Көше шамдарын мүсіндеуге арналған ашық оқу қызметі

Білім беру саласы: Шығармашылық

Бөлімі:Мүсіндеу.

Тақырыбы: «Көше шамдары»

Мақсаты: Жалпақ,дөңгелек пішінді көше шамдарын мүсіндей білуге үйрету. Балаларды ермексазды шымшып үзіп алуға және домалақ мүсіндер жасауға жаттықтыру.Саусақтың ұсақ бұлшықеттерінің қимылын жетілдіру. Балаларды еңбексүйгіштікке тәрбиелеу.

Көрнекіліктер: Балалардың санына қарай үлестірмелі материалдар, ермексаздан жасалған үлгі, шамдардың суреттері, тақтайша, ермексаз, сулық.

Шаттық шеңбер

Қуанамыз күлеміз,

Бар әлемде сүйеміз.

Қол ұстасып, қуанып,

Достарымен бір жүреміз.

Тәрбиеші көше шамдарының суреттерін көрсетеді. Олардың кешкілік әдемі болып жарқырап тұратындығы екенің айтады.

Балалар көрнекіліктерді қарайды.Көше шамдарымен танысады.

-Балалар,суреттен не байқадыңдар?

-Шамдар жарқырап тұр ма?

-Шамдардың түстері қандай?

-Жарайсыңдар,балалар! Шамдар біздің ауылымызға жарық береді. Шамдарды түнгі мезгілде жағып қоямыз. Біздің қуыршақтарымыз қараңғыдан қорқады.

Кәне, балалар, өз қуыршақтарымызға, жарық болуы үшін көше шамдарын жасап берсек қайтеді?

Сергіту сәті.

Алақай ау, алақай,

Ән шырқайық, балақай.

Қызарғанша алақан

Қол соғайық балақан.

Балалардың алдына үлестірмелі материалды таратып береміз. Бөлінген ермексаз бөлшектерін шымшып алу әдісімен кішкене бөлігін үзіп аламыз.

Енді,алақанымызға салып ырғақпен домалатамыз.

-Балалар,бәріміз қолымыздағы мүсінді көрсетейік. (Тәрбиеші өзі жасаған жұмысын қолына ұстап,балаларға көрсетеді.)

-Балалар жасаған мүсініміз көше шамдарына ұқсай ма?

-Ұқсайды

Тәрбиеші балалардың жұмыстарын қарап шығады

Тыныс алу жаттығулары

Бөтелкені үрлеу

Жарайсыңдар балалар!

Қорытынды

-Балалар біз бүгін нені мүсіндедік?

-Көше шамдарын

-Шамдардың пішіні қандай болады?

-Дөңгелек,жалпақ

-Шамның түсі қандай?

-Түсі сары болады

Жұмыс жасау барысында балалардың іс-әрекетіне талдау жасап,мадақтайды. Жақсы жасалған жұмыстарды ерекше атап өтеді.

Күтілетін нәтиже: Біледі: Шамдардың қай мезгілде қосылатынын біледі . Игереді:Көше шамдарының түсін,пішінін игереді

Меңгереді: Көше шамдарының ермексазбен қалай жасалу жолдарын меңгереді.