Көкөністерден көже жасау дидактикалық ойыны

Ұйымдастырылған оқу іс-әрекетінің технологиялық картасы.

Технологическая карта организованной учебной деятельности.

Кіші тобы/Младшая группа

Білім беру саласы/Образовательная область: «Қатынас»

Бөлімі/Подобласть: «Тіл дамыту»

Тақырыбы/Тема: «Көкөністерден көже жасау» (дидактикалық ойын)

Мақсаты/Цель: Балаларды ыдыс-аяқ атаулары бойынша сөздік қорларын молайтып, байланыстыра сөйлеуге дағдыландыру, «ш» дыбысын дұрыс айтуға жаттықтыру. Демонстрациялық әрекеттер бойынша әңгіме құрастыруды жалғастыру (сөздерді қолдану: тазалау, жуу, турау, қайнату) жеке сөздерді айтуға ынталандыру. Ыдыс-аяқты ұқыпты ұстауға, аспазшылардың еңбегін бағалауға тәрбиелеу.

Көрнекілік құралдар/ наглядный материал: көкөністердің суреттері

Қостілділік компонент/Словарная работа: көкөністер-овощи, аспазшы-повар, көже-суп

Мерзімі/Дата:

Тәрбиеші/Воспитатель:

Іс-әрекет кезеңдері/ Этапы деятельности

Тәрбиешінің іс- әрекеті

Действия воспитателя

Балалардың әрекеті Действия детей

Мотивациалық ойды ояту

Мотивационно -побудительный

-Бүгінгі күнімізді бір-бірімізге жақсы тілек айтудан бастайық.

-Армысыз, қайырымды Аспан-ата!

Армысыз, мейірімді Жер-ана!

Армысыз, шұғылалы алтын Күн!

Қуан, шаттан, алақай,

Қайырлы таң, қайырлы күн!

Бәріміз күндей жарқырайық!

Тәрбиешімен бірге қайталайды.

Ұйымдастыру, іздестіру кезеңі

Организационно - поисковый

-Балалар, көкөністер туралы мына өлеңді тыңдайықшы:

Шолып едім бақшаны,

Көкөніс біткен көңілді.

Жасыл, сары, қызыл, көк,

Сан алуан көкөніс.

-Өлеңде не туралы айтылған?

Тәрбиеші балалардан көрнекілікті пайдаланып, сұрақ-жауап әдісі арқылы көкөністердің пішінін, түсін сұрайды. Тәрбиеші көкөністерге не жататынын, олардың жылдың қай мезгілінде жинайтынына тоқталады.

-Үйде аналарың, әжелерің көкөністерді қосып, тамақ әзірлейді. Қазір мен сендерге көкөністерден қалай көже жасалатынын көрсетемін. Дидактикалық ойын: «Тамақ әзірлеу» (ойыншық ыдыстармен көрсетіп әңгімелеу).

-Плитаға ішінде суы бар кастрөлді қоямыз, суымыз қайнағанша картопты тазлаймыз, суға жуып, пышақпен бөліп тураймыз, қайнап жатқан суға саламыз. Керекті көкөністерімізді: орамжапырақ, сәбіз, т.б. жуып, турап, кастрөлге саламыз. табаға пиязды қуырып аламыз.

-Қуырған кезде қандай дыбыс шығады? (ш-ш-ш). Тәрбиеші пиязды кастрөлге салып, сорпаны араластырады.

-Өкінішке орай біздің плитамыз жанбайды, сондықтан қазір аспаз апайымызды шақырамыз, көжемізді әрі қарай нағыз плитаға апарып, түскі асқа пісіріп берсін. Аспаз келіп: «Түскі асқа осы көкөністерден көже пісіріп беремін»,-деп уәдесін беріп, шығып кетеді. Сергіту сәті.

Өн бойымды тік ұстап,

Таянамын бүйірді.

Бастап кетем дұрыстап.

Сәйгүлікше жүруді.

Бір! Екі! Бір! Екі!