Көктем тақырыбындағы мектепалды ашық сабақ

Білім беру саласы: «Коммуникация»

Ұйымдастырылған оқу қызметі: Сөйлеуді дамыту

Тақырыбы:«Көктем»

Мақсаты:

1. Балалардың көктем мезгілі туралы білімдерін кеңейту.

2. Сөздік жұмыстары арқылы сөздік қорларын байыту мен бірге есте сақтау қабілеттерін дамыту, грамматикалық тұлғада жүйелі сөйлеуге, әңгімелеп айтуға, берілген сұраққа жауап беруге үйрету.

3. Құстарға, ағаштарға, қамқор және еңбекқор болуға тәрбиелеу.

Көрнекіліктері: Құстардың, көктем мезгілінің суреті, бүршік жарған бұтақ, үлестірмелі суреттер.

Әдіс-тәсілдер: Сұрақ-жауап, көрсету, түсіндіру.

Әрекет кезеңдері

Тәрбиешінің іс-әрекеті

Балалардың іс-әрекеті

Мотивациялық- қозғаушы

Көктем мезгілі бейнеленген суреттер ілу.

- Қай жыл мезгілі бейнеленген?

- Көктем мезгілі екенін қайдан білдіңдер? Балаларға дәлелдету.

Жетекші сұрақтар қою.

Көктемде неше ай бар?

Көктем қай айдан басталады?

Жерде, далада, ағаштарда қандай өзгерістер болады?

Көктемде қандай құстар ұшып келеді?

- Көктем мезгілі бейнеленген.

- Көктемде үш ай бар.

- Наурыз айынан басталады.

- Жерде шөптер пайда болады. Ағаштар бүршік жарады.

- Ұзақ, қараторғай, су құстары.

Ұйымдастыру-іздестіру

- Көктемнің алғашқы айы – Наурыз. Бұл айда күн жылынып, қар еріп, жылғалардан су аға-ды. Сай-сала суға толады.

-Сәуір айында жер беті көгеріп, ағаштар бүр-шік атып, айнала құлпырып кетеді. Жаңбыр жиі жауады.

-Мамыр айында дала жасыл желек жамылады. Мамыр айын «Ән айы» деп атайды. Өйткені құстар балапан басады, тоғай, гүлзарлардың ішінде, көл жағасында құстардың сайраған дауыстарын естисің. Сондықтан көктем – жылдың ең тамаша мезгілі.

Әліппе-дәптермен жұмыс.

а/ Сурет бойынша әңгіме жүргізу.

ә/ Т.Молдағалиевтің «Көктем» өлеңін оқу.

б/ Сөздік жұмысын жүргізу.

Шартылдайды – сартылдайды, тарсылдай-ды.

Қып-қызыл отпен белгі – бұл жерде найзағай-дың көрінісі суреттеліп тұр.

Өпкен жел – бұл жерде желдің денеге жайлы әсер етуі.

Сергіту сәті.

Гүлдеріміз қызғалдақ,

Ашылады әдемі-ақ.

Желмен бірге шайқалып,

Мұрынға жақын апарып,

Бір иіскейік тамсана,

Хош иісі тамаша.

в/ «Өрік ағашы» әңгімесін оқу.

Д/о:«Көктемгі гүлдер»

Шарты: Себеттегі гүлдердің ішінен көктемде гүлдейтін гүлдерді шығарып алып, сол гүлді сипаттату. Мысалы: бәйшешек, қызғалдақ, сарғалдақ.

г/ Дәптерге алғашқы гүлдердің суретін салғызу.

Көктем мезгілі туралы мағлұмат алады.

Көктем мезгілі туралы айтады.