Көмектес септігі тақырыбына сабақ жоспары, 3 сынып

Сабақтың тақырыбы: Көмектес септік Сынып:3 Мұғалім: Л.Сарбасова Сабақтың мақсаты: 1. Оқушыларға көмектес септігінің қызметі өрісінің кеңдігін жаттығуларды орындату барысында түсіндіру. 2. Сөйлем ішінен ілік, барыс, табыс, жатыс, шығыс, көмектес септіктегі сөздерді сөз құрамына талдап, оларды өздері байланысатын сөздерімен теріп жазу арқылы олардың жалғауларын ажырата білу дағдыларын қалыптастыру. 3. Баланың бойында қоршаған ортаға деген адами қасиеттерін ка- лыптастыру, жетілдіру. Сабақтың барысы: Көмектес септікті оқушыларға жеңіл де тез меңгерту үшін, мынадай көрнекі құралды пайдалану тиімді болады. Тақтага сөз тіркестері жазылады. Арамен кесу, балғамен ұру, велосипедпен келу, пойызбен кету. Жалпы, көмектес септікке тән ерекшеліктерді мұғалімнің жетекші сұрақтары арқылы оқушылардың өздеріне айтқызған дұрыс: - қарамен жазылған сөздердің түбірі мен қосымшасын табу; - осы сөздерге сұрақ қою; - қай сөз табымен байланысып тұрғанын анықтау.

Көмектес септік

Сұрақтары Жалғаулары кіммен? немен? -мен, -бен, -пен

Оқушы жауаптары тыңдалғаннан кейін, мұғалім көмектес септіктің мынадай негізгі белгілерін айтып толықтырады: Сұрактары, жалғаулары айтылады. Көмектес септіктегі сөз істің қандай құралмен істелгенін білдіретінін. Мысалы: Орындықты балғамен шегеледі. Істің бірлесіп істелуін білдіреді. Мысалы: Марат үйге Асқармен келді. Көмектес септіктегі сөз сөйлемде тұрлаусыз мүше болады. Оқушыларға көмектес септіктен берік дағды беру үшін, төмендегідей жұмыстарды орындатқан жөн: - оқулықта берілген жаттығуларды орындау; - көмектес септіктегі сөз кездесетін сөйлем құрастыру; - өлен, мақал-мәтел немесе мәтінді оқып, оның ішінен көмектес септіктегі сөздерді табу; -көмектес септіктегі сөздердің түбірі мен қосымшасын ажырату; - тірек қағаздар таратып, оларда көмектес септіктегі сөздердің бар- жоғын айтуды талап ету. Тақтаға сөз тіркестері жазылған плакат ілінеді. Балалар көп нүктенің орнына тиісті септік жалғауларын жалғап оқиды. Бұл тапсырманы орындау арқылы алдыңғы сабақтарда алған білімдерін қайталаған дұрыс.

Әлидің әкесі, Әлиге айту, Әлиді шақыру, Әлиде бар, Әлиден сұрау, Әлимен сөйлесу.