Көз адамның бейнесі тақырыбындағы ашық сабақ, 9 сынып

«Жаратылыстану» пәні бойынша сабақ жоспары

Мектеп: №3 арнайы мектеп

Мерзiмі: _______________

Мұғалім: Алданиязова Нургул Нисанбековна

Сынып: ________

Оқушылар саны:______

Тақырып: Көз адамның бейнесі

Мақсаты

Білімділік: Оқушыларға адамның сезім мүшелері туралы және адамға қоршаған ортаны бағдарлауға,көмекші көз екені туралы білімдерін кеңейту.Тәрбиелік: Оқушыларды көздің қадірін түсіне білуге,оның гигиеналық талаптарын сақтауға тәрбиелеу.Дамытушылық: Көзді сақтай отырып,ойлау қабілетін,ойы мен тілін дамыту.

Ресурстар: (инструментарии, мағлұматтар)

Оқулық, Суреттер

Сабақтың түрі: аралас

Сабақтың барысы:1. Ұйымдастыру кезеңі2. Үй тапсырмасын сұрау3. Жаңа сабақ4. Бекіту5. Бағалау6. Үйге тапсырма беру

1.Ұйымдастыру кезеңi.

1.Тәртіп

2.Талап

3.Тыныштық

4.Тазалық

5.Татулық

2.Үй тапсырмасын сұрау: Сезім мүшелерінің маңызы қандай?

3.Жаңа сабақ

1. Көрудің маңызы. Адам көру анализаторы арқылы қоршаған дүниеден 90%- дан көп ақпарат алады. Бізді қоршаған заттар мен құбылыстарды, денеміздің өзін ең алдымен көру арқылы қабылдаймыз. Көруге байланысты тұрмыстық және еңбек дағдыларын, мінез - құлықтың белгілі бір ережелерін орындауды үйренеміз. Көру арқылы жазуға, оқуға үйренеміз. Қоршаған табиғаттағы, сәулет өнері, мүсін өнері, балет, кескіндеме, кинодағы әдемілікті көреміз.2. Көздің құрылысы. Көз алмасының пішіні шар тәрізді. 2/3 бөлігі бас сүйектегі көз шарасымен қоршалады. Көз алмасын солға, оңға, жоғары, төмен қозғалысқа келтіретін бұлшық еттер арқылы көз шарасына бекінеді.Ақ қабық көз алмасына пішін береді. Алдыңғы бөлігі қасаң қабыққа жалғасады. Қасаң қабық жарықты өткізеді. Тамырлы қабықта қан тамырлары көп. Ол көздің барлық ұлпасын қоректік заттармен, оттекпен қамтамасыз етеді. Тор қабықта жарыққа сезімтал рецепторлар: құтышалар мен таяқшалар орналасқан. Қарашыққа қарсы жиналған құтышалар сары дақ, көру жүйкесі шығатын жерді соқыр дақ дейді.

Көз алмасының құрылысы

Оң жақ көздің жас бөлетін мүшелері

3. Көру қызметі. Жарық көз алмасына қарашық арқылы түседі. Қарашық жарық сәулесін тоғыстау қызметін атқарады. Көзбұршақ жарық сәулесін сындырады да, оларды шыны тәрізді дене арқылы аударылған күйінде көздің тор қабығына бағыттайды. Көзді қимылдататын бұлшық ет заттың кескіні көздің тор қабығына, сары даққа дәл түсетіндей етіп көз алмасын қозғайды.