Көктемнің саны тақырыбындағы мектепалды ашық сабақ

Сабақтың тақырыбы: Көктемнің сәні

Білім саласы: Көркем әдебиет, математика, құрастыру.

Мақсаты: Балаларды табиғат өзгерістерімен таныстыру,көктем мезгілінің ерекшеліктерін түсіндіруді жалғастыру. Көктем мезгіліндегі табиғи құбылыстарды, өсімдіктер мен жануарлардағы өзгерістерді бақылап ажырата білуге үйрету.

Ойын арқылы балалардың есте сақтау қабілеттерін арттыру. Балаларға 1-10ға дейін тура және кері санауды үйретуді жалғастыру. Геометриялық фигураларды ажырата білуге тәрбиелеу. Балалардың ойлау қабілетін, тақпақтар айтқызу, жұмбақтар шешу арқылы, тілдерін дамыту. Балалардың ойлау қабілетін дамыту арқылы құстың ұясын құрастыра білуге үйрету. Балаларды ұйымшылдыққа, бірлесіп еңбек нәтижесіне жетуге болатындығына тәрбиелеу. Табиғатты қорғауға баулу.

Әдіс-тәсілі: Әңгімелеу, түсіндіру, көрсету, сұрақ-жауап, ой қозғау, ойын ойнау, мадақтау.

Көркем құралдар: слайд, құстар суреттері, үлестірмелі құралдар, 1-10 арасындағы сандар, геометриялық фигуралар, қиылған құс ұясы бөлшектері,ермексаз, ағаш бұталары, ылғал сүлгілер.

Тәрбиеші: Сәлеметсіңдер ме, балалар!

Қане, келген қонағымызбен амандасып алайық!

Балалар: Сәлем саған алтын күн

Сәлем саған көк аспан

Сәлем саған жер ана

Сәлем маған, сәлем саған

Здравствуй солнышко

Здравствуй небо

Здравствуй земля

Здравствуй ты и я!

Good morning, good morning!

Good morning to you!

Good morning, good morning!

We are glad to see you

Сәлеметсіздерме!

Тәрбиеші: Енді, балалар, бір-бірімізге жылы лебізімізді білдірейік.

Аспанымыз ашық болсын

Деніміз сау болсын

Әлемде тыныштық болсын

Күніміз жарқын, дастарханымыз мол болсын

Дос көп болсын

Әрқашан күн сөнбесін

Тәрбиеші: Тілектерің қабыл болсын балалар. Ендеше, орнымызға жайғасайық. Балалар мен сендерге бір жұмбақ жасырайын

Ақ қар еріп

Су көбейіп

Сай салаға толады.

Ағаш басы бүршік жарып

Гүл бәйшешек толады.

Айтыңдаршы балалар

Бұл қай кезде болады?

Балалар: Көктем

Дұрыс айтасыңдар! Ендеше осы көктем мезгілі туралы дайындаған слайдқа назар аударайық.

Тосын сәт: (Есік қағылып қарлығаш келеді)

Қарлығаш: Сәлем балақайлар. Мен көктеммен бірге келетін жыл құсымын. Сендермен бірге сабаққа қатысамын. Қарсы емессіңдер ме?

Балалар: жоқ

Тәрбиеші: Әрине болады. Қане балалар, біз қарлығашқа көктем туралы тақпақтарымызды айтып берейікші.(Балалар тақпақтарын айтады)

Қарлығаш : Жарайсыңдар балалар. Мен сендерге жақсы бір ойын әкелдім.Ойын ойнаймыз ба? Жыл құстарын ажырат деп аталады.