Ойыншықтар туралы ашық оқу қызметі мектепке дейінгі балаларға

Білім беру саласы: Қатынас

Білім көзі: Көркем әдебиет

Тақырыбы: Ойыншықтар

Мақсаты: Балалардың ойыншық туралы түсініктерін кеңейту, ұқыптылыққа,

тазалыққа тәрбиелеу. Ойыншықтарды күтіп, ұқыпты, таза ойнауға

үйрету.

Сөздік жұмысы: арғымақ, қарғып.

Әдіс-тәсілдер: Сұрақ-жауап, түсіндіру, өлеңді сызба арқылы жаттау.

Оқу іс-әрекетінің көрнекіліктері: Ойыншық суреттері.

Іс-әрекеті

Тәрбиешінің іс-әрекеті

Балалардың іс-әрекеті

Мотивациялық қозғаушы

Шаттық шеңбері:

Біз ұқыпты баламыз,

Айтқан тілді аламыз.

Ойыншықты жинаймыз,

Үлкендерді сыйлаймыз.

Балалар шаттық шеңберіне тұрады.

Ұйымдастыру, ізденушілік

Рефлексті коррекция

Топқа бөлу

(үстел үстіндегі ойыншықтар суреті туралы топқа бөліну)

1 топ Қоян тобы

2 топ Қуыршақ тобы

3 топ Доп тобы

1топ

-Қоян қандай аң?

-Қоянның баласы қалай аталады?

-Қоян немен қоректенеді?

2 топ

-Қыз балалар көбіне қандай ойыншықпен ойнайды?

-Қуыршақтың киімінің түсі қандай?

-Өздеріңде қуыршақтарың бар ма?

3 топ

-Доптың пішіні қандай?

-Доппен қандай ойындар ойналады?

-Қоян, қуыршақ, допты бір сөзбен қалай атауға болады?

Балалар ойыншықтар жасалуына

байланысты бірнеше түрге бөлінеді. 1. Матадан жасалған .2. Пластмассадан .3. Резинадан жасалған ойыншықтар Сипаттама беру .

- Сендердің сүйікті ойыншықтарың бар ма?

- Қандай ойыншықты жақсы көресіңдер?

- Ойыншықтарды қалай ұстау керек?

Дәптермен жұмыс:

Қадір Мырза Әлидің «Ойыншықтар» өлеңін сызба арқылы жаттату.

Іші толған бөлменің

Ойыншығым мол менің.

Босқа тізіп қоймайық,

Келе ғой, дос, ойнайық.

Мына тұрған арғымақ,

Мінем оған қарғып-ақ.

Мына тұрған қояным,

Алдыңа жем қоямын.

Сөздік жұмысы:

- Арғымақ деп жүйрік әрі әдемі атты айтамыз.

- Қарғып деп атқа секіріп мінуді айтады.

Сергіту сәті.

Қимыл-қозғалыс арқылы.

Дидактикалық ойын: «Ғажайып қалта».

Ойын шарты: көздеріңді жұмып қоржыннан кез -келген ойыншықты аласыңдар . Алған ойыншықтарыңның атын , түсін , қатты , жұмсақ екенін айтып , жақсы мейірімді тілек білдіресің . Мысалы: мен асықты алдым, асық ойыны ұлттық ойын, асықтың түсі – қызыл, қатты және асықпен ойнаймыз.(үш топқа ойнату)

Дәптермен жұмыс:

- Топ бойынша сурет салу.

- Жұмбақтың шешуін тап.

Бір құлағы сөйлесе,

Бір құлағы тыңдайды,

Білсең айтшы ендеше,

Жұрт не дейді мұндайды?