Көбейту мен бөлуді қайталау ашық сабағы, 3 сынып

Дәрис мавзуси: Көпәйтиш вә бөлүшни тәкрарлаш.

Дәрис мәхсити: а). Оқуғучиларниң көпәйтиш вә бөлүш бойичә алған

билимини тәкрарлаш;

ә). Топ билән ишләш арқилиқ оқуғучиларниң чапсан

вә дурус һесаплаш, диққәтчанлиқ, өз алдиға ишләш ,әстә

сақлаш қабилийитини ашуруш;

б). Оқуғучини издинишкә, селиштурушқа, жавапкәрчиликкә

вә адиллиққа тәрбийиләш.

Дәрис түри: топ билән ишләш.

Қоллинидиған усул: чүшәндүрүш, соал-жавап, көрситиш, өз алдиға иш.

Қоллинидиған көрнәклик: слайдлар, схемилар.

Дәрисниң қурулмиси.

І. Ующтуруш қисми.

ІІ. Өй ишини тәкшүрүш.

ІІІ. Билимини тәкшүрүш.

ІV.Дәрисниң мәхситини ейтиш.

V.Өткән мавзу бойичә билимини мустәһкәмләш.

VІ.Дәрисни пишшиқдаш.

VІІ.Дәрисни йәкүнләш.

VІІІ.өйгә тапшурма бериш.

Дәрисниң бериши:

І. Уюштуруш қисми:

1-слайд. Оқуғучиларниң зеһинини жәлип қилиш. Психологиялиқ тәйярлиқ.

-Балилар, мән силәргә бүгүнки дәрисимиз қизиқ тәсирлик өтүп, силәргә яқсун дәп, өз қәлбимдики иссиқлиқни тәғдим қилимән! Силәргә амәт тиләймән!

Оқуғучилар хор билән: Тәбиәттин жанланғандур женимиз,

Усунайлуқ жүрәк сирин һәммимиз.

Муәллим: -Рәхмәт, балилар! Мәнму силәрниң меһриңларни сезиватимән.

-Қени ундақ болса һазир қайси дәрис?

-Балилар, бүгүнки дәрисимизни башлаштин бурун икки топқа бөлүнимиз.

1-топқа- Тапқурлар. 2-топ-Зерәкләр топи. Икки топ өзәңларниң тапқурлиғиңлар вә зерәклигиңлар билән билимиңларни синайсиләр. Униң үчүн дәрискә актив қатнишишиңлар керәк. Һәммимиз дәрискә тәйярму? Ундақ болса, һәр икки топқа утуқ тиләймән!

ІІ. Өй тапшурмисини тәкшүрүш:

2-3-слайд.- Балилар, өйгә қандақ тапшурма берилгән?

-№14 мисални ишләп келишкә берилгән. Жаваплирини оқуймиз.

-Өйгә берилгән мисални тоғра орунлап кәпсиләр.

ІІІ. Билимини тәкшүрүш:

-Биз силәр билән көпәйтиш вә бөлүш жәдвилини өттуқ. 2дин 9ғичә жәдвални қанчилик билидиғиниңларни һазир «Намәлум санни тап» оюни арқилиқ тәкшүрәймән.

4-15-слайд.

ІV. Дәрисниң мәхситини ейтиш: Бүгүнки дәрисимиздә биз силәр билән «Көпәйтиш вә бөлүш жәдвили» бойичә өткәнләрни тәкрарлап, мисал, һесапларни орунлаймиз.

-Балилар, силәр чөчәкләрни яхши көрәмсиләр? Қандақ чөчәкләрни яхши билисиләр?

-Һәр милләтниң өз чөчиги бар. Қазақ хәлқиниң чөчәклири, рус хәлқиниң вә башқа милләтләрниң чөчәклири бар.Мана бүгүн бизниң дәрисимизгә рус хәлқиниң чөчиги меһманға кәпту. У қайси чөчәк екәнлигини билиш үчүн, моу мисалларни трғра орунлишимиз керәк. Шу чағда чөчәкниң мавзуси келип чиқиду. 16-слайд. 9*6 7*8

-Демәк, рус хәлқиниң «Золушка чөчиги» меһманға кәпту.

17-слайд. Балилар чөчәкни қисқичә сөзләп бериду.

V. Өткән мавзу бойчә билимини мустәһкәмләш:

18-19-слайд. Ай, күнни йезип, һөсни хәт минуткисини жүргүзүш.

Дәптиримни ачимән, (хор билән ейтиду)

Уни қийпаш қойимән. .......