Көпжақтар және дұрыс көпжақ ұғымы сабақ жоспары

Топ: НО-118, ТОРО-118, Ф-128, ФС-128, СМС-128, СЭЗ-128

Өткізілу мерзімі:

Сабақтың тақырыбы: Көпжақтар. Дұрыс көпжақ туралы ұғым.

Сабақтың мақсаты:

Білімділік: көпжақ, дұрыс көпжақ ұғымдарымен таныстыру.

Дамытушылық: есеп шығару дағдыларын арттыру.

Тәрбиелік: жауапкершілікке, жылдамдыққа тәрбиелеу

Сабақтың түрі: аралас сабақ

Сабақтың көрнекілігі: кітап, дидактикалық материалдар, проектор.

Сабақ барысы:

Ι. Ұйымдастыру кезеңі: а) амандасу; ә) түгендеу; б) кезекшімен жұмыс; в) назарын сабаққа аударту.

ΙΙ. Үй жұмысын тексеру. Дәптерлерін тексеру. Жауаптарын салыстыру

ІІІ. Негізгі кезең: сабақ түсіндіру.

Көпжақ – көпбұрыштармен шектелген кеңістіктің бөлігі. Көпбұрыштар көпжақтың жақтары деп аталады.

Көпжақтың жақтарының қабырғалары мен төбелері оның сәйкес қырлары мен төбелері деп аталады. Жақтар көпжақтың бетін құрайды. Көпжақты оның төбелерін белгілеген әріптермен жазамыз.

Көпжақтардың ең қарапайым тобын дөңес көпжақтар құрайды.

1-анықтама. Егер көпжақ өзінің жағын қамтитын жазықтықтардың кез келгеніне қарағанда тұтастай бір жақ бетінде орналасса, онда ол дөңес көпжақ деп аталады.

ЕГЕР ДӨҢЕС КӨПЖАҚТЫҢ ЖАҚТАРЫ ҚАБЫРҒАЛАРЫНЫҢ САНЫ БІРДЕЙ ДҰРЫС КӨПЖАҚТАР БОЛСА ЖӘНЕ КӨПЖАҚТЫҢ ӘРБІР ТӨБЕСІНЕН ШЫҒАТЫН ҚЫРЛАР САНЫ БІРДЕЙ БОЛСА, ОНДА ОНЫ ДҰРЫС КӨПЖАҚ ДЕП АТАЙДЫ

Дұрыс көпжақтың бес түрі бар:

Дұрыс тетраэдр;

Куб (Гексаэдр);

Октаэдр;

Додекаэдр;

Икосаэдр.

Дұрыс тетраэдрдың жақтары – дұрыс үшбұрыштар, оның төбесінде үш қыры тоғысады. Дұрыс тэтраэдр барлық қырлары тең болатын үшбұрышты пирамида.

Кубтың жақтары – квадраттар, оның әрбір төбесінде үш қыры тоғысады. Куб - барлық қырлары өзара тең тікбұрышты параллелепипед.

Октаэдрдың жақтары – дұрыс үшбұрыштар, оның әрбір төбесінде олар төртеуден тоғысады. Грек тілінен аударғанда, “октаэдр” – “сегіз жақты” деген мағына береді.

Додекаэдрдың жақтары – дұрыс бесбұрыштар, оның әрбір төбесінде үшеуден тоғысады. Грек тілінен аударғанда, “додекааэдр” – “он екі жақты” деген мағына береді.

Икосаэдрдың жақтары – дұрыс үшбұрыштар, оның әрбір төбесінде бесеуден тоғысады. Грек тілінен аударғанда, “икосаэдр” – “жиырма жақты” деген мағына береді.

Дұрыс көпжақтың грекше аттары

Қазақша аты

Қырының саны

Жақтарының саны

Төбелерінің саны

Тетраэдр

Төрт жақты

Куб (Гексаэдр)

Алты жақты

Октаэдр

Сегіз жақты

Додекаэдр

Он екі жақты

Икосаэдр

Жиырма жақты