Координаталық сәуле және натурал сандарды салыстыру, 5-сынып

Қысқа мерзімді жоспар

Ұзақ мерзімді жоспардың тарауы: 5.1А Натурал сандар және нөл саны Мектеп «№1 М.Горький атындағы МГ»

Күні: 26 .09.2018 ж Мұғалімнің аты-жөні: Жетебаева Г.Б.

Сынып: 5 «В» Қатысқандар: 20 Қатыспағандар: -

Сабақтың тақырыбы

Координаталық сәуле. Натурал сандарды салыстыру. Қос теңсіздік

Осы сабақта қол жеткізілетін оқу мақсаттары (оқу бағдарламасына сәйкес)

өлшеудің түрлі ұзындық бірліктерін білу және координаталық сәуледегі бірлік кесінді дегенді түсіну;

натурал сандарды координаталық сәуледе кескіндеу;

Сабақтың мақсаты

Барлығы: өлшеудің түрлі ұзындық бірліктерін және координаталық сәуледегі бірлік кесіндіні біледі, түсінеді, анықтайды және жазады;

Басым көпшілігі: өлшеудің түрлі ұзындық бірліктері және координаталық сәуледегі бірлік кесінділер берілген есептерді шығарады

Кейбіреулері: өлшеудің түрлі ұзындық бірліктері және координаталық сәуледегі бірлік кесінділер берілген мәтінді есептерді шығарады

Бағалау критерийі

терминдерді түсінеді, өлшеудің түрлі ұзындық бірліктерін және координаталық сәуледегі бірлік кесіндіні түсіндіріп анықтайды.

Оқулықтағы тапсырмаларды топпен бірігіп талдайды, бір-біріне түсіндіреді, талқылайды зерттейді,есептер шығаруда қолданады.

Тақырыпты меңгере отырып жаттығу жұмыстарын орындау арқылы сабақты жинақтайды, бағалайды.

Тілдік мақсаттар

өлшеудің түрлі ұзындық бірліктерін біледі және координаталық сәуледегі бірлік кесінді дегенді, натурал сандарды координаталық сәуледе кескіндеуді түсінеді және өз ойларын жеткізеді.

Тақырып бойынша терминдер: жазықтық, сәуле, түзу, кесінді, координаталық сәуле, сандық сәуле

Диалогтар мен жазу үшін қолданылатын терминдер:

Қандай кесінділерді ұзындық бірлігі ретінде алуға болады?

Координаталық сәуле салу үшін не жеткілікті?

Координаталар басы қалай белгіленеді?

Қандай кесіндіні бірлік кесінді дейміз?

Құндылықтарға баулу

Тарихтың мәдениет пен тілдің біртұтастығы.

Құрмет, ынтымақтастық, ашықтық, қазақстандық патриотизм және азаматтық жауапкершілік. (Жұптық жұмыс арқылы тапсырманы орындайды.)

Пәнаралық байланыс

Жаратылыстану.

(Миға шабуыл: «Кім шапшаң» әдісі арқылы тапсырманы орындайды)

Алдыңғы бөлім

«Натурал сандар жиыны, тақ және жұп сандар» тақырыбына байланысты сұрақтарға жауап береді.

Сабақтың жоспарланған кезеңдері

Мин.

Сабақтағы жоспарланған жаттығу түрлері

Дереккөздер, ресурстар

Сабақтың басы

Сәлемдесу. Психологиялық жағымды ахуал орнату. «Лезде» әдісі арқылы үй жұмысын пысықтау. «Балалар философиясы» әдісі арқылы мұғалім тақырыппен таныстырып, үдерісті түсіндіреді. Оқушыларға ынталандыру материалдарын толығымен қарауға бірнеше минут береді. Оқушылар шеңберге оралғанда, тақырыпқа/пәнге қатысты жауап алғылары келетін сұрақтарды ойластыру үшін, оларға бір-екі минут беріледі. Сұрақтарын құрастырып болған соң, оқушылар пікір алмасып, талқыланатын мәселеге қатысты бір тоқтамға келу үшін дауыс береді. Мұғалім сұрақтарды дұрыс құра отырып, дамытатын сұрақтар қойып немесе әр оқушының қатысуын қамтамасыз ету үшін топпен бірге әрекет ете отырып, үйлестіруші ретінде қатысады.

