Көмектес септігі бойынша ашық сабақ, 4 сынып

САБАҚ: Қазақ тілі

Мектеп: Ақсай қаласының №4 ЖОББМ

Күні:

Мұғалімнің есімі: Сабитова М.Ж

СЫНЫП: 4 «а»

Қатысқандар саны:

Қатыспағандар саны:

Сабақтың тақырыбы:

Көмектес септік

Сабақ негізделген оқу мақсаты

Көмектес септігін меңгерту

Сабақ мақсаттары

Барлық оқушылар:

Көмектес септікті меңгереді, септей алады

Оқушылардың басым бөлігі:

Басқа септіктерден ажырата алады

Кейбір оқушылар:

Септік жалғауын дұрыс жалғайды

Тілдік мақсат

Оқушылар:

Зат есімнің септелуін біледі, қолданады

Негізгі сөздер мен тіркестер:

Ер-тоқым, ожау, шипажай, жастық.

Жетістік критерийлері:

Көмектес септігін меңгереді, қолданады, ажыратады

Алдыңғы тақырып

Шығыс септік

Жоспар

Жоспарланған уақыт

Жоспарланған жаттығулар (төменде жоспарланған жаттығулармен қатар, ескертпелерді жазыңыз)

Ресурстар

Басы

10 мин

Ұйымдастыру бөлімі

Қалыпты атмосфера орнату.

Қазір қай мезгіл?

Қыс мезгілінің белгілерін атаңыз?

«Менің қарым» ойыны.

Оқушылар ортадағы таяқшада тұрған қарды өзіне ала отырып, өзінің есімін айтады

Топқа бөлу. (қардың түрлеріне қарай топқа бөлемін)

Ұлпа қар, қасат қар, мамық қар, омбы қар.

(қар түрлеріне түсініктеме беріледі). Топ басшыларын сайлау. Бағалау парағы үйлестіріледі.

Ұлпа қар – түйіршіктері үлбіреген жеңіл үлпек қар.

Омбы қар – қалың қар.

Қасат қар – ұзақ жатқан, қатып қалған қалың қар.

Мамық қар – жұмсақ үлбіреген қар.

Таяқшаға міндетті түрде есімімізді жазып қоямыз.

Үй тапсырмасын тексеру.

3-жаттығу.

Мақал-мәтелдерді жатқа айту.

Шығыс септіктегі сөздерді тауып, жалғауын анықтату.

Өткен тақырып бойынша сұрақтар қою.

- Шығыс септігінің сұрағы мен жалғауларын ата. Жауабы: кімнен? Неден? Қайдан?, -дан, -ден, -тан, -тен, -нан, -нен.

Қыс мезгілінде ойналатын ойындарды атаңдаршы?

Ендеше біз қар кесегімен «Сырғанақ» ойынын ойнап жіберейік.

«Сырғанақ» ойыны.

Шарты. Балаларға А4 беріледі. Сол қағаздан сырғанақ жасап, сырғанату арқылы қар кесегін домалатып жүргізу керек. Формативті бағалау

Оқушылар немен ойнадық? (қармен)

Кімдермен ойнадық?(оқушылармен)

Енді осы сөздерді сөз құрамына талдайық.

қар+мен,оқу+шы+лар+мен, қағаз-бен, сынып-пен

Соңғы жалғауларға назар аударыңдар. Қандай сұрақтар қойылды?

Осы ойынның барысында бір-бірімізге не істеу арқылы жетістікке жеттік?(Көмектесу арқылы)

Көмектес септіктің сұрақтары: кіммен? Немен? Кімдермен? Нелермен?

Көмектес септіктің жалғаулары: -мен, - бен, -пен.

Ендеше біз бүгін «Көмектес септігі» тақырыбына байланысты жұмыстар жүргіземіз.

Таяқшалар

Бағалау парағы

А4, қар кесегі

Интерек. тақта

Ортасы

20 мин

Жаттығулармен жұмыс.

1-жаттығу.

1 деңгей:Сөйлемдерді оқыту.

2 деңгей: сөйлемнің ішінен қарамен жазылған сөздерді ата.

3 деңгей: қарамен жазылған сөздердің түбірі мен қосымшасын тап.

1 топ: Қоғамдық көлікпен жүру ережелерін білесің бе?

2 топ:Үлкен адамдармен қашанда «сіз» деп сөйлес.

3 топ: Әміре халық әндерін үлкен сезіммен шырқады.

4 топ: Әсет басқа ақындармен айтысқанда, өзінің білімділігін байқатты.

Бейнежұмбақ. 2-жаттығу. Жұмбақтарды тыңдап, жауабын тап. Көмектес септікте тұрған сөзді ата.

Желмен ұшып жетеді,

Желмен ұшып кетеді.

Қаңбақ

Таңмен көзін ашады,

Әлемге нұрын шашады.

Күн

Ендеше жұмбақтың жауабын орысша және ағылшынша атып көрейік.

Қаңбақ – перекати-поле – tumbleweed (Тамблуиид)

Күн – солнце – sun (сан)

Оқулықпен жұмыс

3-жаттығу. Сөйлемдерді көшіріп жаз. Көмектес септіктегі сөздерді тауып, қосымшаларын белгіле.

1.Барлық ат күміс ер-тоқыммен ерттелген. 2. Әжесі Гауһармен музейге барды. 3. Алмагүл сыпырғышпен еден сыпырып жүр. 4. Ғани Әсетпен шахмат ойнады. 5. Бұл шипажайда адамдар қымызбен емделді.

Сергіту сәті.