

-Олай болса,үлкен қашықтықтарды ұзындықтардың бірліктері-метрмен және километрмен өлшену керек. Қорытынды:

Жаттап ал!

1 см = 10 мм

1 дм= 10 см

1 м = 10 дм

1 м = 100 см

1 км =1000 м

«Метр» - деген сөз француз тілінен аударғанда «өлшем» - деген ұғымды білдіреді. «Кило» - сөзі «мың» - деген мағынаны білдіреді. 1 км = 1000 метр.

Ж.Ж.«Сәйкестендір» 21 см, 769 м, 5 мм, 1000 км, 3м

Жиектің ұзындығы –

Тақтаның ұзындығы –

Дәптердің ұзындығы –

Мектептен үйге дейінгі жолдың ұзындығы –

Екі қаланың арасы –

Ұ.Ж. 1см және 1дм кесінділер сызғызу

-сендер осы тапсырманы қандай құралдың көмегімен орындадыңдар? (сызғыш). Қолдарындағы сызғыш көмегімен сұрақтарға жауап алу.

-0-ден –ге дейін неше бөлік? (10бөлік)

-1-ден 2-ге дейін ше? (10бөлік)

-2-ден 3-ке дейін ше? (10бөлік)

Бір кіші бөліктен екіншісіне дейінгі арақашықтықты миллиметр деп атайды.

Миллиметр (мм) – ұзындықтың сантиметрден кіші өлшем бірлігі. Немесе метрдің мыңнан бір бөлігі.