Көктем мезгілі бойынша қазақ тілі ашық сабағы

Пән: қазақ тілі

Сынып: Мерзімі:

Сабақтың тақырыбы: Көктем

Сабақтың мақсаты:

1.Білімділік: Көктем тақырыбы бойынша 2 сыныпта алған білімдерін еске түсіру, тақырып бойынша окушылардың білімдерін толықтыру. Түрлі тапсырмалар орындау арқылы білімдерін жинақтау, арттыру.

2.Дамытушылық: Оқушылардың өз ойларын толығымен жеткізе алуға және қойылған сұрақтарға нақты да дұрыс жауап беруге дағдыландыру.

3.Тәрбиелік: Бірін-бірі тыңдауға, өздерін дұрыс ұстауға, сыпайылыққа тәрбиелеу

Сабақтың түрі: жаңа сабақ

Сабақтың көрнекілігі: тақырыпқа байланысты суреттер, оқулық, топтастыру

Сабақтың әдіс-тәсілі: қайталау, сұрақ-жауап, түсіндіру, салыстыру, аудару,

Сабақтың барысы:

І Ұйымдастыру кезеңі

ü Сабақта жұмыс жүргізу үшін қалыпты сыртқы жағдайды қамтамасыз ету;

ü Оқушыларды қарым-қатынасқа психологиялық дайындау;

ü Оқушылардың сабаққа дайындығын тексеру;

ü Оқушылардың көңілін сабаққа аударуды ұйымдастыру;

- Сәлеметсіздер ме балалар?

- Бүгін сыныпта кім кезекші?

- Өте жақсы. Төрт көзіміз түгел болса, сабағымызды бастайық.

ІІ.Өткен сабақ пен жаңа сабақты сабақтастыру

Міндеттері:

а) өткен сабаққа шолу

ә) өткен тақырып пен жаңа сабақты байланыстыру;

б) жаңа сабақтың тақырыбы мен мақсатын айту;

ІІІ. Жаңа сабақты түсіндіру.

Алдымен мына өлең шумақтарына назар аударайық:

Қар, мұз еріп,

Су көбейіп,

Сай салаға ағады.

Бүршік шашып,

Жапырақ ашып,

Гүл бәйшешек басады.

Ал, балалар, айтыңдаршы

Бұл қай кезде болады?

- Балалардың жауабы: көктемде.

- Әрине көктемде, дұрыс айтасыңдар. Бүгінгі сабағымыздың тақырыбы - Көктем. Ендеше көктемінң шуақты күнінде автобусқа отырып, саяхат жасап қайтайық.

1-аялдама. "Сұрақ - жауап" аялдамасы.

-Жыл мезгілдерін ата.

-1 жылда неше ай бар? Атап шық.

-Қазір қай мезгіл?

-Көктем айлары?

-Қазір қай ай? Бүгін нешесі?

-Бүгін ауа-райы қандай?

Сөздікпен жұмыс.

ü бұлбұлдың суретін көрсету;

ü оқыту, қайталату;

ü сөйлем құрастыру. /Болымсыз етістікті қатыстырып сөйлем құрастыру./

2-аялдама. "Суреттер сөйлейді." Суретпен жұмыс. (Оқулықтағы суретке қарап, әңгіме құрастырамыз.)

Оқушыларға "Көктем" мезгіліне байланысты суреттер көрсетемін. Оқушылар көрсетілген суреттер бойынша әңгіме құрастырады.

Үлгі: Көктем келді. Күн жылынды. Қар еріді. Құстар ұшып келе бастады. Балалар ұя жасады. Ағаштар бүршік жарды. Жерге шөп шықты. Гүлдер өседі. Адамдар қысқы киімдерін шешеді. Жеңіл киім киеді.