Көктемдегі ауа райы туралы сабақ жоспары

«Балдырған» IIкіші тобының ұйымдастырылған оқу қызметінің

технологиялық картасы

Білім беру саласы: «Әлеумет»

Бөлімі: Экология негіздері

Тақырыбы: Көктем мезгілінде ауа райы қандай болады?!

Мақсаты:

Білімділік: Көктем мезгілі туралы білімдерін толықтырып, жыл мезгілдерін ажырату. Көктем мезгілінің ерекшеліктері, ауа – райының өзгерістері туралы жан – жақты түсінік беру.

Дамытушылық: Балалардың сөздік қорын молайтып, ой – өрісін, тілін, қиялын дамыту. Табиғат көрінісін сипаттай білуге дағдыландыру. Көктем мезгілінің табиғатқа, адамға, жан – жануарға, қоршаған ортаға әсерін зерттеп талдау жасай білуге үйрету.

Тәрбиелік:. Балаларды табиғаттағы әсемдікті бақылауға дағдыландыру арқылы эстетикалық тәрбие беру, ұқыптылыққа тәрбиелеу, адамгершілік қарым қатынасқа баулу. Табиғатты сүюге тәрбиелеу.

Қажетті құрал-жабдықтар: Көктем суреттері, жыл мезгілдеріне байланысты құрастырамлар.

Билингвалдық компонент: Көктем- весна – spring, жаз – лето – summer, күз – осень – autumn, қыс – зима -winter

Әрекетінің кезеңдері

Педагогтің іс –әрекеті

Балалардың іс-әрекеті

Мотивациялық-қозғаушы

-Балалар, қараңдаршы жарқырап күн шығып тұр. Қандай шуақты ерекше күн. Балалар, бізге көп қонақтар келіп отыр екен, қане ең бірінші қонақтармен амандасып алайық.

Шаттық шеңбер:

- Қуанамын мен де,

Қуанасың сен де.

Қуанамыз бәріміз,

Арайлап атқан күнге,

Күннің көзі ашылып,

Көкке шуақ шашылып.

Құтты қонақ келіпті,

Төрімізге еніпті.

Амандасу үлкенге,

Тәрбиенің басы ғой.

Ал, қанекей бәріміз.

«Сәлем» дейік үлкенге.

(Балаларды үш тілде амандастыру)

-Балалар бүгінгі оқу қызметіміз ерекше өтпекші. Сендермен бірге ғажайып елге саяхатқа барамыз. Бұл ел сиқырлы екен. Қандай ел екенін сендерге жұмбақ арқылы жасырамын.

Жұмбақ:

Қар еріп, су көбейіп.

Сай – салаға толады.

Бүршік жарып, жарық ашып,

Гүл бәйшешек басады.

Бүлдіршіндер айтыңдаршы

Бұл қай кезде болады?

Дұрыс айтасыңдар, бұл – Көктем елі. Көктем еліне аттану үшін, менің қодымдағы қызыл және сары түсті гүл шоғырын таңдап көктем мезгілінің ерекшеліктерін атап ғажайып елге саяхатқа аттанамыз.

Балалар қараңдаршы біз көктем еліне саяхатқа келдік. Мұнда қандай әдемі ерекеше екен иә.

(Балаларды орындарына отырғызу)

-Балалар, сендер көктем мезгілінің айларын білесіндер ме?

-Олар: Наурыз, Сәуір, Мамыр айлары.

Осы көктем мезгілінде қандай мейрамдар болады?

Балалар шеңберге тұрады. Өлең жолына сәйкес қимылдар жасайды.

Балалар үш тілде қонақтармен амандасады.

Жұмбақты мұқият тыңдайды.

-Көктем мезгілінде болады.

Балалар тәрбиешінің берген тапсырамасын мұкият орындайды.

Көктем мезгілінде табиғат ана оянады.

Көктем мезгілінде күн жылынады.

Көктем мезгілінде қар ериді.

Ағаштардың бұталары бүршік атады.

Көктемнің алғашқы гүлдері гүлдейді

1-мамыр бейбітшілік күні

8-наурыз аналар мейрамы

22-наурыз «Ұлыстың ұлы күні»

Ұйымдастыру іс – әрекеті

Балалар біз сіздермен өткен оқу қызметімізді қортындылайықшы.

Сұрақ – жауап әдісі арқылы балаларға сұрақ қою.(Жыл мезгілдері туралы және сол жыл мезгілдерінің ерекшеліктері туралы сұрау)

Ойын: «Жыл мезгілдерін құрастыру»

Шарты: Монтессори әдісі арқылы балалар әр жыл мезгілінің суретін құрастырып ерекшеліктерін атау керек.