Конституция ұлттың маңызды құжаты сыныптан тыс жұмыс

Конституция – ұлттың ең маңызды заңды құжаты

Мақсаты: Қазақ қоғамының жиырмасыншы ғасыр тарихындағы Конституцияларының ерекшеліктерін аңғарту, жетістіктеріне тоқталу.

Қосымша материалдардан мысалдар келтіре отырып, өз ойларын айтқызу

Өз елінің, жерінің жетістіктеріне сүйсіне білуге, Конституцияны іске асыра білуге талаптандырып, өз құқығын қорғай білуге баулу.

Әдістері: Ой қозғау, пікір талас.

Көрнекіліктер: Конституция жазылған плакаттар.

Барысы:

Ұйымдастыру.

ҚР Әнұранын орындау

Конституция туралы толық мағлұмат беру

Мұғалім: Қандайда бір кез келген елдің Конституциясы қоғамдық өмірде дәлелденген шындық. Өйткені мемлекеттің заң жүзінде ғана тиым сала отырып, әділетсіздікке тосқауыл қоюына болатындығы белгілі.

Егемендігі мен тәуелсіздігі жас мемлекетіміздің жаңа Конституциясын қабылдау оңай шара болған жоқ. Себебі, Кеңес Одағы ыдырағаннан кейін бұрын оның құрамына енген, енді дамудың егемендік жолына бағыт ұстанған әрбір республика үшін, соның ішінде Қазақстан үшін де өндірістік қатынастардың жиынтығы болып табылатын экономикалық базисте пайда болып өзгерістерді бейнелейтін идеологиялық қатынастардың құқықтық негіздерін қайтадан қалыптастыру қажет болды. Ал Конституция болса осы негіздің тірегі болып қызмет атқаруға тиіс еді. Екінші сөзбен айтқанда, бұрынғы құқықтық жүйе қайтадан пайда болған және мемлекеттің дамуы үшін негізгі концепция мен мемлекеттік биліктің реттеуші күшімен сәйкес келетін құқықты жүйе жасау қажеттігі туды. Бұл қажеттілік еліміздің еркін дамуынан туындады. Мемлекет басшылығы мен жетекші заңгер ғалымдар мұны дер кезінде түсініп жүзеге асыруға кірісті.

Сөйтіп Қазақстанда 1993 жылғы 28 қаңтарда құқықтық базаның іргетасы болып табылатын тұңғыш Конституция қабылданды, бұл Конституция өтпелі сипатта еді. Сондықтан екі жылдан соң жаңа Конституцияны қабылдау қажеттілігі туралы мәселе қойылды.

Қазақстан халықтары Ассамблеясының мәжілісінде еліміздің Президенті Нұрсұлтан Әбішұлы Назарбаев болашақ Ата заңының басымдылықтарын баяндап берді. Бұдан кейін бүкілхалықтық талдау үшін жарияланған жаңа конституцияның жобасы бойынша республика азаматтарынан отыз мыңға жуық ұсыныстар келіп түсті. 1995 жылдың 30 тамызында бүкіл халықтық референдумда жаңа Конституцияның қабылдануын (30 тамыз) еліміздің негізгі Ата Заңы Конституция мемлекетімізге, оның органдары мен ұйымдарына, бүкіл республика жұртшылығына қызмет етуін атап өтуге тұрарлық алғашқы бір мерейлі мәжілісіне де жетті.

Қазақстан Республикасының Констиуциясын, оның мазмұндық құрылымын көз алдымызға тағы тағы бір елестетер болсақ, 98 бапты өз бойына қамтитын тоғыз бөлімнен тұрады.

1 – бөлім: Жалпы ережелер;

2 – бөлім: Адам және азамат;

3 – бөлім: Президент;

4 – бөлім: Парламент;

5 – бөлім: Үкімент;

6 – бөлім: Конституциялық кеңес;

7 – бөлім: Соттар және сот төрелігі;

8 – бөлім: Жергілікті мемлекеттік басқару және өзін – өзі басқару;

9 – бөлім: Қорытынды және өтпелі ережелер.

Мұндай бөлімдердің бәрінде де мемлекеттік құрылысымыздың тұрпаты, оның иерархиялық ретпен орналасқан саяси басқару жүйесінің міндеттері қызметтері, Қазақстан қоғамындағы адамдпрдың, азаматтардың құқықтары мен бостандықтары заңнамалық түзіліске түскен.

Енді, балалар, Констиуцияның ережелері мен баптарын мұқият оқып, түпкілікті түсінік алған соң өз ойларыңды ортаға салыңдар.

1 – оқушы: 1 – бап. Қазақстан Республикасының демократиялық, зайырылы, құқықтық және әлеуметтік мемлекет екендігі, оның ең қымбат қазынасы – адам және оның құқықтары мен бостандықтары екендігі айтылған.