Кітап Мұқан Иманжанов 2 сынып ашық сабағы

Пән:

Әдебиеттік оқу

Мектеп: ЖОББ Қ.Сәтбаев атындағы мектебі, Тасқала ауданы

Күні:

Мұғалімнің аты-жөні: Кожагалиева Айнур Набигалиевна

Сынып: 2

Қатысқандар саны: 18

Қатыспағандар саны: 0

Бөлім

Менің мектебім

Сабақтың тақырыбы

Аламын білім кітаптан

Осы сабақта

қол жеткізілетін

оқу мақсаттары

2.2.3.1 мұғалімнің көмегімен шығарманың тақырыбы және негізгі ойды анықтау

2.2.2.1 мұғалім көмегімен қарапайым және нақтылау сұрақтарын қою және оның жауабын шығармадан таба білу

2.1.5.1 өз ойы мен сезімін тірек сөздерді пайдалана отырып жеткізу

Сабақ мақсаттары

Барлық оқушылар: мәтінді оқиды, мұғалімнің жетекші сұрақтары арқылы шығарманың тақырыбы мен негізгі ойын анықтайды.

Көптеген оқушылар: мұғалім көмегімен тақырыпты болжайды, мәтін мазмұны бойынша нақты және қарапайым сұрақ қояды, жауабын шығармадан табады.

Кейбір оқушылар: тірек сөздер арқылы берілген ойды жалғастырады, қосымша мәліметтегі деректерді салыстырып, ажырата алады.

Бағалау критерийлері

Жеке, жұптық тапсырмаларды орындай алады. Мәтіннің мазмұны бойынша сұрақ құрастырады. Сұрақтың жауабын мәтіннен табады.

Тілдік мақсат

Оқушылардың сөздік қорларын тақырып желісі бойынша өз пікірін білдіру, бір-бірін бағалау, топтық жұмыс кезіндегі тапсырмаларды орындау барысында молайту.

Пәнге тән лексика мен терминология: кітап-книга-book, тағылым,әлем картасы.

Диалог пен жазу үшін пайдалы сөздер мен тіркестер: кітапхана, ілім-білім, қазына, рухани орда, білім бұлағы, өмір шырағы, кітап күні.

Құндылықтарды дарыту

Топтық жұмысты орындау арқылы ұжымшылдыққа, жауапкершілікке тәрбиелеу. Шығарманы оқыту негізінде қазақтың рухани қазынасын дәріптеу. Білімнің қайнар көзі болып табылатын кітапты ұқыпты ұстап, түсініп оқуға баулу. Әр оқушының кітапқа деген құрмет сезімдерін арттыру.

Пәнаралық байланыс

Өзін өзі тану-шаттық шеңбері арқылы жылылықты, мейірімділікті сезінеді.

Ағылшын, орыс тілі – кітап сөзін үш тілге аударады.

Музыка – сергіту сәтін жасау барысында әуенді тыңдап, бірге қимыл жасайды.

Дүниетану – сандықшадан шыққан «Жыл он екі ай» кітабынан «Ең,ең...» деректерін оқу. Кітап туралы қызықты мәліметтен өсімдіктер мен жануарлар туралы қосымша білім алады.

Көркем еңбек – Күн шуағын сөздер ойлап табу арқылы құрастыру.

АКТ қолдану дағдысы

Аудиожазба- «Кітап» мәтінін тыңдату.

Элекрондық оқулық- суретпен жұмыс арқылы сұрақтарға толық жауап беру.

Бейнебаян - сергіту сәтінде Али мен Айяның қимылын қайталау.

Бастапқы білім

Менің оқулықтарым, оқулықтарды таза ұстау.

Сабақ барысы

Сабақтың жоспарланғанкезеңдері

Сабақта жоспарланған іс -әрекет

Ресурстар

Сабақтың басы

5 минут

1.Шаттық шеңбері: қимылмен көрсету

Күн жарығын алақанға саламын,

Жүрегіме басып ұстай аламын.

Ізгі әрі нәзік, жарық, мейірімді

Болып кетер сонда дереу жан-жағым

2.Суреттер арқылы топқа бөлінеді:

1.кітап 2.білім 3.бұлақ

(МК) Осы суреттер арқылы қандай нақыл сөз оқуға болады?

Кітап-білім бұлағы. /хормен айту

Суреттер:

Сабақтың ортасы

30 минут

(Ж) Үй тапсырмасы бойынша жұмыстану.

-Үйге қандай тапсырма берілді? (Н.Айтов. «Оқулық» өлеңін жатқа айту)

- Н.Айтов. «Оқулық» өлеңін оқушылар бір-біріне жұпта жатқа айтады.

(ҚБ) Жұптар бір-бірін «Бағдаршам» арқылы бағалайды.

Орташа–көп кідіріс жасау, толық жаттамаған.

Жақсы – жаттаған, бірақ мәнері жоқ.

Өте жақсы–өлеңді толық, мәнерлеп, кідіріссіз айтты.

2.(Ұ,МК) Болжау әдісі: Сиқырлы сәт.

(Мұғалім сандықша көрсетеді)

-Бұл не,балалар? /Сандықша/

-Сандықша қандай?/Әдемі,әшекейленген..../

-Сандықшаның ішінде не болады? /Қазына/

-Ал сендер сандықшада қандай қазына бар екенін білгілерің келе ме? /ия/

-Ендеше тыңдайық: Арабтың «жазу» деген сөзінен шыққан. Оның түрлері өте көп. Білімнің қайнар көзі. Оны ашқан сайын жақсылыққа үйренесің. Ол болмаса өмірің қызықсыз, қараңғы болады. Ол не екен? -Дұрыс айтасыздар, кітап.

(Мұғалім сандықшадан кітаптар шығарып, ішінен 1-2 сөйлеммен қызықты мәліметтер оқиды)

-Балалар, сендер мұны бұрын білдіңдер ме?

–Жоқ.

-Мен де білмедім.

-Бұл керемет мәліметтерді біз қайдан білдік?

-Кітаптан.

-Сонда,кітапты не деп санауға болады?

Кітап-білім бұлағы, өмір шырағы, байлық, қазына, ақылшы, мұғалім, дос, білім аламын.

(ҚБ) «От шашу» әдісі арқылы бағалау.

3.Жаңа тақырып.