Оқушыларды жаңа тақырыпқа байланысты топтастыру. Төрт түрлі қағаз тарату арқылы. 1-топ(қызыл) түзу, 2-топ(сары) сәуле, 3-топ(жасыл) кесінді, 4топ(көк) жазықтық. Неліктен бұлай топтастырғанымды сұрау арқылы тақырыпты негіздеу.

Миға шабуыл: тапсырма «Кім шапшаң» әдісі арқылы.

Сырдария өзенінің ұзындығы.........км.

Жер экваторының ұзындығы.........м.

Талғар шыңының биіктігі.........м.

Ай мен Жердің ара қашықтығы.......м.

Джомалунгма тау шыңы биіктігі........м

1-2219км. 2-40075696м. 3-4973м. 4-365400км. 5-8848м.

ҚБ:» Бас бармақпен»

Сергіту сәті: Оқушылардың эмоционалдық аймағын арттыру мақсатында сергіту сәтін ұйымдастыру. «Сандарды бейнеле» ойыны арқылы.

Кеспе қағаздар.

Топқа бөлу

түзу

сәуле

кесінді

жазықтық

Сабақтың ортасы

Джигсо әдісі. (Оқулықпен жұмыс) Деңгейлік тапсырмалар.

Құрылған әр топқа дәстүрлі тапсырма беріледі.

Нақты бір сұрақты немесе тапсырманы таңдаған оқушылардың барлығы Сарапшы топ деп аталатын жаңа топ құрып, ортақ проблеманың шешімін табу үшін бірлесіп жұмыс істейді.

Оқушылар бастапқы топтарына қайтып оралады. Материалдар таратылады да, бастапқы топтарға ақтық тапсырма беріледі.

№1 топ.

А) Кесінділерді сызыңдар.

3см, 6см, 1дм, 10см.

С) 1.37-суреттегі баланың тұрған орнына және оның итінің тұрған орнына сәйкес нүктелердің координаталарын табыңдар.

1)Егер бірлік кесінді 30 м-ге тең болса, олар неше метр қашықтықтан бір-біріне қарсы жүгіріп келеді?

2) Бала мен ит неше секундтан соң кездеседі?

Жауабы: В) 1. 50,130; 2. 30 секундтан соң

№2 топ. А)

Координаталық сәуледе А,В,С және D нүктелеріне қандай сандар сәйкес келеді (1.31-сурет)? А,В,С және D нүктелерін координаталарымен жазыңдар.

Жауабы: 1. А(2), В(3), С(4), D(6); 2. А(5), В(15), С(25), D(40)

В) Алдаркөсе 80 м\мин жылдамдықпен Шығайбайдың үйіне келе жатыр (1.35-сурет) Координаталық сәуледе Шығайбайдың үйі А нүктесімен кескінделген. Мүндағы бірлік кесінді 40 метрге сәйкес.

1) Координаталық сәуледе Шығайбайдың үйіне сәйкес нүктенің координатасын табыңдар;

2) Алдаркөсе Шығайбайдың үйіне неше минутта жетеді?

Жауабы: 4 минутта

№3 топ.

А)Бірлік кесінді ретінде ұзындығы 1 см кесіндіні алып, координаталық сәуле сызыңдар. Оның бойында 2,6,8 және9 сандарын кескіндейтін А,В,С және D нүктелерін белгілеңдер. ОА,ОВ,ОС және OD кесінділернің ұзындықтарын сантиметр есебімен…