Кім тапқыр? тақырыбындағы ашық сабақ, балабақша

“Кім тапқыр?”

Жүргізуші: - Балалар берекелі күзіміз өтіп, қылышын сүйретіп қыс мезгілі де келіп жетті. Осы қыстың алғашқы айы, желтоқсан айында біз сендермен бірге «Дамытып оқыту-ойнатып оқыту» тақырыбында он күндік апталығымызды өткізіп, міне бүгін апталығымыз да өз мәресіне жетті.Осы он күн ішінде сендермен әр түрлі ашық оқу қызметтері мен сайыстар өткіздік. Өздеріңді өте жақсы жақтардан көрсете білдіңдер. Біз сендерге ризамыз. Алдағы уақытта түрлі ойындар ойнатылады. Сол ойындарға белсене қатысады деген үміттеміз.

Ойын ойнап, ән салмай өсер бала болар ма? деп ұлы ақын Абай атамыз жырлағандай, биыл Абай атамыздың туғанына 175 жыл толуына орай үлкен дүбірлі той. Абай атамыз балаларға арнап түрлі өлеңдер жазған. Кішкентай кезінен өте зерек , сабағын жақсы оқыған екен. Сендер де сабақтарыңды жақсы оқысаңдар, ұлы Абай аталарыңдай боласыңдар деген үміттеміз.

Олай болса, Абай атамыздың керемет бір өлеңнінің бейне баянын бірге тамашалайық.

“Қыс” өлеңін АКт тыңдату.

Біз не білеміз?

Балалар жаңа тыңдаған өлеңдерің қай жыл мезгіліне арналған?

Қыс мезгілі несімен ерекшеленеді?

Қандай ойындар ойналады?

Ойын: “Қар жинау” (балалар екі топқа бөлініп,қарларды шелекке, қалақпен салады)

Тосын сәт:Музыка ойнап, топқа дымбілмес келеді.

Дымбылмес: Сәлеметсіңдер ме балалар, апайлар! (санайды, жаттығу жасайды)

Жүргізуші: Дымбілмес сені түсінбедік. Не істеп жүрсің?

Дымбілмес: Мен бәрін балалармен жүріп үйрендім, санауды да білемін, жаттығуда жасай аламын.(мақтанады), заттарды да ажырата аламын.

Жүргізуші: Бәрін білемін деп мақтануға болмайды. Сөзбен емес іспен көрсету керек.

Дымбілмес:апай қандай тапсырма берсеңізде дайынмын.

Жүргізуші: Жарайды, жарайды Дымбілмес , мынау не білесің бе?

Дымбілмес:білемін, ммммм бұл ма, бұл ма, пирамида?

Жүргізуші: Дұрыс таптың, қазір осы пирамиданы ретімен орналастырасың, дайынсың ба? 1,2,3 кеттік.

Дымбілмес пирамиданы ретімен орналасырады.

Жүргізуші: Жарайсың, өте дұрыс.Ал айта қойшы, кімнің бойы ұзын, менің бе , әлде сенің бе?

Дымбілмес: Ары бері жүріп, ойланып қалады. Мен бе апай ма?Ұмыттым, ұмыттым.

Жүргізуші: Балалар білетін шығар, балалардан сұрап көрейікші.

Балалардың жауабы.

Жүргізуші: қазір Дымбілмеспен бірге ұзын- қысқа ұғымы туралы, видео роликке кезек берейік.