Кітапхана – рухани байлық ордасы туралы мақала

Павлодар облысы Баянауыл ауданы

Аудандық педагогикалық тамыз конференциясы

№1 Майқайың жалпы орта білім беру мектебі

Тақырып:

Жаңа әдіс –тәсіл бойынша өтетін

көпшілік іс-шара

«Кітап-рухани байлық ордасы»

Кітапханашы: Касимова Г.М

2020 – 2021 оқу жылы

Тақырып: «Кітапхана-рухани байлық ордасы»

«Кітап оқымаған адам-тамырсыз қаңбақ»

Фариза Оңғарсынова

Бүгінгі күнгі жас оқырманның жүрегіне тікелей саралы жол табу мақсатында жас оқырманның талабына қанағаттандыру мақсатын ескере отырып, елімізде төтенше жағдайға байланысты бүгінгі қашықтан оқытуға байланысты осы мәселені шешу жолында өзімнің кітапхана жұмысындағы әдістемені ұсынамын.

Әрине, қазіргі заманда жастардың ой санасын кітап және кітапхана түсінігіне бұру бұл өте қиын және өзекті мәселе. Кітаптың технологиялар жүйесімен бәсекелесе алу үшін ең алдымен біздің алдымызда тұрған мақсат кітап және оны оқырмандарға насихаттау болып табылады.

Құрметті әріптестер, баршаңызды мазалайтын көкейдегі сауал жастар тарапынан «Неліктен кітап оқу қажет?» деген жиі қойылатын сұрақпен кездескен боларсыздар. Бұл сұраққа мен ағартуш- педагог Сухомлинскийдің айтқан сөзімен жауап беруді жөн көрдім: «Кітап құдіретті қару, ақылды және шабытты кітап, көп жерде адамның тағдырын шешеді» бұл ретте біз кітапқа жастардың назарын тарту, бос уақытын интернет желісінде емес, дәл кітап оқу процесіне арнауға баулу үшін үлесімді қосу мақсатында назарларыңызға өз әдіс-тәсілдерімді ұсынамын. Елімізде төтенше жағдайға байланысты төртінші тоқсанның оқу процессі онлайн және қашықтан оқыту форматына көшкелі мектеп кітапханасы өз жұмысын қарқынды жалғастыруда.

Қашықтықтан оқыту кезінде сәуір-мамыр айларындағы мерекелерге байланысты әртүрлі тақырыпта бейнежазбалар жасап, насихаттап отырдық. Әр бейнежазбаның соңында оқушыларға арналған «Сұрақ-жауап» және «Ребус құрау », «Мақал- мәтелдің жалғасын тап», «Ертегі кейіпкерлерін ата » атты жұмыс түрлері ұйымдастырылды.

Кітапты оқуды насихаттаудағы қолданылатын ойын түрлері мыналар: рольдік ойындар, әдеби ойындар, үйрететін ойындар, ақпараттық ойындар. Қазіргі қашықтан оқыту жағдайында кітапхана жұмысын тиімді ұйымдастырудың қолайлы формасы телефон болғандықтан, whatssapp, inshot белсенді түрде қолданылды. Қашықтан оқыту жағдайында ойын түрлерін ескере отырып, ойын әдістемелерінің мына түрлерін қолдануға болады.

Бірінші ойын әдістемесі: «Көлеңкеленген мәтін» - бұл әдіс берілген арнайы

мәтінді телефонға түсіру арқылы «whatssapp» желісі бойынша жіберіледі. Берілген әдістің басты мақсаты жаңа сөйлемдер құрастыру. Нтижесінде оқушылардың жылдамдығын және ой өрісін арттыруға болады.

Екінші ойын әдістемесі: Әлемдік деңгейде қолданып жүрген «Гексагон» әдістемесі деп аталады, оқушыларға қолдану үшін А3 форматтағы қағаз және гексагон алтыбұрышы қажет болады. Берілген тапсырма бойынша «wordbuilding» әдісін орындайды. Нәтижесінде оқушы сөздік қорын кеңейтеді, жылдамдыққа жұмыс жасайды. Үшінші ойын әдістемесі: «Кітапты тап» әдісі. Бұл әдіс оқушылар арасында бәсекелестік қабілеттерін арттыру мақсатында қолданылады. Аталған әдіс бойынша оқушыларға «whatssapp» желісі арқылы бейнежазба жіберіледі, сол бейнежазбадағы суреттерге қарап, кітаптың авторын және мазмұнын жазып жіберуі тиіс. «Time management» ұсталады. (уақыт)

Төртінші ойын әдістемесін бастауыш сынып оқушыларымен жұмыс барысында кеңінен қолдануға болады. Яғни, ертегі желісі бойынша суреттер байқауы. Оқушылардың оқыған ертегілерін еске сақтап, мазмұндау мақсатында «Іnshot» программасы арқылы бейнежазба жіберіледі. Бейнежазбадан соң оқушылар осы ертегідегі сүйікті кейіпкерлерін салады.